17 մայիսի 2019
Մայիսի 16-ին Արցախի Հանրապետության Ազգային ժողովի նախագահի տեղակալ Վահրամ Բալայանն ընդունել է Երևան քաղաքի ավագանու «Բարգավաճ Հայաստան» խմբակցության անդամներին՝ խմբակցության ղեկավար Միքայել Մանրիկյանի գլխավորությամբ։
Ողջունելով հյուրերին՝ ԱՀ ԱԺ նախագահի տեղակալ Վահրամ Բալայանը ներկայացրել է օրենսդիր մարմնի գործունեությունը և կառուցվածքը։
Շնորհակալություն հայտնելով ընդունելության համար՝ խմբակցության ղեկավար Միքայել Մանրիկյանը նշել է, որ այցի գլխավոր նպատակը Երևանի և Ստեփանակերտի քաղաքային իշխանությունների միջև կապեր հաստատելը, բնակիչների խնդիրներին ծանոթանալն ու օրենսդիր և գործադիր մարմինների հետ համագործակցության ուղիներ փնտրելն է:
Հանդիպմանը քննարկվել են տնտեսության զարգացմանը, հողերի մշակման գործընթացին, Արցախում վերաբնակեցման ծրագրերին, բուհերի օպտիմալացմանը, հայկական երկու հանրապետությունների երիտասարդների փոխինտեգրմանը վերաբերող հարցեր:
