Ծնվել է 1962 թ. սեպտեմբերի 24-ին Մարտունու շրջանի Բերդաշեն գյուղում:

Ավարտել է տեղի միջնակարգ դպրոցը:

1985թ. ավարտել է Ստեփանակերտի պետական մանկավարժական ինստիտուտի ֆիզիկամաթեմատիկական ֆակուլտետը, Լենինյան կրթաթոշակառու էր:

1986 -1990թթ. սովորել է ՀՍՍՀ Գիտությունների ակադեմիայի ֆիզիկայի կիրառական պրոբլեմների ինստիտուտի ասպիրանտուրայում` «Պինդ մարմնի ֆիզիկա» մասնագիտությամբ:

1985 -1991թթ.՝ Բերդաշենի միջնակարգ դպրոցի ֆիզիկայի ուսուցիչ

1985-1986թթ. դասախոսել է Ստեփանակերտի պետական  մանկավարժական ինստիտուտի ընդհանուր տեխնիկական առարկաների ամբիոնում:

1991թ. պաշտպանել է թեկնածուական ատենախոսություն և ստացել ֆիզիկամաթեմատիկական գիտությունների թեկնածուի գիտական աստիճան:

1992թ.՝  Հայկական պետական ճարտարագիտական համալսարանի Ստեփանակերտի մասնաճյուղի, այնուհետև` Արցախի պետական համալսարանի ֆիզիկայի ամբիոնի ֆիզիկայի լաբորատորիայի վարիչ

1992-1995թթ. ծառայել է ԼՂՀ Պաշտպանության բանակում:

1993թ. սեպտեմբեր ՝ ԼՂՀ ՊԲ ՀՕՊ զորքերի վարչության առաջին շտաբի պետ

1995թ. ապրիլի 30-ին Բերդաշենի թիվ 22 ընտրատարածքից ընտրվել է ԼՂՀ երկրորդ գումարման Գերագույն խորհրդի պատգամավոր, սոցիալական ոլորտի հարցերի մշտական հանձնաժողովի նախագահ:

1999թ. ապրիլի 30-ին ընտրվել է Արցախի սոցիալ-դեմոկրատական կուսակցության (ԱՍԴԿ) նախագահ: 

2000թ. հունիսի 18-ին Ստեփանակերտի թիվ 3 ընտրատարածքից ընտրվել է ԼՂՀ 3-րդ գումարման Ազգային ժողովի պատգամավոր` սոցիալական ոլորտի հարցերի մշտական հանձնաժողովի անդամ:

2001թ.՝ ԱրՊՀ մաթեմատիկայի ամբիոնի դոցենտ

2002թ. հոկտեմբերի 30-ին  ընտրվել է ԼՂՀ Ազգային ժողովի նորաստեղծ վերահսկիչ պալատի  նախագահ:

2002-2004թթ. համատեղությամբ դասավանդել է Արցախի պետական համալսարանի մաթեմատիկայի ամբիոնում:

2005թ. հունվար   ԱԺԿ հիմնադիր համագումարում ընտրվել և 2008թ. մայիսին ԱԺԿ  երկրորդ համագումարում վերընտրվել է կուսակցության կենտրոնական խորհրդի անդամ:

2005-2008թթ.՝ ԱԺԿ գրասենյակի ղեկավար

2008թ. մայիսի 7 –ին  ընտրվել է ԼՂՀ 4-րդ գումարման Ազգային ժողովի պատգամավոր` համամասնական ընտրակարգով` Արցախի ժողովրդավարական կուսակցության ընտրացուցակով, եղել է պետական-իրավական հարցերի մշտական հանձնաժողովի անդամ:

2008-2010թթ.՝ ԼՂՀ ԱԺ պետական-իրավական հարցերի մշտական հանձնաժողովի փոխնախագահ

 2011թ. հոկտեմբերի 6-ից՝ Հայաստանի պետական ագրարային համալսարանի (այժմ ՀԱԱՀ) Ստեփանակերտի մասնաճյուղի ուսումնագիտական աշխատանքների գծով փոխտնօրեն

2012թ. սեպտեմբերի 3-ից ՝ ՀԱԱՀ Ստեփանակերտի մասնաճյուղի «Գյուղատնտեսության  մեքենայացման, տրանսպորտային փոխադրումների,  տեսական մեխանիկայի և ֆիզիկայի» ամբիոնի դասախոս

2012թ.՝  ԼՂՀ նախագահի թեկնածու

2014թ. սեպտեմբեր - 2015թ. ապրիլ  միաժամանակ իրականացրել է ՀԱԱՀ Ստեփանակերտի մասնաճյուղի տնօրենի պարտականությունները:

2016թ. սեպտեմբերի 13-ին  ՀՀ Բարձրագույն որակավորման հանձնաժողովի կողմից շնորհվել է դոցենտի գիտական կոչում:

Անկուսակցական է:

Ամուսնացած է, ունի երկու զավակ:

Հեղինակ է մի շարք գիտական թեզերի և հոդվածների, որոնք վերաբերում են դիֆրակցված ռենտգենյան ճառագայթման պարամետրերի կարգավորման հիմնախնդիրներին: