Ընդունված է 2008թ. մարտի 12-ին
Հոդված 1. «Հաստատագրված վճարների մասին» Լեռնային Ղարաբաղի Հանրապետության օրենքի (16 նոյեմբերի 1998 թվականի, ՀՕ-27, այսուհետ` օրենք) 4-րդ հոդվածում ավելացնել հետևյալ բովանդակությամբ նոր մասեր`
«Սույն օրենքով կարգավորվող հարաբերությունների մասով առևտրի իրականացման վայրերում գտնվող 10 քառակուսի մետր առևտրական տարածքը չգերազանցող խանութների, տաղավարների, կրպակների միջոցով առևտրական գործունեություն իրականացնողները ազատվում են «Եկամտահարկի մասին» Լեռնային Ղարաբաղի Հանրապետության օրենքի 21-րդ հոդվածի 1-ին կետի «ա» ենթակետով հարկային գործակալի համար սահմանված պարտավորությունների կատարումից:
Սույն օրենքով կարգավորվող հարաբերությունների մասով անհատ ձեռնարկատեր հանդիսացող առևտրի իրականացման վայրերում գտնվող 10 քառակուսի մետր առևտրական տարածքը չգերազանցող խանութների, տաղավարների, կրպակների միջոցով առևտրական գործունեություն իրականացնողների վրա չեն տարածվում «Պարտադիր սոցիալական ապահովության վճարների մասին» Լեռնային Ղարաբաղի Հանրապետության օրենքով նախատեսված եկամտի ստացման հետ կապված ձեռք բերված ապրանքների համար կատարած ծախսերի հիմնավորման նկատմամբ ներկայացվող պահանջները:»:
Հոդված 2. Օրենքի 6-րդ հոդվածի «ժէ) կետով» բառերը փոխարինել ««ժէ» և «իա» կետերով» բառերով:
Հոդված 3. Օրենքի 7-րդ հոդվածում`
ա) «ա» կետը շարադրել հետևյալ խմբագրությամբ`
«ա) առևտրի իրականացման վայրերից դուրս գտնվող 10 քառակուսի մետր առևտրական տարածքը չգերազանցող խանութների, կրպակների (տաղավարների) և այլ վաճառատեղերի միջոցով առևտրական գործունեությունը (այսուհետ՝ խանութների, կրպակների (տաղավարների) միջոցով իրականացվող առեւտրական գործունեություն).».
բ) լրացնել հետևյալ բովանդակությամբ «ա1» կետ՝
«ա1) առևտրի իրականացման վայրերում գտնվող 10 քառակուսի մետր առևտրական տարածքը չգերազանցող խանութների, տաղավարների, կրպակների միջոցով առևտրական գործունեությունը (այսուհետ՝ առևտրի իրականացման վայրերում առևտրական գործունեություն).»:
Հոդված 4. Օրենքի 11-րդ հոդվածի 1-ին կետը ««բ» ենթակետերով,» բառերից հետո լրացնել «251-րդ հոդվածի 2-րդ կետի «ա» ենթակետով,» բառերով:
Հոդված 5. Օրենքի 13-րդ հոդվածի 3-րդ կետում «3-րդ կետի «ա» ենթակետով» բառերից հետո լրացնել «, 251-րդ հոդվածի 2-րդ կետի «ա» ենթակետով» բառերով:
Հոդված 6. Օրենքի 16-րդ հոդվածի 1-ին կետը «3-րդ կետի «ա» ենթակետով,» բառերից հետո լրացնել «251-րդ հոդվածի 2-րդ կետի «ա» ենթակետով,» բառերով:
Հոդված 7. Օրենքի 20-րդ հոդվածում «7-րդ հոդվածի «ա» (բացառությամբ 10 քառակուսի մետր առևտրական տարածքը չգերազանցող խանութների, կրպակների (տաղավարների) միջոցով իրականացվող առևտրական գործունեության, և բնակելի տարածքից անմիջական վաճառքի),» բառերը փոխարինել «7-րդ հոդվածի «ա» (բացառությամբ առևտրի իրականացման վայրերից դուրս գտնվող 10 քառակուսի մետր առևտրական տարածքը չգերազանցող խանութների, կրպակների (տաղավարների) միջոցով իրականացվող առևտրական գործունեության, և բնակելի տարածքից անմիջական վաճառքի), «ա1» (բացառությամբ առևտրի իրականացման վայրերում գտնվող 10 քառակուսի մետր առևտրական տարածքը չգերազանցող կրպակների և տաղավարների միջոցով իրականացվող առևտրական գործունեության) և» բառերով£
Հոդված 8. Օրենքի 21-րդ հոդվածի «գ» կետը «կրպակների (տաղավարների)» բառերից հետո լրացնել «և այլ վաճառատեղերի» բառերով:
Հոդված 9. Օրենքի 22-րդ հոդվածում`
ա) 1-ին կետի «30 քառակուսի մետր» բառերը փոխարինել «10 քառակուսի մետր» բառերով.
բ) 2-րդ կետի «30 քառակուսի մետրից» բառերը փոխարինել «10 քառակուսի մետրից» բառերով.
գ) 3-րդ կետի «ա» ենթակետի «310» թիվը փոխարինել «1000.0» թվով.
դ) 3-րդ կետը լրացնել հետևյալ բովանդակությամբ «զ» ենթակետով՝
«զ) առևտրի իրականացման վայրերում առևտրական գործունեության վրա, բացառությամբ սույն օրենքի 21-րդ հոդվածի:»:
Հոդված 10. Օրենքը լրացնել հետևյալ բովանդակությամբ 21 -րդ գլխով.
«ԳԼՈՒԽ 21. ԱՌԵՎՏՐԻ ԻՐԱԿԱՆԱՑՄԱՆ ՎԱՅՐՈՒՄ ԱՌԵՎՏՐԱԿԱՆ ԳՈՐԾՈՒՆԵՈՒԹՅԱՆ ՀԱՄԱՐ ՀԱՍՏԱՏԱԳՐՎԱԾ ՎՃԱՐԸ
Հոդված 251. Առևտրի իրականացման վայրում առևտրական գործունեության համար
հաստատագրված վճար վճարողները
1. Վճարողներ են համարվում առևտրի իրականացման վայրերում գտնվող` 10 քառակուսի մետր առևտրական տարածքը չգերազանցող խանութների, տաղավարների, կրպակների և այլ վաճառատեղերի միջոցով առևտրական գործունեություն իրականացնող իրավաբանական անձինք և անհատ ձեռնարկատերերը:
2. Սույն գլխի դրույթների գործողությունը չի տարածվում՝
ա) այն հարկ վճարողների վրա, որոնց կողմից եռամսյակի ընթացքում (անկախ գործունեության իրականացման օրերի թվից) առեւտրական տարածքի 1 քառակուսի մետրի հաշվով ապրանքաշրջանառության ծավալը գերազանցում է 1000.0 հազար դրամը (սահմանային չափը), իսկ ոսկերչական արտադրատեսակների վաճառք իրականացնողների համար` 2100.0 հազար դրամը (սահմանային չափը).
բ) սեփական արտադրության արտադրանքն ինքնուրույնաբար իրացնող հարկ վճարողների վրա՝ գործունեության այդ մասով.
գ) առևտրի իրականացման վայրում սեփականության իրավունքով իրենց պատկանող գործածության մեջ եղած անձնական օգտագործման իրեր վաճառող քաղաքացիների վրա:
Հոդված 252. Առևտրի իրականացման վայրում առևտրական գործունեության համար
հաստատագրված վճարի չափը
Առևտրի իրականացման վայրում առևտրական գործունեության համար հաստատագրված վճարը հաշվարկվում է յուրաքանչյուր ամսվա համար՝ ելակետային տվյալի և ուղղիչ գործակցի արտադրյալի 660-ապատիկի չափով` դրամական արտահայտությամբ:
Հոդված 253. Առևտրի իրականացման վայրում առևտրական գործունեության համար
հաստատագրված վճարի ելակետային տվյալը
Առևտրի իրականացման վայրում առևտրական գործունեության համար հաստատագրված վճարի ելակետային տվյալ է համարվում առևտրական տարածքը՝ արտահայտված քառակուսի մետրով:
Հոդված 254. Առևտրի իրականացման վայրում առևտրական գործունեության համար
հաստատագրված վճարի հաշվարկման ուղղիչ գործակիցները
Առևտրի իրականացման վայրում առևտրական գործունեության համար հաստատագրված վճարի հաշվարկման համար ուղղիչ գործակիցներն են՝
|
Ստեփանակերտ քաղաքի համար՝ |
1.0 |
|
շրջկենտրոնների համար` |
0.6 |
|
այլ վայրերի համար` |
0.3:»: |
Հոդված 11. Օրենքի 28-րդ հոդվածի 1-ին մասը շարադրել հետևյալ խմբագրությամբ`
«Վճարողներն առևտրի իրականացման վայրում առևտրական գործունեություն իրականացնողներին տարածքներ (վաճառատեղեր) տրամադրելիս օրենքով սահմանված կարգով կնքում են համապատասխան գրավոր պայմանագիր, որում նշվում են նաև`
ա) առևտրի իրականացման վայրի կազմակերպչի անվանումը, կազմակերպականիրավական ձևը, անհատ ձեռնարկատիրոջ անունը, ազգանունը, նրանց պետական գրանցման համարը և ամսաթիվը, հարկ վճարողի հաշվառման համարը (ՀՎՀՀ-ն).
բ) առևտրի իրականացման վայրում առևտրական գործունեություն իրականացնող իրավաբանական անձի անվանումը, կազմակերպական-իրավական ձևը, անհատ ձեռնարկատիրոջ անունը, ազգանունը, նրանց պետական գրանցման համարը և ամսաթիվը, ՀՎՀՀ-ն.
գ) առևտրի իրականացման վայրում առևտրական գործունեության իրականացման ժամանակահատվածը (ոչ ամբողջ ամսվա համար` նշելով օրերը և դրանց թիվը).
դ) վաճառատեղի հերթական համարը և հատկացվող տարածքի մակերեսը (մ2).
ե) մեկ քառակուսի մետրի հաշվով գանձվող վճարի չափը.
զ) պայմանագրի կնքման և գործողության ժամկետները:»:
Հոդված 12. Օրենքի 36-րդ հոդվածում ավելացնել հետևյալ բովանդակությամբ «է» կետ`
«է) առևտրի իրականացման վայրերում արտաքին բուֆետների (շարժական և հատուկ սարքավորումներով խոհարարական արտադրանքի պատրաստմամբ և սպասարկմամբ զբաղվող) և սպասարկման սրահ չունեցող այլ վայրերի համար լրացուցիչ` 0.5:»:
Հոդված 13. Օրենքի 58-րդ հոդվածի 1-ին կետում «գյուղական վայրերում» բառերը փոխարինել «այլ վայրերում» բառերով:
Հոդված 14. Օրենքի 593-րդ հոդվածի տեքստը շարադրել հետևյալ խմբագրությամբ`
«Ավտոտրանսպորտային միջոցների գազալցման (գազալիցքավորման) գործունեության հաստատագրված վճարի ամսական չափը հաշվարկվում է՝
ա/ բնական գազի գազալցման կայանի (կետի) համար` ելակետային տվյալի և ուղղիչ գործակցի արտադրյալի 500000-ապատիկի չափով, բայց ոչ պակաս ամսվա ընթացքում իրացված գազի ընդհանուր ծավալի նկատմամբ մեկ մետր խորանարդ գազի հաշվով 10 դրամ հաշվարկային դրույքաչափով հաշվարկված գումարը.
բ/ հեղուկ գազի (պրոպան) գազալցման կայանի (կետի) համար` ելակետային տվյալի և ուղղիչ գործակցի արտադրյալի 100000-ապատիկի չափով:»:
Հոդված 15. Օրենքի 595 -րդ հոդվածի «բ» կետը շարադրել հետևյալ խմբագրությամբ`
«բ) այլ վայրերում`
- բնական գազի գազալցման կայանի (կետի) համար` 0.4,
- հեղուկ գազի գազալցման կայանի (կետի) համար` 0.8:»:
Հոդված 16. Օրենքի 60-րդ հոդվածի «բ» ենթակետում «ավտոտրանսպորտային միջոցների ժամանակավոր կայանման համար հատուցման դիմաց դրանց անվտանգության ապահովումը» բառերը փոխարինել «ավտոկանգառում հատուցման դիմաց ավտոտրանսպորտային միջոցի ժամանակավոր կայանման ապահովումը (կազմակերպումը)» բառերով:
Հոդված 17. Օրենքի 941-րդ հոդվածում`
ա) «10000» թիվը փոխարինել «25000» թվով.
բ) լրացնել հետևյալ բովանդակությամբ նոր մասեր.
«Վճարողի կողմից օրենքի 28-րդ հոդվածի համաձայն առևտրի իրականացման վայրում առեւտրական գործունեություն իրականացնողների վերաբերյալ տեղեկություններ չներկայացնելու դեպքում վճարողը վճարում է տուգանք` 100000 դրամի չափով:
Վճարողի կողմից սույն օրենքի 11-րդ հոդվածի 3-րդ մասով նախատեսված` ամսվա ընթացքում իրացված գազի ֆիզիկական ծավալների վերաբերյալ տեղեկություններ չներկայացնելու կամ ներկայացվող տեղեկություններում իրացման ծավալները թերհայտարարագրելու դեպքում վճարողը վճարում է տուգանք` 100000 դրամի չափով:»:
Հոդված 18. Օրենքի 97-րդ հոդվածը շարադրել հետևյալ խմբագրությամբ`
«Հոդված 97. Հաստատագրված վճարի չափի ինդեքսավորումը
2008 թվականի հուլիսի 1-ից յուրաքանչյուր երեք տարի ժամկետի համար սույն օրենքի համապատասխան հաշվարկված հաստատագրված վճարի ամսական չափը և սահմանային չափերը ճշգրտվում են (ավելացվում կամ նվազեցվում են)` ելնելով նախորդ երեք տարիների ընթացքում արձանագրված սպառողական գների ինդեքսից, որը Լեռնային Ղարաբաղի Հանրապետության կառավարությունը նշված ժամկետից առնվազն երեք ամիս առաջ կներկայացնի Լեռնային Ղարաբաղի Հանրապետության Ազգային ժողով:»:
Հոդված 19. Սույն օրենքն ուժի մեջ է մտնում 2008 թվականի ապրիլի 1-ից, բացառությամբ սույն օրենքի 1-ին հոդվածի, 3-րդ հոդվածի «բ» կետի, 4-րդ, 5-րդ, 6-րդ, 7-րդ, 8-րդ հոդվածների, 9-րդ հոդվածի «դ» ենթակետի, 10-րդ, 11-րդ, 12-րդ հոդվածների, 17-րդ հոդվածի «ա» կետի, որոնք ուժի մեջ են մտնում 2008 թվականի հուլիսի 1-ից:
Սույն օրենքն ուժի մեջ մտնելու պահից հետո` քսան օրվա ընթացքում, օրենքի 7-րդ հոդվածի «ա», «ա1» և «ժը» ենթակետերով նախատեսված գործունեություն իրականացնող իրավաբանական անձինք և անհատ ձեռնարկատերերը պարտավոր են իրենց հաշվառման վայրի հարկային մարմին ներկայացնել հայտարարություն՝ ելակետային տվյալների և ուղղիչ գործակիցների վերաբերյալ:
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ ̀ Բ.ՍԱՀԱԿՅԱՆ
31 մարտի 2008թ.
ք.Ստեփանակերտ
ՀՕ-4
