ԱՀ Ազգային ժողով | Պաշտոնական կայք

Ընդունված է 2010թ. մարտի 25-ին

Հոդված 1. «Լիցենզավորման մասին» Լեռնային Ղարաբաղի Հանրապետության 2002 թվականի մարտի 28-ի ՀՕ-202 օրենքի (այսուհետ՝ օրենք) 43-րդ հոդվածի 2-րդ մասով հաստատված լիցենզավորման ենթակա գործունեության տեսակների աղյուսակի «16. Քաղաքաշինության բնագավառ» բաժինը շարադրել հետևյալ խմբագրությամբ՝

	«16. ՔԱՂԱՔԱՇԻՆՈՒԹՅԱՆ ԲՆԱԳԱՎԱՌ
1	քաղաքաշինական փաստաթղթերի մշակում կամ փորձաքննություն կամ շինարարության իրականացում, ըստ քաղաքաշինության հետևյալ ոլորտների`
	- բնակելի (բացառությամբ ոչ ձեռնարկատիրական նպատակով կառուցվող անհատական բնակելի տների, ավտոտնակների, օժանդակ շինությունների, ինչպես նաև շինարարության թույլտվություն չպահանջող աշխատանքների), հասարակական և արտադրական (բացառությամբ շինարարության թույլտվություն չպահանջող աշխատանքների)	ԿՄ	Բ	-	-	-	-	-	-
	- տրանսպորտային	ԿՄ	Բ	-	-	-	-	-	-
	- հիդրոտեխնիկական	ԿՄ	Բ	-	-	-	-	-	-
	- էներգետիկ	ԿՄ	Բ	-	-	-	-	-	-
	- կապի	ԿՄ	Բ	-	-	-	-	-	-
2	շինարարության որակի տեխնիկական հսկողություն, ըստ քաղաքաշինության հետևյալ ոլորտների`
	- բնակելի ( բացառությամբ ոչ ձեռնարկատիրական նպատակով կառուցվող անհատական բնակելի տների, ավտոտնակների, օժանդակ շինությունների, ինչպես նաև շինարարության թույլտվություն չպահանջող աշխատանքների), հասարակական և արտադրական (բացառությամբ շինարարության թույլտվություն չպահանջող աշխատանքների)	ԿՄ	Բ	-	-	-	Ո	Հ	-
	- տրանսպորտային	ԿՄ	Բ	-	-	-	Ո	Հ	-
	- հիդրոտեխնիկական	ԿՄ	Բ	-	-	-	Ո	Հ	-
	- էներգետիկ	ԿՄ	Բ	-	-	-	Ո	Հ	-
	- կապի	ԿՄ	Բ	-	-	-	Ո	Հ	-
3	ինժեներական հետազննում	ԿՄ	Բ	-	-	-	Ո		-
4	շենքերի և շինությունների տեխնիկական վիճակի հետազննություն	ԿՄ	Բ	-	-	-	Ո	Հ	-»:

Հոդված 2. Օրենքի 43-րդ հոդվածը լրացնել հետևյալ բովանդակությամբ 3¹-րդ մասով.

«3¹. Սույն հոդվածի 2-րդ մասիաղյուսակի «16. Քաղաքաշինության բնագավառ» բաժնի 2-րդ կետի գործողությունը չի տարածվում պետական ֆինանսական միջոցներով իրականացվող շինարարության վրա:»:

Հոդված 3. Սույն օրենքն ուժի մեջ մտնելու պահից վեցամսյա ժամկետում մինչև սույն օրենքի ուժի մեջ մտնելը քաղաքաշինության բնագավառի լիցենզիա ստացած անձանց լիցենզիաները համապատասխանեցվում են սույն օրենքի պահանջներին: Սույն հոդվածով նախատեսված դեպքերում լիցենզիաների փոխարինման համար պետական տուրք չի գանձվում:

Հոդված 4. Սույն օրենքի 3-րդ հոդվածով սահմանված ժամկետում սույն օրենքի պահանջներին չհամապատասխանեցված լիցենզիաների գործողությունը համարվում է դադարեցված:

Հոդված 5. Սույն օրենքն ուժի մեջ է մտնում պաշտոնական հրապարակումից վեց ամիս հետո:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ ̀ Բ. ՍԱՀԱԿՅԱՆ

29 ապրիլի 2010թ.

ք. Ստեփանակերտ

ՀՕ-18-Ն