Պետրոսյան Գագիկ Ռազմիկի
Պետրոսյան Գագիկ Ռազմիկի
Ընտրակարգ, ընտրատարածք. Համամասնական
Ծննդյան թիվ. 10.03.1973
Կուսակցություն. «Ազատ hայրենիք»
Խմբակցություն. «Հայրենիք»

Ծնվել է 1973թմարտի 10-ին Ստեփանակերտում:

1989 թ.  ավարտել է Ստեփանակերտի հ. 8 միջնակարգ դպրոցը։

1994թ. ավարտել է Արցախի պետական համալսարանը՝ ստանալով պատմության և անգլերեն լեզվի ուսուցչի որակավորում։

Ղարաբաղյան շարժման, Արցախյան պատերազմի մասնակից է։

1992-1999թթ. ծառայել է ԼՂՀ Պաշտպանության բանակում՝ կենտրոնական պաշտպանական շրջանում՝ որպես շտաբի պետի օգնական, ուսումնական գնդի ֆիզիկական պատրաստության պետ, ՊԲ մարզական ակումբի պետ, ջոկի հրամանատար։

Զորացրվելուց հետո հիմնադրել է «Ռազմիկ+» ՓԲԸ-ն։

2000թ. հունիսի 18-ին Ստեփանակերտի թիվ 10 ըտրատարածքից ընտրվել է ԼՂՀ երրորդ գումարման Ազգային ժողովի պատգամավոր, արտաքին հարաբերությունների մշտական հանձնաժողովի փոխնախագահ։

2005 թվականի հունիսի 19-ի խորհրդարանական ընտրություններում մեծամասնական ընտրակարգով Ստեփանակերտի թիվ 8 ընտրատարածքից ընտրվել է ԼՂՀ 4-րդ գումարման Ազգային ժողովի պատգամավոր։

2006 թհոկտեմբեր՝ Ազգային ժողովի արտադրության և արտադրական ենթակառուցվածքների հարցերի մշտական հանձնաժողովի նախագահ

2010 թվականի մայիսի 23-ի խորհրդարանական ընտրություններում ընտրվել է ԼՂՀ հինգերորդ գումարման Ազգային ժողովի պատգամավոր՝ համամասնական ընտրակարգով, «Ազատ հայրենիք» կուսակցության ընտրացուցակով։

Ազգային ժողովի առաջին նստաշրջանի 2010 թվականի հունիսի 10-ի նիստում ընտրվել է պետական-իրավական հարցերի մշտական հանձնաժողովի նախագահ։

2015թմայիսի 3-ի խորհրդարանական ընտրություններում ընտրվել է ԼՂՀ վեցերորդ Ազգային ժողովի պատգամավոր՝ համամասնական ընտրակարգով, «Ազատ հայրենիք»  կուսակցության ընտրացուցակով:

«Ազատ հայրենիք» կուսակցության հիմնադիր անդամ է, կուսակցության նախագահության անդամ։

Ազգային ժողովի պետական-իրավական հարցերի մշտական հանձնաժողովի անդամ է:

Ազգային ժողովի «Հայրենիք» խմբակցության անդամ է:

Մասնակից է տարբեր քաղաքական թեմաներով միջազգային գիտաժողովների, խորհրդակցությունների և սեմինարների։

Հեղինակ է բազմաթիվ հոդվածների և հրապարակումների՝ կապված միջազգային անվտանգության խնդիրների հետ։

Ամուսնացած է, ունի երկու զավակ։

Պարգևատրվել է «Մարտական ծառայություն» (ԼՂՀ նախագահի թիվ 66 հրամանագիր, 01.09.2006թ.) և «Մխիթար Գոշ» (ԱՀ նախագահի թիվ 13-Ա հրամանագիր 16.02.2018թ.) մեդալներով: