23 հունիսի 2021
Հունիսի 23-ին ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ Արամ Հարությունյանը պատասխանել է Բելլա Լալայանի՝ մայիսի 24-ին ԱԺ ներկայացրած հանրագրին:
«Հարգելի տիկին Լալայան,
Գիտության, կրթության, մշակույթի, երիտասարդության և սպորտի հարցերի մշտական հանձնաժողովը ստացել է Ձեր կողմից ԱԺ նախագահին հասցեագրված հանրագիր՝ կապված «Մենք ենք մեր սարերը» հուշահամալիրի մոտ տեղադրված «Արցախի բանալի» կոչվող կոթողի հետ:
Չնայած հանձնաժողովի կողմից հանրագիրը ստանալու պահին արդեն իսկ կոթողը ապամոնտաժված է եղել՝ մենք ողջունում ենք հանրության շրջանում մտահոգիչ հարցերը բարձրացնելու ձեր ակտիվությունը: Մենք կապ ենք հաստատել համապատասխան գերատեսչությունների պատասխանատուների հետ՝ ներկայացնելով մեր մտահոգությունները կոթողի տեղադրման ընթացակարգի, տեղանքի նպատակահարմարության և իմաստային նշանակության մասին, բայց, ինչպես նշեցինք, Ձեր կողմից բարձրացված խնդիրն արդեն իսկ իր հանգուցալուծումն է ստացել»:
