Ընդունված է 2021 թվականի
հունվարի 22-ին
«ԱՐՑԱԽԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ԺԱՄԱՆԱԿ ԶԻՆԾԱՌԱՅՈՂՆԵՐԻ ԿՅԱՆՔԻՆ ԿԱՄ ԱՌՈՂՋՈՒԹՅԱՆԸ ՊԱՏՃԱՌՎԱԾ ՎՆԱՍՆԵՐԻ ՀԱՏՈՒՑՄԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ
ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Արցախի Հանրապետության պաշտպանության ժամանակ զինծառա-յողների կյանքին կամ առողջությանը պատճառված վնասների հատուցման մասին» 2017 թվականի դեկտեմբերի 21-ի ՀՕ-78-Ն օրենքի (այսուհետ` Օրենք) նախաբանում`
1) «պաշտպանության» բառից հետո ստորակետը հանել․
2) «ժամանակ» բառից հետո լրացնել «կամ հակառակորդի նախահարձակ գործո-ղության հետևանքով» բառերը:
Հոդված 2. Օրենքի 2-րդ հոդվածում՝
1) 2-րդ մասի`
ա. 1-ին կետը «պայմանագրային» բառից հետո լրացնել «կամ զորահավաքային» բառերով,
բ. 2-րդ կետը լրացնել հետևյալ բովանդակությամբ նոր նախադասությունով.
«Զինվորական ծառայության մեջ չգտնվող ու մարտական գործողություններին մասնակցելու նպատակով կամավորագրված և մարտական գործողություններին մաս-նակցող կամ մասնակցած լինելու փաստը հաստատվում է Արցախի Հանրապետության պաշտպանության նախարարության տեղեկանքով, որի տրման կարգը սահմանվում է Արցախի Հանրապետության կառավարության (այսուհետ` Կառավարություն) որոշ-մամբ:».
2) 5-րդ մասի 2-րդ կետից հանել «և դատական ակտի օրինական ուժի մեջ մտնելու օրվանից անցել է վեց ամիս,» բառերը:
Հոդված 3. Օրենքի 4-րդ հոդվածում`
1) 1-ին մասի 1-ին կետի «ա», «բ», 2-րդ կետի «ա», «բ», «դ» և «ե» ենթակետերը «պայմանագրային» բառից հետո լրացնել «կամ զորահավաքային» բառերով.
2) 3-րդ մասի 1-ին կետում «Արցախի Հանրապետության կառավարությունը (այսուհետ՝ Կառավարություն)» բառերը փոխարինել «Կառավարությունը» բառով:
Հոդված 4. Օրենքի 9-րդ հոդվածի 1-ին մասում վերջակետը փոխարինել միջակետով և լրացնել հետևյալ բովանդակությամբ 5-րդ կետ.
«5) դրոշմանիշային վճարի հաշվարկման բազա են համարվում`
ա. անհատ ձեռնարկատեր չհանդիսացող ֆիզիկական անձանց համար աշխա-տավարձը և դրան հավասարեցված այլ վճարումները և (կամ) քաղաքացիաիրավական պայմանագրերի համաձայն` աշխատանքների կատարման (ծառայությունների մա-տուցման) դիմաց եկամուտը,
բ. հարկման ընդհանուր համակարգում, առևտրի հարկի և (կամ) հաստատա-գրված վճարների համակարգերում գործող անհատ ձեռնարկատերերի համար տարե-կան եկամուտների մասին հաշվարկում արտացոլված համախառն եկամուտը:»:
Հոդված 5. Օրենքի 11-րդ հոդվածում`
1) 1-ին մասի 3-րդ կետը «ձեռնարկատերերը» բառից հետո լրացնել «,բացառությամբ «Արտոնագրային վճարների մասին» օրենքով սահմանված արտոնա-գրային վճար վճարող անհատ ձեռնարկատերերի» բառերով.
2) 2-րդ մասի 2-րդ կետը շարադրել հետևյալ խմբագրությամբ․
«2) սույն հոդվածի 1-ին մասի 3-րդ կետում նշված անձինք, եթե բացակայում են սույն օրենքի 9-րդ հոդվածի 1-ին մասի 5-րդ կետով սահմանված դրոշմանիշային վճարի հաշվարկման բազաները.».
3) 3-րդ մասի առաջին նախադասությունը շարադրել հետևյալ խմբագրությամբ․
«3. Դրոշմանիշային վճար չեն վճարում սույն հոդվածի 1-ին մասի 1-ին կամ 2-րդ կետում նշված այն անձինք, որոնք նույն գործատուի մոտ աշխատում են միայն մեկ աշխատանքային պայմանագրով, և տվյալ հաշվետու ժամանակաշրջանում ստացման ենթակա աշխատավարձը և դրան հավասարեցված այլ վճարումները` հարկերը և պարտադիր այլ վճարները (ներառյալ՝ դրոշմանիշային վճարը) նվազեցնելուց հետո չի գերազանցում Արցախի Հանրապետության օրենսդրությամբ սահմանված նվազագույն աշխատավարձի չափը:».
4) լրացնել հետևյալ բովանդակությամբ 3.1-ին մաս.
«3.1. Դրոշմանիշային վճար չեն վճարում սույն հոդվածի 1-ին մասի 4-րդ կամ 5-րդ կետում նշված այն անձինք, որոնց աշխատանքների կատարման կամ ծառայու-թյունների մատուցման քաղաքացիաիրավական պայմանագրերով վճարվող եկամուտ-ները չեն բավարարում դրոշմանիշային վճարը պահելու համար: Սույն մասում նշված անձանց փոխարեն դրոշմանիշային վճարները վճարվում են այդ անձանց եկամուտ վճարող հարկային գործակալի կողմից` նրա միջոցների հաշվին:».
5) 5-րդ մասը շարադրել հետևյալ խմբագրությամբ.
«5. Ժամկետային պարտադիր զինվորական ծառայության մեջ գտնվող կամ զոհված (մահացած) զինծառայողի ծնողը, ամուսինը և (կամ) զավակը (զավակները) իրավունք ունեն դիմելու իրենց վճարած (իրենց եկամուտներից հարկային գործակալի պահած) դրոշմանիշային վճարի գումարներն ամբողջությամբ կամ մասնակիորեն վերադարձնելու պահանջով: Սույն մասի համաձայն` դրոշմանիշային վճարի վերա-դարձման կարգը սահմանում է Կառավարությունը:».
6) 6-8-րդ մասերն ուժը կորցրած ճանաչել:
Հոդված 6. Օրենքի 12-րդ հոդվածը շարադրել հետևյալ խմբագրությամբ․
«Հոդված 12. Դրոշմանիշային վճարների չափը
1. Յուրաքանչյուր հաշվետու ժամանակաշրջանի համար սույն օրենքի 11-րդ հոդվածի 1-ին մասի`
1) 1-ին, 2-րդ, 4-րդ և 5-րդ կետերում նշված ֆիզիկական անձինք դրոշմանիշային վճարը վճարում են հետևյալ դրույքաչափերով.
|
մինչև 100 000 ՀՀ դրամ հաշվարկման բազայի դեպքում |
1 500 ՀՀ դրամ |
|
100 001-ից մինչև 200 000 ՀՀ դրամ հաշվարկման բազայի դեպքում |
3 000 ՀՀ դրամ |
|
200 001-ից մինչև 500 000 ՀՀ դրամ հաշվարկման բազայի դեպքում |
5 500 ՀՀ դրամ |
|
500 001-ից մինչև 1 000 000 ՀՀ դրամ հաշվարկման բազայի դեպքում |
8 500 ՀՀ դրամ |
|
1 000 001 ՀՀ դրամ և ավելի հաշվարկման բազայի դեպքում |
15 000 ՀՀ դրամ |
2) 3-րդ կետում նշված հարկման ընդհանուր համակարգում, առևտրի հարկի և (կամ) հաստատագրված վճարների համակարգերում գործող անհատ ձեռնարկա-տերերը դրոշմանիշային վճարը վճարում են հետևյալ դրույքաչափերով.
|
մինչև 1 200 000 ՀՀ դրամ հաշվարկման բազայի դեպքում |
18 000 ՀՀ դրամ |
|
1 200 001-ից մինչև 2 400 000 ՀՀ դրամ հաշվարկման բազայի դեպքում |
36 000 ՀՀ դրամ |
|
2 400 001-ից մինչև 6 000 000 ՀՀ դրամ հաշվարկման բազայի դեպքում |
66 000 ՀՀ դրամ |
|
6 000 001-ից մինչև 12 000 000 ՀՀ դրամ հաշվարկման բազայի դեպքում |
102 000 ՀՀ դրամ |
|
12 000 001 ՀՀ դրամ և ավելի հաշվարկման բազայի դեպքում |
180 000 ՀՀ դրամ »: |
Հոդված 7. Օրենքի 14-րդ հոդվածում՝
1) 1-ին մասի «այն վարձու աշխատողների թիվը, որոնց համար տվյալ ամսում հաշվեգրված են եկամուտներ» բառերը փոխարինել «վարձու աշխատողներին հաշ-վեգրված աշխատավարձը և դրան հավասարեցված վճարումները և (կամ) քաղաքա-ցիաիրավական պայմանագրերով ծառայությունների մատուցման (աշխատանքների կատարման) դիմաց ֆիզիկական անձանց վճարված եկամուտները» բառերով.
2) 4-րդ մասի «աշխատողների թվի» բառերը փոխարինել «աշխատողներին հաշ-վեգրված աշխատավարձի և դրան հավասարեցված վճարումների և (կամ) քաղա-քացիաիրավական պայմանագրերով ծառայությունների մատուցման (աշխատանքների կատարման) դիմաց ֆիզիկական անձանց վճարված եկամուտների» բառերով:
Հոդված 8. Օրենքի 15-րդ հոդվածի 2-րդ մասը շարադրել հետևյալ խմբա-գրությամբ.
«2. Դրոշմանիշային վճարներն ինքնուրույն կատարող` սույն օրենքի 11-րդ հոդ-վածի 1-ին մասի 3-րդ կետում նշված անձինք դրոշմանիշային վճարը կատարում են մինչև տվյալ հաշվետու ժամանակաշրջանին հաջորդող տարվա ապրիլի 20-ը ներառ-յալ` հիմք ընդունելով յուրաքանչյուր հաշվետու ժամանակաշրջանի համար սույն օրենքի 9-րդ հոդվածի 1-ին մասի 5-րդ կետով սահմանված դրոշմանիշային վճարի հաշ-վարկման բազաները:»:
Հոդված 9. Եզրափակիչ մաս և անցումային դրույթներ
1. Սույն օրենքն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2020 թվականի սեպտեմբերի 27-ից ծագած հարաբերությունների վրա, բացառությամբ սույն հոդվածով սահմանված դեպքերի:
2. Սույն օրենքի 4-8-րդ հոդվածների դրույթները տարածվում են 2021 թվականի հունվարի 1-ից սկսած հաշվետու ժամանակաշրջանների համար վճարման ենթակա դրոշմանիշային վճարների վրա:
3. Սույն օրենքն ուժի մեջ մտնելուց հետո մինչև 2021 թվական մարտի 1-ը Կառավարությունը պետք է սահմանի դրոշմանիշային վճարի վերադարձման կարգը, որով պետք է կարգավորվի նաև 2020 թվականին վճարված դրոշմանիշային վճարների վերադարձը:
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ`
Ա.ՀԱՐՈՒԹՅՈՒՆՅԱՆ
2021 թ. հունվարի 23
Ստեփանակերտ
ՀՕ-1-Ն
