Ծնվել է 1984թ. մայիսի 1-ին Մարտունու շրջանի Աշան գյուղում:

2001թ. ավարտել է Աշանի միջնակարգ դպրոցը:

2008թ. ավարտել է ԱրՊՀ հումանիտար ֆակուլտետի պատմության բաժինը:

2002-2004թթ. ծառայել է ՊԲ շարքերում:

2005-2006թթ. աշխատել է որպես հեռուստալրագրող:

2006-2014թթ. ղեկավարել է Արցախի ազատամարտիկների միության «Հայրենյաց պաշտպան» երիտասարդական կազմակերպությունը՝ որպես կառույցի հիմնադիր նախագահ: Համակարգել է կազմակերպության գործունեությունը հանրապետության ողջ տարածքում` իրականացնելով երիտասարդական տարբեր ծրագրեր:

2008թ-ից՝ ԼՂՀ հասարակական կազմակերպությունների խորհրդի անդամ

2008-2011թթ.՝ Ասկերանի շրջանի Խնածախ գյուղի դպրոցի պատմության ուսուցիչ, այնուհետև` փոխտնօրեն

2008թ-ից դասավանդում է Շուշիի Ա. Խաչատրյանի անվան պետական հումանիտար քոլեջում:

2016թ. նշանակվել է Արցախի ժողովրդավարական կուսակցության (ԱԺԿ) կենտրոնական գրասենյակի ղեկավար:

ԱԺԿ Կենտրոնական խորհրդի անդամ է:

2018թ. սեպտեմբերի 9-ի ԱՀ ԱԺ լրացուցիչ ընտրությունների արդյունքում թիվ 11 ընտրատարածքից մեծամասնական ընտրակարգով ընտրվել է ԱԺ պատգամավոր:

2018-2020թթ․՝ Ազգային ժողովի ֆինանսաբյուջետային և տնտեսական կառավարման հարցերի մշտական հանձնաժողովի նախագահի տեղակալ

2020թ․ մարտի 31-ի խորհրդարանական ընտրություններում Արցախի ժողովրդավարական կուսակցության համամասնական ցուցակով ընտրվել է ԱՀ 7-րդ գումարման Ազգային ժողովի պատգամավոր:

Ամուսնացած է, ունի երկու զավակ:

Պարգևատրվել է ԱՀ «Մարտական ծառայություն» մեդալով, ԱԱՄ «Հայրենյաց պաշտպան», ՀՀ ԶՈՒ 20-ամյակի հուշամեդալներով: