Ծնվել է 1965թ. օգոստոսի 19-ին Լեռնային Ղարաբաղի Ասկերանի շրջանի Խնձրիստան գյուղում։

1983թ. ընդունվել է Ստեփանակերտի մանկավարժական ինստիտուտի պատմության ֆակուլտետը:

1984-1986թթ. ծառայել է խորհրդային բանակում:

1990թ. գերազանցությամբ ավարտել է Կիրովականի մանկավարժական ինստիտուտի Ստեփանակերտի բաժանմունքի պատմության ֆակուլտետը։

1991-1992թթ. դասավանդել է Խնձրիստանի միջնակարգ դպրոցում: Նույն ժամանակահատվածում մասնակցել է նաև գյուղում ինքնապաշտպանության ուժերի կազմավորմանը:

1992թ. դեկտեմբեր-1993թ. սեպտեմբեր` ԼՂՀ 1-ին գումարման Գերագույն խորհրդի արտաքին հարաբերությունների հանձնաժողովի ավագ ռեֆերենտ

1993թ. սեպտեմբեր-1995թ. հունվար` Գերագույն խորհրդի նախագահի օգնական

1995- 1998թթ.` ԼՂՀ արտաքին գործերի նախարարության Սփյուռքի և երկկողմ հարաբերությունների բաժնի ղեկավար

1998թ. հունվար-1998թ. դեկտեմբեր` ԼՂՀ ԱԳՆ քաղաքական վարչության պետ

1998թ. դեկտեմբեր նշանակվել է ԼՂՀ արտաքին գործերի նախարարի տեղակալ։

2000թ. ապրիլ ընտրվել է «Ժողովրդավարական Արցախ միություն» հասարակական-քաղաքական շարժման համանախագահ:

2002թ. հոկտեմբեր նշանակվել է ԼՂՀ արտաքին գործերի նախարար

2004թ. դեկտեմբեր` նշանակվել է ԼՂՀ կրթության, մշակույթի և սպորտի նախարար։

2005թ. հունվար ընտրվել է Արցախի ժողովրդավարական կուսակցության Կենտրոնական խորհրդի նախագահ։

2005թ. հունիսի 19-ի խորհրդարանական ընտրություններում ընտրվել է ԼՂՀ 4-րդ գումարման Ազգային ժողովի պատգամավոր՝ համամասնական ընտրակարգով, Արցախի ժողովրդավարական կուսակցության ընտրացուցակով։ ԼՂՀ 4-րդ գումարման Ազգային ժողովի 2005թ. հունիսի 30-ի առաջին լիագումար նիստում ընտրվել է ԼՂՀ Ազգային ժողովի նախագահ։

2010թ. մայիսի 23-ի խորհրդարանական ընտրություններում ընտրվել է ԼՂՀ հինգերորդ գումարման Ազգային ժողովի պատգամավոր՝ մեծամասնական ընտրակարգով, թիվ 7 ընտրատարածքից։ 5-րդ գումարման Ազգային ժողովի առաջին նստաշրջանի 2010թ. հունիսի 10-ի նիստում վերընտրվել է ԼՂՀ Ազգային ժողովի նախագահ։

2015թ. մայիսի 3-ի խորհրդարանական ընտրություններում ընտրվել է ԼՂՀ վեցերորդ գումարման Ազգային ժողովի պատգամավոր՝ համամասնական ընտրակարգով: 6-րդ գումարման Ազգային ժողովի առաջին նստաշրջանի 2015թ. մայիսի 21-ի նիստում վերընտրվել է ԼՂՀ Ազգային ժողովի նախագահ։

Ազգային ժողովի «Ժողովրդավարություն» խմբակցության անդամ է։

Ունի արտակարգ և լիազոր դեսպանի դիվանագիտական աստիճան։

Պարգևատրվել է «Գրիգոր Լուսավորիչ» շքանշանով (ԼՂՀ նախագահի թիվ 106-Ա հրամանագիր, 01.09.2008թ.), ՀՀ Ազգային ժողովի պատվո մեդալով (N384, 2018թ.):

Ամուսնացած է, ունի երեք զավակ։