Ընդունված է 2010թ. դեկտեմբերի 16-ին
Հոդված 1. «Թանկարժեք մետաղների մասին» Լեռնային Ղարաբաղի Հանրապետության 2007 թվականի հունիսի 20-ի ՀՕ-51 օրենքի (այսուհետ` օրենք) 2-րդ հոդվածում`
1) «է» կետի «տնային» բառը փոխարինել «կենցաղային» բառով.
2) «ժբ» կետը «(հարգ)» բառից հետո և «ժդ» կետը «հարգադրոշմողին» բառից հետո լրացնել «և համապատասխանում է օրենքով և այլ իրավական ակտերով սահմանված պահանջներին» բառերով.
3) «ժե» կետը «արտադրողին» բառից հետո լրացնել «:Անվանանիշերի ձևերը, չափերը, նկարագրությունը, ինչպես նաև դրանց պատրաստման, հաշվառման և տնօրինման կարգը հաստատում է Լեռնային Ղարաբաղի Հանրապետության կառավարությունը» բառերով.
4) լրացնել հետևյալ բովանդակությամբ «ժթ» կետ.
«ժթ) հարգորոշման և հարգադրոշմման գործունեություն իրականացնող անձինք` օրենքին համապատասխան` թանկարժեք մետաղներից պատրաստված իրերի հարգորոշման և հարգադրոշմման լիցենզիա ունեցող անձինք:»:
Հոդված 2. Օրենքի 4-րդ հոդվածը շարադրել հետևյալ խմբագրությամբ.
«Հոդված 4. Թանկարժեք մետաղների, թանկարժեք մետաղներից պատրաստված իրերի մասնագիտացված, այդ թվում` մանրածախ առուվաճառքի նկատմամբ հսկողությունը
1. Թանկարժեք մետաղների, թանկարժեք մետաղներից պատրաստված իրերի մասնագիտացված, այդ թվում` մանրածախ առուվաճառքի նկատմամբ հսկողությունն իրականացնում է Լեռնային Ղարաբաղի Հանրապետության կառավարության լիազորած մարմինը (այսուհետ` լիազոր մարմին)` Լեռնային Ղարաբաղի Հանրապետության օրենքներով (այսուհետ` օրենքներով) իրեն վերապահված լիազորությունների շրջանակում: Լեռնային Ղարաբաղի Հանրապետության բանկերի կողմից բանկային ոսկով և ստանդարտացված ձուլակտորներով իրականացվող գործառույթների նկատմամբ վերահսկողությունն իրականացնում է Հայաստանի Հանրապետության կենտրոնական բանկը` օրենքներով իրեն վերապահված լիազորությունների շրջանակներում:
2. Սույն հոդվածի առաջին մասում նշված հսկողությունն իրականացվում է թանկարժեք մետաղների դիլերների կողմից` սույն օրենքի 8-րդ հոդվածով սահմանված պահանջների պահպանման նկատմամբ:
3. Թանկարժեք մետաղների, թանկարժեք մետաղներից պատրաստված իրերի մասնագիտացված, այդ թվում` մանրածախ առուվաճառքի ստուգումներն իրականացվում են օրենքով սահմանված կարգով:»:
Հոդված 3. Օրենքի 2-րդ գլխի վերնագիրը շարադրել նոր խմբագրությամբ.
«ԹԱՆԿԱՐԺԵՔ ՄԵՏԱՂՆԵՐԻ ԶՏԱՐԿՈՒՄԸ, ԲԱՆԿԱՅԻՆ ՈՍԿՈՒ ԵՎ ՍՏԱՆԴԱՐՏԱՑՎԱԾ ՁՈՒԼԱԿՏՈՐՆԵՐԻ ԱՐՏԱԴՐՈՒԹՅՈՒՆԸ, ԹԱՆԿԱՐԺԵՔ ՄԵՏԱՂՆԵՐԻՑ ՊԱՏՐԱՍՏՎԱԾ ԻՐԵՐԻ ՀԱՐԳՈՐՈՇՈՒՄԸ ԵՎ ՀԱՐԳԱԴՐՈՇՄՈՒՄԸ, ԹԱՆԿԱՐԺԵՔ ՄԵՏԱՂՆԵՐԻ, ԹԱՆԿԱՐԺԵՔ ՄԵՏԱՂՆԵՐԻՑ ՊԱՏՐԱՍՏՎԱԾ ԻՐԵՐԻ ՄԱՍՆԱԳԻՏԱՑՎԱԾ, ԱՅԴ ԹՎՈՒՄ` ՄԱՆՐԱԾԱԽ ԱՌՈՒՎԱՃԱՌՔԸ»:
Հոդված 4. Օրենքի 5-րդ հոդվածի 1-ին մասից հանել «`Լեռնային Ղարաբաղի Հանրապետության կառավարության (այսուհետ` կառավարություն) սահմանած պահանջների պահպանմամբ: Դրանցով սահմանվում են գործունեության իրականացման տեխնիկական անվտանգության և բնապահպանման պահանջները» բառերը:
Հոդված 5. Ուժը կորցրած ճանաչել օրենքի 5-րդ հոդվածի 2-4-րդ մասերը, 6-րդ հոդվածի 2-10-րդ մասերը, 7-րդ հոդվածը, 9-րդ հոդվածը, 3-րդ գլուխը, 12-րդ հոդվածի 1-ին մասի «բ» և «գ» կետերը, 13-րդ հոդվածի 2-րդ և 4-րդ մասերը, 14-15-րդ հոդվածները:
Հոդված 6. Օրենքի 6-րդ հոդվածի վերնագրից հանել «,ինչպես նաև այդ գործունեության կազմակերպմանը ներկայացվող պահանջները» բառերը:
Հոդված 7. Օրենքի 8-րդ հոդվածում`
1) 2-րդ մասը շարադրել հետևյալ խմբագրությամբ.
«2.Թանկարժեք մետաղների, թանկարժեք մետաղներից պատրաստված իրերի մասնագիտացված, այդ թվում` մանրածախ առուվաճառքը կարող է իրականացվել միայն նրանց վրա օրենքով սահմանված կարգով հարգադրոշմի և տարբերանիշի առկայության դեպքում, բացառությամբ սույն մասի «ա»-«ե» կետերումնշված իրերի.
ա) թանկարժեք մետաղներից պատրաստված պատմական կամ հնագիտական արժեք ներկայացնող իրերի, ինչպես նաև մետաղադրամների, շքանշանների ու մեդալների.
բ) գիտական, բժշկական, արտադրական և այլ հատուկ նպատակների համար թանկարժեք մետաղներից պատրաստված գործիքների, սարքերի, լաբորատոր սպասքի.
գ) զենքի, կենցաղի, կրոնական ծիսակատարությունների համար հոգևորականների կողմից կիրառվող և նման այլ առարկաների, որոնց վրա արված են թանկարժեք մետաղներով դրվագազարդեր.
դ) մինչև 1,5 գրամ կշիռ ունեցող թանկարժեք մետաղներից պատրաստված իրերի, ընդ որում` արծաթից պատրաստված մինչև 3 գրամ կշիռ ունեցող իրերի.
ե) թանկարժեք մետաղներից պատրաստված նրբահյուս իրերի, որոնք հնարավոր չէ դրոշմել:».
2) 2-րդ մասից հետո լրացնել հետևյալ բովանդակությամբ 21-րդ և 22-րդ մասերով.
«21. Թանկարժեք մետաղներից պատրաստված այն իրերը, որոնք ունեն սույն օրենքով թանկարժեք մետաղների համար սահմանված նվազագույն հարգից ցածր հարգ, ենթակա չեն հարգադրոշմման և չեն կարող իրացվել որպես թանկարժեք մետաղներից պատրաստված իրեր:
22. Արգելվում է անընթեռնելի հարգադրոշմ, տարբերանիշ և անվանանիշ ունեցող թանկարժեք մետաղներից պատրաստված իրերի մանրածախ առուվաճառքը:».
3) 3-րդ մասը շարադրել նոր խմբագրությամբ.
«3. Եթե սույն օրենքի համաձայն թանկարժեք մետաղներից պատրաստված իրերի վրա առկա հարգադրոշմը և տարբերանիշը չեն համապատասխանում օրենքով նախատեսված պահանջներին, ապա այդ իրերի հարգորոշման, հարգադրոշմման պարտականությունը կրում է մանրածախ առուվաճառք իրականացնող անձը` իր հաշվին:»:
4) լրացնել հետևյալ բովանդակությամբ 7-րդ մաս.
«7. Տեղական ինքնակառավարման մարմինները «Տեղական ինքնակառավարման մասին» Լեռնային Ղարաբաղի Հանրապետության օրենքով սահմանված` թանկարժեք մետաղներից պատրաստված իրերի մանրածախ առուվաճառքի թույլտվությունը տրամադրելուց հետո հնգօրյա ժամկետում թույլտվություն ստացած անձանց մասին տեղեկությունները տրամադրում են լիազոր մարմնին:»:
Հոդված 8. Օրենքի 13-րդ հոդվածում`
1) 3-րդ մասի «8-րդ հոդվածի երկրորդ, երրորդ և չորրորդ մասերով» բառերը փոխարինել «8-րդ հոդվածի 2-4-րդ մասերով» բառերով.
2) լրացնել հետևյալ բովանդակությամբ 6-րդ մասով.
«6. Սույն հոդվածով սահմանված տուգանքները գանձվում են Լեռնային Ղարաբաղի Հանրապետության պետական բյուջե:»:
Հոդված 9. Օրենքի 7-րդ գլխում`
1) վերնագրի «դրույթ» բառը փոխարինել «դրույթներ» բառով.
2) լրացնել հետևյալ բովանդակությամբ 211-րդ հոդվածով.
«Հոդված 211. Եզրափակիչ դրույթ
Սույն օրենքի 2-րդ հոդվածի «ժբ», «ժդ», «ժէ», «ժթ» կետերի, 5-րդ հոդվածի, 6-րդ հոդվածի և 8-րդ հոդվածի 3-րդ մասի դրույթները կարգավորվում են «Թանկարժեք մետաղների մասին» Հայաստանի Հանրապետության օրենքով և այդ օրենքի հիման վրա ընդունված այլ իրավական ակտերով:»:
Հոդված 10. Սույն օրենքն ուժի մեջ է մտնում պաշտոնական հրապարակման օրվանից վեց ամիս հետո:
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ ̀ Բ.ՍԱՀԱԿՅԱՆ
29 դեկտեմբերի 2010թ.
ք.Ստեփանակերտ
ՀՕ-75-Ն
