ԼՈՒՐԵՐ
Արցախի Հանրապետության խորհրդարանը կգումարի հերթական նիստը
18 դեկտեմբերի 2019

Ազգային ժողովի նախագահ Աշոտ Ղուլյանը դեկտեմբերի 18-ին խորհրդարանի մշտական հանձնաժողովների ու խմբակցությունների ղեկավարների, աշխատակազմի պատասխանատուների մասնակցությամբ հրավիրել է աշխատանքային խորհրդակցություն:

Քննարկվել են նստաշրջանի օրակարգում ընդգրկված և գլխադասային հանձնաժողովների եզրակացությունները ստացած օրինագծերի՝ հերթական նիստում քննարկելու հարցերը:

ԱԺ նախագահը տեղեկացրել է, որ համաձայն պետական բյուջեի նախագծի քննարկման ժամկետացանկի, ի թիվս այլ օրինագծերի, հերթական նիստում կշարունակվի «Արցախի Հանրապետության 2020թ. պետական բյուջեի մասին» նախագծի քննարկումը: Խորհրդարանին կներկայացվի բյուջեի վերջնական տարբերակը և պատգամավորների 2-րդ փուլ առաջարկությունների վերաբերյալ կառավարության տեսակետը:

Ամփոփելով խորհրդակցությունը՝ Աշոտ Ղուլյանն հայտարարել է, որ հերթական նիստը տեղի կունենա դեկտեմբերի 19-ին ժամը 11:00-ին:

ԼՈՒՐԵՐ