04 մայիսի 2023
Մայիսի 4-ին Արամ Գրիգորյանի նախագահությամբ Արցախի Հանրապետության Ազգային ժողովի սոցիալական և առողջապահության հարցերի մշտական հանձնաժողովը նիստ է հրավիրել:
Օրակարգում «« Լեռնային Ղարաբաղի Հանրապետությունում հաշմանդամների սոցիալական պաշտպանության մասին» օրենքում փոփոխություններ և լրացում կատարելու մասին» օրենքի նախագծի քննարկման հարցն էր:
Արցախի Հանրապետության սոցիալական զարգացման և միգրացիայի նախարար Վ.Առաքելյանի ներկայացմամբ՝ նախագծով առաջարկվում է հստակեցնել հաշմանդամության պատճառական կապերը, ինչպես նաև համապատասխանեցնել Օրենքի դրույթները գործող իրավական ակտերին:
Օրենքով սահմանված որոշ հաշմանդամության պատճառական կապերը պրակտիկայում չեն կիրառվում, հաշվի առնելով այն, որ բժշկասոցիալական փորձաքննություն իրականացնող մարմինը, զինծառայության հետ կապված հաշմանդամության պատճառական կապը որոշելիս, ընդունում է այն ձևակերպումը, որն արձանագրված է կենտրոնական ռազմաբժշկական հանձնաժողովի եզրակացության մեջ և իրավասու չէ փոփոխելու դրանում նշված հիմքը:
Հանձնաժողովը միաձայն կողմ է քվեարկել նախագծին. այն դրական եզրակացությամբ կներկայացվի Ազգային ժողովի առաջիկա հերթական նիստի քննարկմանը:
