ԼՈՒՐԵՐ
Արցախի Հանրապետության Ազգային ժողովն արտահերթ նիստում ընդունել է հայտարարություն
05 ապրիլի 2022

Ապրիլի 5-ին Արցախի Հանրապետության Ազգային ժողովն արտահերթ նիստ է հրավիրել։ Այն վարում էր խորհրդարանի ղեկավար Արթուր Թովմասյանը։

Նիստին ներկա էր ԱՀ արտաքին գործերի նախարար Դավիթ Բաբայանը։

Օրակարգում Ազգային ժողովի պատգամավորների նախաձեռնությամբ ներկայացված Արցախի Հանրապետության Ազգային ժողովի հայտարարությունն էր:

Որպես հիմնական զեկուցող հայտարարության տեքստը ներկայացրել է պատգամավոր Գեղամ Ստեփանյանը։

Օրակարգային հարցը նախօրոք քննարկվել էր գլխադասային հանձնաժողովի նիստում և դրական եզրակացությամբ ներկայացվել արտահերթ նիստի քննարկմանը։

Մտքերի փոխանակությամբ հանդես են եկել պատգամավորներ Դավիթ Իշխանյանը, Դավիթ Գալստյանը, Մետաքսե Հակոբյանը և Ազգային ժողովի նախագահ Արթուր Թովմասյանը։

Հաջորդիվ խորհրդարանը 29 կողմ ձայնով ընդունել է հայտարարությունը։

 

ԼՈՒՐԵՐ