Իսրայելյան Ռուսլան Էդուարդի
Իսրայելյան Ռուսլան Էդուարդի
Ընտրակարգ, ընտրատարածք. Համամասնական
Ծննդյան թիվ. 19.10.1961
Կուսակցություն. Անկուսակցական
Խմբակցություն. Անկախ պատգամավոր

 Ծնվել է 1961թ. հոկտեմբերի 19-ին Լեռնային Ղարաբաղի Մարտունու շրջանի Բերդաշեն գյուղում:

1978թ. ավարտել է Բերդաշենի միջնակարգ դպրոցը: 1980-1982թթ. ծառայել է խորհրդային բանակում:

1983թ. գերազանցությամբ ավարտել է Ստեփանակերտի գյուղատնտեսական տեխնիկումը: Նույն տարում ընդունվել է Երևանի ժողտնտեսության ինստիտուտի ֆինանսահաշվային բաժինը ֆինանսներ և վարկ մասնագիտությամբ : ավարտել է 1988-ին:

1983-1986թթ. աշխատել է Բերդաշենի Կիրովի անվան կոլտնտեսությունում` որպես մեխանիկ:

1986-1987թթ. աշխատել է ԼՂԻՄ մարզգործկոմի ֆինանսական բաժնում որպես ավագ տեսուչ: 1987-1989 թթ.ին աշխատել է ԼՂԻՄ-ում որպես ավագ վերահսկիչ-վերստուգիչ:

1989-1992թթ. աշխատել է Լեռնային Ղարաբաղի բնակարանային կոմունալ տնտեսության արտադրական միավորումում որպես գլխավոր տնօրենի  տեղակալ:

1987թ. վերջերից ակտիվ մասնակցություն է ունեցել արցախահայության ազգային-ազատագրական պայքարին: 1991թ.   սեպտեմբերին նշանակվել է ԼՂՀ ինքնապաշտպանական ուժերի հրամանատարի թիկունքի գծով տեղակալ: Նույն թվականի դեկտեմբերին կազմավորել է հատուկ հետախուզական ջոկատ և եղել է նրա հրամանատարը: 1992-1993թթ. ծառայել է Ազգային անվտանգության պետվարչությունում` շարունակելով մասնակցել տարբեր ռազմագործողությունների:

1994-1997թթ. ծառայել է ԼՂՀ ՊԲ Կենտրոնական պաշտպանական շրջանում որպես վաշտի հրամանատարի և ապա` գումարտակի հրամանատարի տեղակալ:

Մասնակցել է Շուշիի և մի շարք այլ բնակավայրերի ազատագրման համար մղված մարտերին:

1997թ. հուլիսից մինչև տարվա վերջ ծառայել է ԼՂՀ զինվորական դատախազությունում` որպես հատուկ բաժնի պետ:

1998-2000թթ. աշխատել է ԼՂՀ հարկային պետական վարչությունում` որպես տեսչական այնուհետև օպերատիվ վարչությունների պետ:

2000-2004թթ. աշխատել է որպես «Գառնի» ՍՊԸ տնօրեն:

2004թ.-ից աշխատել է «Ֆլեշ պլյուս» ՍՊԸ-ում` որպես տնօրեն:

2011- 2015թթ.  աշխատել է «Ստեփանակերտի կոնյակի գործարան» ՓԲԸ-ում որպես գլխավոր տնօրեն:

«Ազատ Հայրենիք» կուսակցության անդամ է:

 2010թ. մայիսի 23-ի խորհրդարանական ընտրություններում ընտրվել է ԼՂՀ հինգերորդ գումարման Ազգային ժողովի պատգամավոր`համամասնական ընտրակարգով, «Ազատ Հայրենիք» կուսակցության ընտրացուցակով:

 Ազգային ժողովի պաշտպանության, անվտանգության և օրինապահության հարցերի մշտական հանձնաժողովի անդամ էր:

 2015թ.  մայիսի 3-ի ԼՂՀ ԱԺ 6-րդ գումարման ընտրություններում «Ազատ Հայրենիք» կուսակցության համամասնական ցուցակով նորից ընտրվել է ԱԺ պատգամավոր:

2015թ. մայիսի 21- 2018թ. հունիսի 7՝  ԱԺ ֆինանսաբյուջետային և տնտեսական կառավարման մշտական հանձնաժողովի նախագահ

 Ամուսնացած է, ունի երեք զավակ:

Պարգևատրվել է «Մարտական խաչ» 1-ին աստիճանի շքանշանով (ԼՂՀ նախագահի թիվ 115 հրամանագիր,02.09.1999թ.), «Մեսրոպ Մաշտոց» շքանշանով (ԱՀ նախագահի թիվ 13-Ա հրամանագիր 16.02.2018թ.), «Շուշիի ազատագրման համար» (ԼՂՀ նախագահի թիվ 39 հրամանագիր, 08.05.2003թ,), «Մարշալ Բաղրամյան» մեդալներով, «Մայրական երախտագիտութուն Արցախի քաջորդիներին» և մի շարք այլ հուշամեդալներով: