ԼՈՒՐԵՐ
Աշոտ Ղուլյանն ընդունել է Արման Թաթոյանի գլխավորած պատվիրակությանը
13 մայիսի 2019

Արցախի Հանրապետության Ազգային ժողովի նախագահ Աշոտ Ղուլյանն ընդունել է Հայաստան Հանրապետության Մարդու իրավունքների պաշտպան (ՄԻՊ) Արման Թաթոյանի գլխավորած պատվիրակությանը:

Ողջունելով ՀՀ ՄԻ պաշտպանի՝ Արցախի խորհրդարան այցելելու ցանկությունը՝ Աշոտ Ղուլյանը կարևորել է նման հանդիպումների շարունակականությունը՝  Հայաստանում և աշխարհում մարդու իրավունքների պաշտպանության ոլորտում տեղի ունեցող գործընթացներին Արցախի գործընկերներին մասնակից դարձնելու և կարծիքներ փոխանակելու առումով: Խոսելով Արցախում մարդու իրավունքների և ազատությունների ուղղությամբ տարվող աշխատանքների մասին՝ Աշոտ Ղուլյանը նշել է, որ 2017թ-ին ընդունված սահմանադրությամբ զգալի տեղ է հատկացվել մարդու և քաղաքացու հիմնական իրավունքներին ու ազատություններին: Խորհրդարանի ղեկավարը նաև խոսել է օրեսնդրական դաշտում կատարված աշխատանքի մասին՝ ընդգծելով «Հավաքների ազատության մասին» ԱՀ օրենքի ընդունումը:

ՀՀ ՄԻՊ Արման Թաթոյանը շնորհակալություն է հայտնել Արցախի խորհրդարանի հետ ձևավորված բարձր մակարդակի համագործակցության համար և պատրաստակամություն հայտնել Արցախի գործընկերոջ հետ մասնակցություն ունենալ ՄԻ ոլորտին վերաբերող խորհրդարանական ձևաչափով քննարկումներին:

Հանդիպման ընթացքում քննարկվել են Արցախի՝ միջազգային կոնվենցիաներին և դաշնագրերին միանալու հեռանկարներին, խորհրդարանական վերահսկողության դերին և խորհրդարան-ՄԻՊ համագործակցությանը վերաբերող հարցեր:

Հանդիպմանը մասնակցել են ԱՀ ԱԺ պետական–իրավական հանձնաժողովի նախագահ Հովիկ Ջիվանյանը և ԱՀ ՄԻՊ Արտակ Բեգլարյանը:

ԼՈՒՐԵՐ