ԱՀ ԱԺ նախագահ Աշոտ Ղուլյանի 2016թ. փետրվարի 22-ի թիվ 4 եւ մարտի 2-ի թիվ 5 կարգադրությունների հիման վրա Ազգային ժողովին կից գործող երկրորդ գումարման Երիտասարդական խորհրդարանի կազմը համալրելու նպատակով, հայտարարվում է փաստաթղթերի ընդունելություն:

Երիտասարդական խորհրդարանում ընդգրկվելու համար կարող են դիմել ԱՀ 18-28 տարեկան քաղաքացիները:

Յուրաքանչյուր անձ իր թեկնածությունն Երիտասարդական խորհրդարանում առաջադրելու համար ներկայացնում է հետեւյալ փաստաթղթերը. 
 

• դիմում,
• ինքնակենսագրություն (CV),
• 2 լուսանկար (3x4),
• անձնագրի եւ կրթությունը հավաստող փաստաթղթի պատճենները,
• տեղեկանք ուսումնական հաստատությունից կամ աշխատանքի վայրից,
• հիմնավորում՝ ինչու՞ է ուզում ընդգրկվել Երիտասարդական խորհրդարանի կազմում:

Դիմումներն ընդունվում են ս.թ. սեպտեմբերի 15-30-ը ներառյալ, youth@nankr.am էլ-փոստով կամ Ստեփանակերտ, Փետրվարի 20, շ.2 հասցեով (ԱԺ ընդունարան)՝ նշելով «Երիտասարդական խորհրդարանի համար»:

Երիտասարդական խորհրդարանի աշխատանքների վերաբերյալ մանրամասն տեղեկությունների համար դիմել ԱՀ ԱԺ՝ 96-19-96 հեռախոսահամարով: