Ավանեսյան Արպատ Սանջանի
Ավանեսյան Արպատ Սանջանի
Ընտրակարգ, ընտրատարածք. Համամասնական
Ծննդյան թիվ. 02.01.1944
Կուսակցություն. «Ազատ hայրենիք»
Խմբակցություն. «Հայրենիք»

Ծնվել է 1944 թհունվարի 2-ին Լեռնային Ղարաբաղի Մարտունու շրջանի Ճարտար գյուղում։

1960 թ. ավարտել է Ճարտարի միջնակարգ դպրոցը։

1966 թ. ավարտել է Երևանի պետական համալսարանի ֆիզիկայի ֆակուլտետը՝ ստանալով ռադիոֆիզիկոսի մասնագիտություն։

1965-1968 թթՀՀ ԳԱԱ ռադիոֆիզիկայի և էլեկտրոնիկայի ինստիտուտի կրտսեր գիտական աշխատող, ապա՝ ավագ ինժեներ

1968 թ.`  Երևանի պոլիտեխնիկական ինստիտուտի ատոմային ֆիզիկայի ամբիոնի ասիստենտ

1981 թավարտել է ասպիրանտուրան, պաշտպանել թեկնածուական ատենախոսություն՝ ստանալով տեխնիկական գիտությունների թեկնածուի գիտական աստիճան:

1990 թհունվար` Երևանի պոլիտեխնիկական ինստիտուտի հեռակա ֆակուլտետի Ստեփանակերտի նորաստեղծ ընդհանուր տեխնիկական բաժանմունքի տնօրեն։ 1991 թվականին նշանակվել է ԵրՊԻ Ստեփանակերտի մասնաճյուղի տնօրեն։

1992 թ.`  Լեռնային Ղարաբաղի պետական համալսարանի (հետագայում՝ Արցախի պետական համալսարան) առաջին ռեկտոր

1994 թ.` ԱրՊՀ ֆիզիկայի ամբիոնի դոցենտ

2004 թհոկտեմբեր  ընտրվել է ԱրՊՀ ֆիզիկայի ամբիոնի վարիչ:

2005 թվականից՝ «Ազատ հայրենիք» կուսակցության հիմնադիր անդամ

2005 թմարտ ստացել է ՀՀ մանկավարժահոգեբանական գիտությունների ակադեմիայի իսկական անդամի (ակադեմիկոսի) կոչում:

2005թ. խորհրդարանական ընտրություններում ընտրվել է ԼՂՀ 4-րդ գումարման Ազգային ժողովի պատգամավոր՝ համամասնական ընտրակարգով: Նույն թվականի հունիսի 30-ին ընտրվել է ԱԺ սոցիալական ոլորտի հարցերի մշտական հանձնաժողովի նախագահ։

2010 թ. մայիսի 23-ի խորհրդարանական ընտրություններում ընտրվել է ԼՂՀ հինգերորդ գումարման Ազգային ժողովի պատգամավոր: Աժ առաջին նստաշրջանի 2010 թ. հունիսի 10-ի նիստում ընտրվել է ֆինանսաբյուջետային և տնտեսական կառավարման հարցերի մշտական հանձնաժողովի նախագահ:

2010թհունվարի 19-ից  «Հայաստանի ճարտարագիտական ակադեմիա» հասարակական կազմակերպության  ԼՂՀ մասնաճյուղի տնօրենն է:

2015թ. մայիսի 3-ի խորհրդարանական ընտրություններում ընտրվել է ԼՂՀ  6-րդ գումարման ԱԺ պատգամավոր:

Ազգային ժողովի «Հայրենիք» խմբակցության անդամ է։

Ազգային ժողովի արտադրության և արտադրական ենթակառուցվածքների հարցերի մշտական հանձնաժողովի նախագահն է:

ՀՀ մանկավարժահոգեբանական գիտությունների ակադեմիայի իսկական անդամ-ակադեմիկոս է, ԼՂՀ և ՀՀ մի շարք համալսարանների պատվավոր դոկտոր ու պրոֆեսոր։

Հեղինակ է շուրջ հարյուր գիտամեթոդական աշխատանքների և ուսումնական ձեռնարկների:

Ունի ԼՂՀ գիտության վաստակավոր գործչի պատվավոր կոչում (ԼՂՀ նախագահի թիվ 85-Ա հրամանագիր, 29.08.2015թ.):

Ամուսնացած է: Ունի երեք զավակ:

Պարգևատրվել է «Մեսրոպ Մաշտոց» շքանշանով (ԼՂՀ նախագահի թիվ 95-Ա հրամանագիր, 30.08.2008թ.), «Մովսես Խորենացի» մեդալով, ԼՂՀ Պաշտպանության բանակի հուշամեդալով, Արցախի  պետական համալսարանի ոսկե մեդալով, ՀՀ Ազգային ժողովի ոսկե մեդալով և մի շարք պետական և գերատեսչական մեդալներով: