26 հոկտեմբերի 2022
Հոկտեմբերի 26-ին Արցախի Հանրապետության Ազգային ժողովի նախագահ Արթուր Թովմասյանի ղեկավարությամբ աշխատանքային խորհրդակցություն է հրավիրվել:
Խորհրդակցությանը, որին ներկա էին խմբակցությունների ղեկավարները, հանձնաժողովների նախագահներն ու աշխատակազմի պատասխանատուները, քննարկվել են ԱԺ հերթական նիստի օրակարգում ընդգրկված հարցերը:
Նիստի օրակարգում ներառված են պարտադիր քննարկման ենթակա «Արցախի Հանրապետության Հաշվեքննիչ պալատի 2021 թվականի գործունեության վերաբերյալ տարեկան հաղորդումը» հարցը և շարք օրենքների նախագծեր:
Ազգային ժողովի նիստը, որը կգումարվի հոկտեմբերի 27-ին՝ ժամը 11:00-ին, կամփոփվի պատգամավորների հայտարարություններով:
