Ծնվել է 1948թ. հունվարի 1-ին Ասկերանի շրջանի Վերին Ղլիժբաղ գյուղում:

1966թ. ավարտել է Խնապատ գյուղի միջնակարգ դպրոցը:

1967-1971թթ.  ավարտել է Երևանի Խ. Աբովյանի անվան պետական մանկավարժական ինստիտուտի ֆիզիկայի ֆակուլտետը:

1971-1972թթ.՝  Արտաշատի շրջանի Վերին Արտաշատ գյուղի միջնակարգ դպրոցի ֆիզիկայի ուսուցիչ

1972-1973թթ.  ծառայել է ԽՍՀՄ բանակում:

1973-1978թթ.՝ Ասկերանի շրջանի Խրամորթ գյուղի միջնակարգ դպրոցի ֆիզիկայի, այնուհետև՝ ռազմագիտության ուսուցիչ

1978թ. սեպտեմբեր նշանակվել է Ասկերանի շրջանային գործադիր իշխանության կրթության բաժնի մեթոդկաբինետի վարիչ:

1987թ. փետրվար նշանակվել է Ասկերանի շրջանային գործադիր իշխանության կրթության բաժնի վարիչ:

1991թ. ապրիլ  ընտրվել է ժողովրդական պատգամավորների Ասկերանի ավանային խորհրդի գործկոմի նախագահ:

1991թ. դեկտեմբերի 28-ին Ասկերանի թիվ 32 ընտրատարածքից ընտրվել է ԼՂՀ առաջին գումարման Գերագույն խորհրդի պատգամավոր:

1992թ. ապրիլ նշանակվել է ԼՂՀ կառավարության լիազորված ներկայացուցիչ Ասկերանի շրջանում:

1994թ. դեկտեմբեր՝  Ասկերանի միջնակարգ դպրոցի զինղեկ, այնուհետև առաջին կարգի մասնագետ` կրթության Ասկերանի շրջանային բաժնում

1998թ. հունվար նշանակվել է նոր կազմակերպված շրջանային մանկապատանեկան մարզադպրոցի տնօրեն:

2000թ. հունիսի 18-ին  ընտրվել է երրորդ գումարման ԱԺ պատգամավոր` զբաղեցնելով սոցիալական ոլորտի մշտական հանձնաժողովի փոխնախագահի պաշտոնը:

2009թ. ընտրվել է Ասկերանի քաղաքային համայնքի ղեկավար:

2013թ. ապրիլ վերընտրվել է նույն պաշտոնում:

2015թ. մայիսի 3-ի խորհրդարանական ընտրություններում ընտրվել է ԼՂՀ  6-րդ գումարման ԱԺ պատգամավոր` համամասնական ընտրակարգով,  ՀՅԴ ընտրացուցակով:

Ազգային ժողովի արտադրության և արտադրական ենթակառուցվածքների մշտական հանձնաժողովի նախագահի տեղակալն է:

ԱԺ «Դաշնակցություն» խմբակցության քարտուղարն է:

Ամուսնացած է, ունի երեք զավակ: