Ընդունված է 2003թ. դեկտեմբերի 24-ին 

                  Հոդված 1. «Հարկային ծառայության մասին» Լեռնային Ղարաբաղի Հանրապետության օրենքի (այսուհետ՝ օրենք) 15-րդ հոդվածում.

1)  առաջին մասի «Բ խումբ» պարբերությունից հանել «(գլխավոր հաշվապահ)» բառերը

2) երրորդ մասը շարադրել հետևյալ խմբագրությամբ.

«3. Հարկային ծառայության պաշտոնների անվանացանկը հաստատում է Լեռնային Ղարաբաղի Հանրապետության կառավարությունը:»:

Հոդված 2. Օրենքի 24-րդ հոդվածը  շարադրել հետևյալ խմբագրությամբ.

«Հոդված 24. Հարկային ծառայողների վարձատրությունը և խրախուսումը

1. Հարկային ծառայողների վարձատրության համակարգը

Հարկային ծառայողների վարձատրության համակարգն ունի հետևյալ կառուցվածքը.

1) հիմնական աշխատավարձ՝ պաշտոնային դրույքաչափ, որը պայմանավորված է հարկային ծառայության պաշտոնների դասակարգման համակարգում տվյալ պաշտոնի զբաղեցրած դիրքով և հարկային ծառայողի՝ հարկային մարմնում ունեցած աշխատանքի ստաժով.

2) լրացուցիչ աշխատավարձ, որը ներառում է՝

- աշխատանքի հատուկ պայմանների, աշխարհագրական միջավայրի, տոնական և հանգստյան օրերին, գիշերային ժամերին աշխատելու համար տրվող հավելումները,

- հարկային ծառայության դասային և հատուկ կոչումների համար տրվող հավելավճարները,

- ծառայողական գործունեության գնահատման արդյունքներով, հատուկ առաջադրանքների որակյալ կատարման, ինչպես նաև հարկային մարմնի գործունեության ամփոփ ցուցանիշներից ելնելով՝ հարկային ծառայության նյութական խրախուսման և համակարգի զարգացման ֆոնդից տրվող պարգևատրումները:

2. Հարկային ծառայողների հիմնական աշխատավարձի համակարգը՝

1) հարկային ծառայողների պաշտոնների յուրաքանչյուր ենթախմբի համար սահմանվում է  հիմնական աշխատավարձի սանդղակ՝ նվազագույն պաշտոնային դրույքաչափից մինչև առավելագույնը.

2) պաշտոնային դրույքաչափերի սանդղակի համար սահմանվում է աշխատավարձի 11 մակարդակ և յուրաքանչյուր մակարդակում՝ պաշտոնային դրույքաչափի հաշվարկման գործա-կից (աղյուսակ 1):

Աղյուսակ 1. Հարկային ծառայողների պաշտոնային դրույքաչափերի համակարգը

3/ հարկային  ծառայության որոշակի պաշտոնում հարկային ծառայողի հիմնական աշխատավարձի չափը որոշվում է բազային պաշտոնային դրույքաչափը բազմապատկելով համապատասխան պաշտոնային դրույքաչափի հաշվառման գործակցով.

4/ աշխատավարձի հաշվարկման ժամանակ  հարկային ծառայողների պաշտոնային դրույքաչափերի համակարգում անցումը հերթական մակարդակին կատարվում է աղյուսակով նախատեսված հարկային ծառայողի աշխատանքային ստաժին համապատասխան՝ տարին լրանալու օրվան հաջորդող ամսվա մեկից.

5/ հարկային մարմնի ղեկավարի հիմնական աշխատավարձի չափը որոշվում է բազային պաշտոնային դրույքաչափը բազմապատկելով 7.1 գործակցով՝  առանց հաշվի առնելու հարկային ծառայության ստաժը:

3. Բազային պաշտոնային դրույքաչափը՝

1/ հարկային ծառայողների բազային պաշտոնային դրույքաչափը համապատաս-խանում է հարկային ծառայության պաշտոնների անվանացանկի Դ խմբի ստորին ենթախմբի պաշտոնային դրույքաչափերի սանդղակի ստորին մակարդակին՝  1.00 գործակից, որի նկատմամբ համապատասխան գործակիցներով հաշվարկվում են բոլոր մյուս դրույքաչափերը:

Հարկային ծառայողի բազային պաշտոնային դրույքաչափը սահմանվում է յուրաքանչյուր տարվա Լեռնային Ղարաբաղի Հանրապետության պետական բյուջեի մասին օրենքի առանձին հոդվածներով.

2/ հարկային ծառայողների   բազային պաշտոնային դրույքաչափը տվյալ տարվա համար չի կարող սահմանվել ավելի ցածր, քան նախորդ տարվա բազային պաշտոնային դրույքաչափը:

4.Հարկային ծառայողների աշխատավարձի նկատմամբ սահմանվող հավելավճարները  և հավելումները՝

1/ աշխատանքի հատուկ պայմանների, աշխարհագրական միջավայրի, տոնական և հանգստյան օրերին, գիշերային ժամերին աշխատելու համար տրվող հավելումները   սահմանում  է Լեռնային Ղարաբաղի Հանրապետության կառավարությունը՝ հարկային ծառայողի պաշտոնային դրույքաչափի նկատմամբ.

2/ հարկային ծառայողի դասային կոչման համար սահմանվում է հավելավճար՝ բազային պաշտոնային դրույքաչափի նկատմամբ՝ հետևյալ չափերով.

3/ հարկային ծառայողի հատուկ կոչման համար սահմանվում է հավելավճար՝ բազային պաշտոնային դրույքաչափի նկատմամբ՝ հետևյալ չափերով.

4/ հարկային ծառայության դասային և հատուկ  կոչում ունեցող ծառայողները հավելավճար ստանում են միայն  առավել բարձր հավելավճար նախատեսվող կոչման համար:

5/ գիտական աստիճան ունեցող հարկային ծառայողների համար լրացուցիչ սահմանվում է հավելավճար՝ բազային պաշտոնային դրույքաչափի նկատմամբ 10 տոկոսի չափով:

5. Հարկային ծառայողների վարձատրության վերանայումները՝

1/ հարկային ծառայողների վարձատրության չափերի փոփոխություն իրականացվում է բազային աշխատավարձի մեծության կամ հարկային ծառայողների վարձատրության  համակարգի վերանայման միջոցով.

2/ կառավարության լիազորած մարմինը հարկային ծառայության մարմնի առաջարկով  յուրաքանչյուր տարի բազային աշխատավարձի մեծության և վարձատրության համակարգի վերաբերյալ առաջարկություններ է ներկայացնում Լեռնային Ղարաբաղի Հանրապետության կառավարություն:

6. Երկարամյա  ծառայության, ծառայողական պարտականությունները և հատուկ առաջադրանքները գերազանց կատարելու, ինչպես նաև  աշխատանքի նկատմամբ նվիրվածության համար հարկային ծառայողի նկատմամբ  կարող են կիրառվել խրախուսանքի հետևյալ տեսակները.

1/ կարգապահական տույժի հանում.

2/ դրամական պարգևատրում.

3/ հուշանվերով պարգևատրում.

4/ օրենքով նախատեսված կարգով աշխատավարձի (վաստակի) բարձրացում.

5/ հարկային մարմնի ղեկավարի կողմից շնորհակալության հայտարարում.

6/ արտահերթ հատուկ  և (կամ) դասային կոչման շնորհում.

7/ անվանական զենքով պարգևատրում.

8/ «Լեռնային Ղարաբաղի Հանրապետության օրինակելի հարկային ծառայող» կրծքանշանով պարգևատրում:

7. Սույն հոդվածի վեցերորդ մասի 1-6 կետերով  նախատեսված խրախուսման միջոցները կիրառում է հարկային մարմնի ղեկավարը:

8. Անվանական զենքով և «Լեռնային Ղարաբաղի Հանրապետության օինակելի հարկային ծառայող» կրծքանշանով պարգևատրումը հարկային մարմնի ղեկավարի ներկայացմամբ իրականացվում է Լեռնային  Ղարաբաղի  Հանրապետության վարչապետի որոշմամբ:

Հարկային մարմնի ղեկավարին անվանական զենքով և «Լեռնային Ղարաբաղի Հանրապետության օրինակելի հարկային ծառայող» կրծքանշանով պարգևատրումն իրականացնում է Լեռնային Ղարաբաղի Հանրապետության Նախագահը՝  Լեռնային Ղարաբաղի Հանրապետության վարչապետի ներկայացմամբ:»:

Հոդված 3.  Սույն  օրենքն  ուժի  մեջ է մտնում  2004թ. հունվարի 1-ից:

Սույն օրենքն  ուժի մեջ  մտնելու  պահից  ուժը  կորցրած  ճանաչել  1998 թ. սեպտեմբերի  19-ի «Լեռնային Ղարաբաղի Հանրապետության հարկային պետական վարչության աշխատակիցներին դասային և հատուկ կոչումներ շնորհելու և դրանց համապատասխան դրամական հավելավճարներ տալու մասին» կանոնադրության մասին» Լեռնային Ղարաբաղի Հանրապետության Ազգային ժողովի  թիվ Թ. Ն. 0339-1 որոշումը:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ 

ՆԱԽԱԳԱՀ՝                       Ա. ՂՈՒԿԱՍՅԱՆ 

30 դեկտեմբերի 2003 թ.

ք.Ստեփանակերտ

ՀՕ- 87