Ծնվել է 1958թ. փետրվարի 7-ին Գանձակ (Կիրովաբադ) քաղաքում։

1974-1979թթ. սովորել է Տաշքենդի ռուսաց լեզվի և գրականության ինստիտուտում, որն ավարտելուց հետո դասավանդել է Տաշքենդի մանկավարժական պետական համալսարանում։

1988թ.  նոյեմբեր-դեկտեմբեր  Խորհրդային Ադրբեջանի տարածքում սկիզբ առած հայերի ջարդերի ընթացքում եղել է Գանձակի հայերի ինքնապաշտպանության կազմակերպիչներից:

1989թ.  ընտանիքով տեղափոխվել է Լեռնային Ղարաբաղ։ Եղել է «Միացում» շարժման ղեկավարի տեղակալ։ Մինչ 1991թ. աշխատել է որպես ԼՂԻՄ Գործկոմի փախստականների հետ տարվող աշխատանքների վարչության պետ։

1991թ. դեկտեմբերի 28 –ին Ստեփանակերտի թիվ 16 ընտրատարածքից ընտրվել է ԼՂՀ առաջին գումարման Գերագույն խորհրդի պատգամավոր։  Եղել է արտաքին հարաբերությունների մշտական հանձնաժողովի նախագահ, ԼՂՀ նախագահության անդամ։

1995-1997թթ.՝ “НК Республика” թերթի գլխավոր խմբագիր

1997թ. տեղափոխվել է Երևան, որտեղ սկսել է զբաղվել հասարակական և գիտական գործունեությամբ։ Դասավանդել է հայաստանյան մի շարք բուհերում, թղթակցել «Գոլոս Արմենիի» թերթին և«Դե ֆակտո» գործակալությանը։

Հրապարակել է մոտ մեկ տասնյակ գրքեր և մենագրություններ։

 Հարյուրավոր հոդվածների ու վերլուծությունների հեղինակ է։

2008թ.  Երևանում հիմնադրել է «Ոսկանապատ» վերլուծական կենտրոնն ու Voskanapat.info լրատվական-վերլուծական կայքը։ Զբաղվել է ադրբեջանա-արցախյան հակամարտության ու տարածաշրջանային անվտանգության հիմնախնդիրներով։

Վախճանվել է 2015թ. օգոստոսի 11-ին։

Ունի երեք զավակ։

Պարգևատրվել է «Մեսրոպ Մաշտոց» շքանշանով (հետմահու, ԱՀ նախագահի թիվ 13-Ա հրամանագիր, 16.02.2018թ.) և «Գարեգին Նժդեհ» մեդալով (2015 թ.):