Արցախի Հանրապետության Ազգային ժողովի  պատգամավորներ Ա.Մոսիյանի, Դ. Գալստյանի, Դ. Մելքումյանի, Գ. Ստեփանյանի, Դ. Իշխանյանի, Վ. Բալայանի, Մ.Հակոբյանի, Կ. Հովհաննիսյանի դիմումի հիման վրա՝ «Արցախի Հանրապետության Ազգային ժողովի 2021թվականի փետրվարի 04-ի՝ «Հաշվեքննիչ պալատի նախագահ ընտրելու մասին» ԱԺՈ-032-7 որոշումն Արցախի Հանրապետության Սահմանադրության 5-րդ հոդվածի 1-ին և 2-րդ մասերին, 6-րդ հոդվածի 1-ին մասին և 161-րդ հոդվածի 3-րդ մասին համապատասխանության հարցը որոշելու վերաբերյալ» գործով ԱՀ Գերագույն դատարանը որոշում է կայացրել   նիստ հրավիրել 2021 թվականի ապրիլի 30-ին՝ ժամը 12:00-ին, Գերագույն դատարանի դատական նիստերի դահլիճում:

Նշված գործը քննելիս դատավարությանը որպես պատասխանող կողմ է ներգրավվել վիճարկվող ակտն ընդունած մարմինը՝Արցախի Հանրապետության Ազգային ժողովը:

Հիմք ընդունելով «Սահմանադրական դատավարության մասին» ԼՂՀ օրենքի 56-րդ հոդվածի 6-րդ մասը՝որոշվել է գործի դատաքննությունն անցկացնել գրավոր ընթացակարգով:

Մինչև սույն թվականի ապրիլի մեկը կողմերը կարող են գրավոր բացատրություններ, միջնորդություններ ու առաջարկություններ ներկայացնել Գերագույն դատարան:

Կից՝  Արցախի Հանրապետության  Գերագույն դատարանի որոշումը: