Ծնվել է 1924թ. մայիսի 12-ին Ասկերանի շրջանի Նորագյուղ գյուղում:

1942թ. ավարտել է Խանապատի միջնակարգ դպրոցը, այնուհետև՝ որպես հաշվետար աշխատել հայրենի գյուղի «Նոր կյանք» կոլտնտեսությունում:

1948թ. գերազանցությամբ ավարտել է Կիրովաբադի գյուղատնտեսական ինստիտուտը, այնուհետև, որպես գյուղատնտես, աշխատանքի նշանակվել մարզգյուղվարչությունում:

1948-1955թթ. Հադրութի շրջանում աշխատել է որպես գյուղատնտես, այնուհետև՝ գյուղբաժնի վարիչ, մեքենատրակտորային կայանի տնօրեն:

1955թ. ՝ ԼՂԻՄ մարզային գյուղատնտեսության վարչության պետ

1959-1962թ.՝  կոմկուսի Ստեփանակերտի շրջկոմի առաջին քարտուղար

1963-1974թթ.՝ ԼՂ մարզխորհրդի գործադիր կոմիտեի նախագահ, միաժամանակ՝ Ադրբեջանի Գերագույն խորհրդի նախագահության նախագահի տեղակալ

1980-1989թթ.՝  «Ադրգյուղքիմիա» հանրապետական միավորումների նախագահի տեղակալ, այնուհետև՝ նախագահի առաջին տեղակալ

1993թ. նշանակվել է ԼՂՀ կենտրոնական ընտրական հանձնաժողովի նախագահ:

2000թ. հունիսի 18-ին Ասկերանի թիվ 15 ընտրատարածքից ընտրվել է ԼՂՀ 3-րդ գումարման Ազգային ժողովի պատգամավոր: Ընտրվել է Ազգային ժողովի փոխնախագահ, ԱԺ նախագահության անդամ:

2005-2015թթ.՝ ԱԺ նախագահի խորհրդական

Ընտրվել է ԽՍՀՄ Գերագույն խորհրդի 7-րդ և 8-րդ գումարումների պատգամավոր:

Երեք անգամ ընտրվել է Ադրբեջանի ԳԽ պատգամավոր: Շուրջ 25 տասնամյակ ընտրվել է ԼՂԻՄ մարզային խորհրդի պատգամավոր:

Կյանքից հեռացել է 2017թ. հոկտեմբերի 1-ին:

Պարգևատրվել է «Մխիթար Գոշ» մեդալով (ԼՂՀ նախագահի թիվ 118 հրամանագիր 09.05.2004թ.), «Մեսրոպ Մաշտոց» շքանշանով (ԼՂՀ նախագահի թիվ 42-Ա հրամանագիր 07.05.2014թ.), «Աշխատանքային կարմիր դրոշի» երեք, «Պատվո նշան» երկու շքանշաններով: