Ծնվել է 1955թ. հունիսի 1-ին Ասկերանի շրջանի Հարավ գյուղում:

1971թ. ավարտել է Ստեփանակերտի թ.7 միջնակարգ դպրոցը:

1971-1975թթ. սովորել է Ստեփանակերտի սովխոզտեխնիկումում:

1975-1977թթ. ծառայել է խորհրդային բանակում:

1978-1981թթ. աշխատել է Ասկերանի շրջանի թիվ 2 խորհտնտեսությունում:

1982թ.՝ Խրամորթի կոլտնտեսության գյուղատնտես

1983թ. ընդունվել է Հայկական գյուղատնտեսական ինստիտուտի ագրոնոմիայի ֆակուլտետը:

1985-1986թթ.՝ Ասկերանի շրջանային ագրոարդյունաբերական միության ավագ գյուղատնտես

1986թ.՝ Ստեփանակերտի շինանյութերի կոմբինատի օժանդակ տնտեսության վարիչ

1987թ. կազմակերպել է ստորագրահավաք Լեռնային Ղարաբաղը Հայաստանի Հանրապետությանը միանալու համար:

1989թ. ավարտել է Հայկական գյուղատնտեսական ինստիտուտը և ստացել ագրոնոմի որակավորում:

1991թ. ավարտել է Հայկական գյուղատնտեսական ինստիտուտի տնտեսագիտական ֆակուլտետը՝ գյուղատնտեսության առաջատար կադրերի և մասնագետների որակավորման բարձրացման գծով և ստացել գյուղատնտեսական ձեռնարկությունների կազմակերպիչ-տնտեսագետի որակավորում:

1990-1992թթ.  ակտիվ մասնակցություն է ունեցել Արցախի ինքնապաշտպանությանը:

1992-1995թ.՝ ՊԲ հրետանու պետի կառավարման մարտկոցի հրամանատար

1995-1999թթ.՝ ՊԲ ծանրաքարշ մեքենաների առանձին վաշտի հրամանատար

2000թ. հունիսի 18-ի խորհրդարանական ընտրություններում մեծամասնական ընտրակարգով, Ստեփանակերտի թիվ 8 ընտրատարածքից ընտրվել է ԼՂՀ երրորդ գումարման Ազգային ժողովի պատգամավոր:

Եղել է Ազգային ժողովի պաշտպանության, անվտանգության և օրինապահպանության հարցերի մշտական հանձնաժողովի փոխնախագահ:

2005թ. ստեղծել է «Մեր տունը Հայաստանն է» կուսակցությունը:

Ամուսնացած է, ունի երկու դուստր: