Ծնվել է 1952թ.  դեկտեմբերի 20-ին ՌԴ Ալտայի երկրամասի Բիյսկիյ շրջանում:

1961-1971թթ.  սովորել է Շուշիի թիվ 2 միջնակարգ ռուսական դպրոցում:

1971-1977թթ. սովորել է Սարատովի պետական բժշկական ինստիտուտի բուժական ֆակուլտետում, այնուհետև՝ որպես վիրաբույժ գործուղվել է Ուլյանովսկի մարզի Ինզա քաղաքը:

1981-1983թթ.  ավարտել է Սամարայի բժշկական ինստիտուտի կլինիկական օրդինատուրան:

1983թ.՝ Մարտունու կենտրոնական շրջանային հիվանդանոցի վիրաբուժության բաժանմունքի վարիչ

Արցախյան ազգային-ազատագրական պայքարի սկզբից նրա ղեկավարությամբ Մարտունու շրջանում ստեղծվել է զինվորական հոսպիտալ, որում բուժում են ստացել հիվանդ և վիրավոր զինծառայողներ և քաղաքացիական ազգաբնակչությունը: 33-ամյա աշխատանքային գործունեության ընթացքում կատարել է 4500-ից ավելի վիրահատություններ:

1993թ. մայիս լրացուցիչ ընտրությունների արդյունքում Մարտունու թիվ 59 ընտրատարածքից  ընտրվել է ԼՂՀ առաջին գումարման Գերագույն խորհրդի պատգամավոր:

1997թ.  ղեկավարել է Մարտունու զինվորական հոսպիտալը և կենտրոնական շրջանային հիվանդանոցը:

2004 թվականից՝ «Մարտունու շրջանային բուժմիավորում» ՓԲԸ գործադիր տնօրեն

2005թ. հունիսի 19 -ին Մարտունու թիվ 16 ընտրատարածքից ընտրվել է ԼՂՀ 4-րդ գումարման ԱԺ պատգամավոր: Եղել է սոցիալական ոլորտի հարցերի մշտական հանձնաժողովի անդամ:

«Ազատ հայրենիք» կուսակցության անդամ է:

Ամուսնացած է, ունի հինգ զավակ:

Պարգևատրվել է «Մարտական Խաչ» 2-րդ աստիճանի շքանշանով (ԼՂՀ նախագահի թիվ 0736-1 հրամանագիր  25.07.1994թ.), «Վաչագան Բարեպաշտ» մեդալով ( ԼՂՀ նախագահի թիվ 307 հրամանգիր  08.05.2002թ.), ՀՀ ՊՆ «Անբասիր ծառայության համար» մեդալով (2003թ.), ԼՂՀ վարչապետի հուշամեդալով (2012թ.):