Ծնվել է 1948թ․ ապրիլի 1-ին Ստեփանակերտ քաղաքում:

1966թթ․ ավարտել է թիվ 2 դպրոցը:

1966թ․ ընդունվել է Երևանի պետական համալսարանի բանասիրական ֆակուլտետի «Հայոց լեզու և գրականություն» բաժինը: Չորրորդ կուրսից տեղափոխվել է Ստեփանակերտի մանկավարժական ինստիտուտ և այն ավարտել 1975թ․՝ ստանալով հայոց լեզվի և գրականության ուսուցչի որակավորում:

1967թ-ից՝ մարզային ռադիոյի խմբագրության օպերատոր, այնուհետև՝ թղթակից, իսկ 1971թ․ մայիսին՝ խմբագիր

1972թ․՝ լուրերի թղթակից, ապա՝ երիտասարդական, մանկապատանեկան հաղորդումների խմբագիր

1974-1975թթ․՝ բանվոր՝ Պյատիգորսկ քաղաքում

Վերադառնալով Ստեփանակերտ՝ աշխատանքի է անցել ռադիոկոմիտեյում որպես թղթակից, ապա տնտեսական հաղորդումների ավագ խմբագիր, երիտասարդական հաղորդումների ավագ խմբագիր:

1988թ․ նշանակվել է նորաբաց Արցախի հեռուստատեսության գլխավոր խմբագիր:

1990թ․՝ արհմիությունների մարզային խորհրդի մամլո կենտրոնի ղեկավար: ՀՀ հատուկ ծրագրերի պետական կոմիտեի հումանիտար ոլորտի գլխավոր մասնագետ, ապա՝ համակարգող

1995թ․՝ ԿԳՄՍ նախարարի տեղակալ

1996թ․ աշխատել է կառավարության լրատվության և մամուլի դեպարտամենտում, ապա` սեփականաշնորհման վարչությունում:

1997-1988թ․՝ վարչապետի օգնական

1988թ․ հունիսին ծառայության է անցել ՊԲ-ում՝ որպես «Մարզիկ» թերթի գլխավոր խմբագիր:

2004թ․՝ «Ազատ Արցախ» թերթի գլխավոր խմբագիր 

2008-2013թթ․՝ Արտաքին գործերի նախարարության տեղեկատվական վերլուծական վարչության պետ

2013թ․՝ երկկողմ քաղաքական հարաբերությունների վարչության պետ

2020թ․ մարտի 31-ի խորհրդարանական ընտրություններում «Միասնական Հայրենիք» կուսակցության համամասնական ցուցակով ընտրվել է ԱՀ 7-րդ գումարման Ազգային ժողովի պատգամավոր:

Ունի առաջին կարգի առաջին քարտուղարի դիվանագիտական կոչում, ԱՀ վաստակավոր ժուռնալիստի կոչում, հեղինակ է պատմվածքների վեց ժողովածուների:

Արժանացել է ԼՂՀ կառավարության Եղիշեի անվան գրական մրցանակի

Պարգևատրվել է ՀՀ Պաշտպանության նախարարության «Անբասիր ծառայության համար», «Մայրական երախտագիտություն», «Մխիթար Գոշ» մեդալներով:

Ամուսնացած է, ունի երեք զավակ: