Շուշիի մանուկները Արցախի Հանրապետության խորհրդարանում են
14 ապրիլի 2023
Արցախի (Լեռնային Ղարաբաղի) Հանրապետության
Ազգային ժողով
7-րդ գումարում • Պաշտոնական կայք
Ապրիլի 14-ին խորհրդարանի կին պատգամավորներին ու աշխատակազմի կանանց գարնանային տոների առիթով շնորհավորել են Շուշիի մանուկները:
Նարինե Ավանեսյանի ղեկավարությամբ նրանք հանդես են եկել գեղարվեստական փոքրիկ ծրագրով՝ երգ ու երաժշտությամբ տոն պարգևելով ներկաներին:
Նույն ծրագրով Շուշիի Խաչատուր Աբովյանի անվան դպրոցի նախադպրոցական խմբի սաները հանդես են եկել զոհված զինծառայողների ծնողների, Արցախի Հանրապետության կառավարության աշխատակազմի կին անդամների առջև: Դասվար Նարինե Ավանեսյանի խոսքով միջոցառման նպատակը կանանց ու մայրերին հոգսաշատ առօրյայից փոքր-ինչ կտրելն է, նրանց տոն պարգևելը:
ԱԺ աշխատակազմի անունից երեխաներին ու դասվարին շնորհակալական խոսք է ուղղել Արև Իսրայելյանը: Երեխաները կանանց դաշտային ծաղիկներ ու բացիկներ են նվիրել, իրենք էլ քաղցրավենիք են ստացել:
