Ծնվել է 1972թ. հունվարի 6-ին Մարտունու շրջանի Ճարտար գյուղում:

1989թ. ավարտել է Ճարտարի միջնակարգ դպրոցը:

1995թ. ավարտել է Երևանի պետական համալսարանի իրավաբանական ֆակուլտետը:

1990-1994թթ. մասնակցել է Արցախի ինքնապաշտպանական մարտերին: Եղել է Ճարտարի գումարտակի հրամանատար, այնուհետև՝ երկրորդ պաշտպանական շրջանի հրամանատարի տեղակալ:

1998-1999թթ.՝ Հադրութի շրջանի դատախազի տեղակալ

1999-2005թթ.՝ Մարտունու շրջանի ռազմական ոստիկանության պետ

2005թ. հունիսի 19-ի խորհրդարանական ընտրություններում համամասնական ընտրակարգով «Ազատ հայրենիք» կուսակցության ընտրացուցակով ընտրվել է ԼՂՀ չորրորդ գումարման Ազգային ժողովի պատգամավոր:

Ազգային ժողովի 2005թ. հունիսի 30-ի առաջին լիագումար նիստում ընտրվել է պետական-իրավական հարցերի մշտական հանձնաժողովի նախագահի տեղակալ:

2007թ. դեկտեմբերի 13-ին վաղաժամկետ դադարեցրել է իր պատգամավորական լիազորությունները՝ նշանակվելով ԼՂՀ վարչապետի խորհրդական:

2010թ. մայիսի 23-ի խորհրդարանական ընտրություններում համամասնական ընտրակարգով ընտրվել է ԼՂՀ հինգերորդ գումարման ԱԺ պատգամավոր:

2010-2015թթ․՝ ԱԺ պետական-իրավական հարցերի մշտական հանձնաժողովի նախագահի տեղակալ

2015թ. մայիսի 3-ի խորհրդարանական ընտրություններում համամասնական ընտրակարգով «Ազատ հայրենիք» կուսակցության ընտրացուցակով ընտրվել է ԼՂՀ 6-րդ գումարման Ազգային ժողովի պատգամավոր:

2015-2020թթ․՝ ԱԺ պետական-իրավական հարցերի մշտական հանձնաժողովի նախագահ

2020թ․ մարտի 31-ի խորհրդարանական ընտրություններում «Ազատ հայրենիք - ՔՄԴ» կուսակցությունների դաշինքի համամասնական ցուցակով ընտրվել է ԱՀ 7-րդ գումարման Ազգային ժողովի պատգամավոր:

2020թ. հունիսի 13-ին վաղաժամկետ դադարեցրել է իր պատգամավորական լիազորությունները՝ նշանակվելով ԱՀ Պետական վերահսկողական ծառայության պետ:

Ամուսնացած է, ունի երեք զավակ:

Պարգևատրվել է «Մարտական խաչ» 1-ին աստիճանի շքանշանով (ԼՂՀ նախագահի թիվ 234 հրամանագիր, 07.05.2001թ.), «Մխիթար Գոշ» մեդալով (ԼՂՀ նախագահի թիվ 93-Ա հրամանագիր, 29.08.2017թ.):