Ծնվել է 1982թ. հունիսի 11-ին Ստեփանակերտ քաղաքում։

1999թ. ավարտել է Ստեփանակերտի թիվ 9 միջնակարգ դպրոցը։

2003թ. ավարտել է Արցախի պետական համալսարանի տնտեսագիտական ֆակուլտետը։

2005թ. ավարտել է Երևանի պետական համալսարանի մագիստրատուրան՝ ստանալով տնտեսագիտության մագիստրոսի աստիճան։

2003թ.հոկտեմբեր-2004թ. մայիս՝ «Հայխնայբանկ» ՓԲԸ փոխատվական գործառնությունների  գլխավոր վարչության մասնագետ

2004թ. մայիս-2005թ. օգոստոս՝ «Հայխնայբանկ» ՓԲԸ վարկային գործառնությունների  բաժնի  առաջատար մասնագետ

2005թ.՝«Արդշինինվեստբանկ» ՓԲԸ գլխավոր մասնագետ, ապա՝ «Արդշինինվեստբանկ» ՓԲԸ «Ստեփանակերտ» մասնաճյուղի կառավարիչ

2005թ. օգոստոս-2006թ. մարտ՝ «Արդշինինվեստբանկ» ՓԲԸ «Մալաթիա» մասնաճյուղի վարկային բաժնի գլխավոր մասնագետ

2006թ. մարտ -2012թ. օգոստոս՝ «Արդշինինվեստբանկ» ՓԲԸ տարածքային վարչության պետ-կառավարիչ

2007թ. համատեղությամբ նշանակվել է «Արդշինինվեստբանկ» ՓԲԸ Լեռնային Ղարաբաղի տարածաշրջանի տարածքային վարչության պետ։

2008-2009թթ. դասախոսել է Արցախի պետական համալսարանի տնտեսագիտության ամբիոնում։

2007-2009թթ.՝ «Միջազգային բիզնես կենտրոն» ՓԲԸ գլխավոր տնօրեն

2010թ. մայիսի 23-ի  խորհրդարանական ընտրություններում Ստեփանակերտի թիվ 6 ընտրատարածքից ընտրվել է ԼՂՀ հինգերորդ գումարման Ազգային ժողովի պատգամավոր: Եղել է ԱԺ ֆինանսաբյուջետային և տնտեսական կառավարման հարցերի մշտական հանձնաժողովի, ինչպես նաև՝ ԱԺ «Հայրենիք» խմբակցության անդամ:

Եղել է «Ազատ Հայրենիք» կուսակցության անդամ:

2012-2013թթ.մայիս՝ ԼՂՀ վարչապետի խորհրդական

2012թ. շնորհվել է տնտեսագիտության թեկնածուի գիտական աստիճան:

2012թ.հունվարից՝ «Բլեսս» ՍՊԸ խորհրդի նախագահ

2013թ. ապրիլ - 2013թ. մայիս՝ «Հայբիզնեսբանկ» ՓԲԸ «Ստեփանակերտ» մասնաճյուղի կառավարչի ժամանակավոր պաշտոնակատար

2013թ. հուլիս -2013թ. սեպտեմբեր՝ «Հայբիզնեսբանկ» ՓԲԸ նախագահի տեղակալ, Տարածքային զարգացման և տեղեկատվական տեխնոլոգիաների դեպարտամենտի տնօրեն, վարչության անդամ

2013թ. հոկտեմբերի 1-10՝ «Հայբիզնեսբանկ» ՓԲԸ վարչության նախագահի ժամանակավոր պաշտոնակատար

2013թ. հոկտեմբերի 10-ից՝ «Հայբիզնեսբանկ» ՓԲԸ վարչության նախագահ

2016թ. հոկտեմբերից՝ «Վիտալի Գրիգորյանց» բարեգործական հիմնադրամի տնօրեն (համատեղությամբ)

2016թ. դեկտեմբերի 1-ից՝ «Ջի Էմ Հոլդինգ» ՍՊԸ տնօրեն (համատեղությամբ)

ԼՂՀ բանկային համակարգին մատուցած ծառայությունների համար պարգևատրվել է Ոսկե մեդալով։

Ամուսնացած է, ունի երկու զավակ։