Ծնվել է 1968թ. մայիսի 12-ին Լեռնային Ղարաբաղի Հադրութի շրջանի Բանաձոր գյուղում։

1985թ. ավարտել է տեղի միջնակարգ դպրոցը։

1986-1988թթ. ծառայել է խորհրդային բանակի շարքերում։

1989թ. ավարտել է Ստեփանակերտի գյուղատնտեսական տեխնիկումի անասնաբուժական ֆակուլտետի հեռակա բաժինը։

1988-1990թթ.՝ Բանաձորի սովխոզի ֆերմայի վարիչ, գլխավոր անասնաբույժ

Ղարաբաղյան շարժման և ինքնապաշտպանական մարտերի մասնակից է։

1992-1994թթ. Արցախյան պատերազմում եղել է նախ՝ գումարտակի հրամանատար, ապա՝ պաշտպանական շրջանի հրամանատարի տեղակալ։

1994-1996թթ.՝ ԼՂՀ ՆԳ Հադրութի շրջանային բաժնի պետի տեղակալ, ապա՝ պետ

1997-1998թթ.՝ Հադրութի շրջանի կենսաթոշակային ապահովագրության շրջանային կենտրոնի տնօրեն

1998-2005թթ.՝ Հադրութի համայնքի ղեկավար 

2005թ. հունիսի 19-ի խորհրդարանական ընտրություններում ընտրվել է ԼՂՀ չորրորդ գումարման Ազգային ժողովի պատգամավոր՝ մեծամասնական ընտրակարգով, թիվ 11 ընտրատարածքից։ Եղել է ԼՂՀ Ազգային ժողովի արտաքին հարաբերությունների մշտական հանձնաժողովի անդամ։

2010թ. մայիսի 23-ի խորհրդարանական ընտրություններում ընտրվել է ԼՂՀ հինգերորդ գումարման Ազգային ժողովի պատգամավոր՝ մեծամասնական ընտրակարգով, թիվ 8 ընտրատարածքից։

2015թ. մայիսի 3-ի խորհրդարանական ընտրություններում ընտրվել է ԼՂՀ  6-րդ գումարման Ազգային ժողովի պատգամավոր՝ մեծամասնական ընտրակարգով, թիվ 6 ընտրատարածքից։ Եղել է Ազգային ժողովի արտադրության և արտադրական ենթակառուցվածքների հարցերի մշտական հանձնաժողովի անդամ։

«Ազատ հայրենիք» կուսակցության անդամ է։

2017թ. հոկտեմբերի 6-ից՝ Հադրութի շրջանի վարչակազմի ղեկավար

Ամուսնացած է, ունի երկու զավակ։

Պարգևատրվել է «Մարտական խաչ» 2-րդ աստիճանի շքանշանով (ԼՂՀ նախագահի թիվ 300 հրամանագիր, 08.05.2002թ.) և «Երախտագիտություն» մեդալով (ԼՂՀ նախագահի թիվ 124-Ա հրամանագիր, 23.12.2014թ.):