Ընդունված է 2004թ. դեկտեմբերի 22-ին
Հոդված 1. «Շահութահարկի մասին» Լեռնային Ղարաբաղի Հանրապետության օրենքի (այսուհետ՝ օրենք) 4-րդ հոդվածի 1-ին կետում «բացառությամբ Լեռնային Ղարաբաղի Հանրապետության բյուջետային հիմնարկների» բառերը փոխարինել «բացառությամբ Լեռնային Ղարաբաղի Հանրապետության պետական կառավարչական հիմնարկների, Լեռնային Ղարաբաղի Հանրապետության տեղական ինքնակառավարման մարմինների, պետական ոչ առևտրային կազմակերպությունների` բյուջետային հատկացումների և ամբողջությամբ բյուջե փոխանցվող եկամուտների մասով» բառերով:
Հոդված 2.Օրենքի 7-րդ հոդվածի 2-րդ կետի «ժա» ենթակետում «եկամուտները» բառից հետո լրացնել «, բացառությամբ օրենքով տրվող հարկային արտոնությունների գումարների» բառերով:
Հոդված 3.Օրենքի 8-րդ հոդվածում`
ա) երկրորդ պարբերությունում «ինչպես նաև Լեռնային Ղարաբաղի Հանրապետության կառավարության սահմանած կարգով» բառերը փոխարինել «ինչպես նաև օրենքով սահմանված կարգով» բառերով.
բ) ավելացնել նոր մաս` հետևյալ բովանդակությամբ.
«Սույն օրենքի իմաստով եկամուտ չեն համարվում օրենքով տրվող հարկային արտոնությունների գումարները:»:
Հոդված 4.Օրենքի 10-րդ հոդվածի 2-րդ կետի «ը» ենթակետում «բանկային» բառից հետո ավելացնել «, ապահովագրական» բառը:
Հոդված 5.Օրենքի 11-րդ հոդվածի «դ» կետում «ինչպես նաև Լեռնային Ղարաբաղի Հանրապետության կառավարության սահմանած կարգով» բառերը փոխարինել «ինչպես նաև օրենքով սահմանված կարգով» բառերով:
Հոդված 6. Օրենքի 13-րդ հոդվածում՝
ա) 2-րդ կետը շարադրել հետևյալ խմբագրությամբ՝
«2. Հիմնական միջոցի վրա կատարված կապիտալ բնույթի ծախսերն ավելացվում են այն հիմնական միջոցի հաշվեկշռային արժեքին, որի վրա այդ ծախսերը կատարվել են, և՝
1) եթե այդ ծախսերը չեն գերազանցում հիմնական միջոցի` ընթացիկ տարվա հունվարի 1-ի դրությամբ հաշվեկշռային արժեքը, ապա ամորտիզացվում են սույն օրենքի 12-րդ հոդվածով սահմանված կարգով,
2) եթե այդ ծախսերը գերազանցում են հիմնական միջոցի` ընթացիկ տարվա հունվարի 1-ի դրությամբ հաշվեկշռային արժեքը, ապա ամորտիզացվում են սույն օրենքի 12-րդ հոդվածով սահմանված կարգով, բայց ոչ պակաս, քան հինգ տարվա ընթացքում: Եթե հիմնական միջոցի ամորտիզացիոն նվազագույն ժամկետը սահմանված է հինգ տարուց պակաս, ապա այդ հիմնական միջոցի վրա կատարված կապիտալ բնույթի ծախսերն ամորտիզացվում են այդ հիմնական միջոցի համար սահմանված ամորտիզացիոն նվազագույն ժամկետում:».
բ) 3-րդ կետից հանել «վարձակալի համախառն եկամտից» բառերը.
գ) 4-րդ կետում «հայտանիշների» բառից հետո ավելացնել «և (կամ) չափերի» բառերը:
Հոդված 7. Օրենքի 16-րդ հոդվածի 1-ին կետում.
ա) «ը» ենթակետում «ակտիվները» բառից հետո ավելացնել «,մատուցված ծառայությունները» բառերը.
բ) լրացնել հետևյալ բովանդակությամբ «ժգ» ենթակետով՝
«ժգ) վարկերի և փոխառության դիմաց վճարվող տոկոսների՝ Հայաստանի Հանրապետության կենտրոնական բանկի կողմից սահմանված բանկային տոկոսի հաշվարկային դրույքի կրկնակի չափը գերազանցող մասը:»:
Հոդված 8. Օրենքի 25-րդ հոդվածի 1-ին կետի առաջին նախադասությունը «չափով» բառից հետո լրացնել «, բացառությամբ կազմակերպությունների միացման, միաձուլման և վերակազմավորման ձևով վերակազմակերպման դեպքերի:» բառերով:
Հոդված 9. Օրենքի 391-րդ հոդվածում «բնակչությանը» բառից հետո ավելացնել «, Լեռնային Ղարաբաղի Հանրապետության քաղաքային և գյուղական համայնքներին, ջրօգտագործողների ընկերություններին, ջրօգտագործողների ընկերությունների միություններին, համատիրություններին, բազմաբնակարան շենքի սպասարկում (կառավարում) իրականացնող անձանց» բառերով, իսկ «ինչպես նաև» բառերից հետո լրացնել «Գնումների մասին» Լեռնային Ղարաբաղի Հանրապետության օրենքին համապատասխան» բառերը:
Հոդված 10. Օրենքի 451. հոդվածի՝
ա) 5-րդ մասում ավելացնել հետևյալ բովանդակությամբ նոր պարբերություն.
«Նախորդ տարվա փաստացի շահութահարկի գումարները հայտնի դառնալուց հետո շահութահարկի հաշվարկի ներկայացմանը հաջորդող առաջին կանխավճարային մուծման ժամանակ կատարվում է մինչև հաշվարկի ներկայացումը տվյալ տարվա ընթացքում կատարված կանխավճարների գումարների ճշտում` տարվա սկզբից աճող հանրագումարով և սույն հոդվածի 2-րդ մասում նշված չափերով:»
բ) 6-րդ մասի 1-ին նախադասությունում «որոշում է ինքնուրույն» բառերից հետո ավելացնել «շահութահարկի հաշվարկների ներկայացման ժամկետից ոչ ուշ` այդ մասին գրավոր հայտնելով հարկային տեսչության մարմիններին» բառերը:
Հոդված 11. Օրենքի 55-րդ հոդվածի աղյուսակում «5» և «10» թվերը փոխարինել համապատասխանաբար «2» և «3» թվերով:
Հոդված 12.Օրենքի 58-րդ հոդվածի 1-ին կետում «մարտի 25-ից ոչ ուշ» բառերը փոխարինել «ապրիլի 15-ից ոչ ուշ» բառերով:
Հոդված 13.Օրենքի 67-րդ հոդվածի 3-րդ մասում «հարկ վճարողից» բառերը փոխարինել «ռեզիդենտ հարկ վճարողից» բառերով:
Հոդված 14. Սույն օրենքն ուժի մեջ է մտնում 2005 թվականի հունվարի 1-ից:
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` Ա. ՂՈՒԿԱՍՅԱՆ
30 դեկտեմբերի 2004թ.
ք. Ստեփանակերտ
ՀՕ-166
