Ծնվել է 1966թ. հոկտեմբերի 9-ին Գանձակ (Կիրովաբադ) քաղաքում:

1987թ. ավարտել է Տաշքենդի բարձրագույն հրամանատարամարտավարական ուսումնարանը:

1987-1988թթ. ՝ Գերմանիայում խորհրդային զորքերի խմբի 6-րդ առանձին հետախուզական գումարտակի ռադիոյի և ռադիոտեխնիկական հետախուզման վաշտի տեղեկատվության մշակման խմբի հետախուզական տվյալների մշակման գծով սպա

1988-1989թթ.՝ Գերմանիայում խորհրդային զորքերի խմբի 16-րդ գվարդիական տանկային գնդի հետախուզական դասակի հրամանատար

1989-1991թթ.՝ Գերմանիայում խորհրդային զորքերի խմբի 591-րդ գվարդիական մոտոհրաձգային գնդի հետախուզական վաշտի հրամանատար

1991թ. դեկտեմբերի 28 -ին Վերին Շենի թիվ 78 ընտրատարածքից ընտրվել է ԼՂՀ առաջին գումարման Գերագույն խորհրդի պատգամավոր:

1991թ. ուղեգրվել է Անդրկովկասյան ռազմական օկրուգ:

1991թ.-ից  մասնակցել է ԼՂՀ պաշտպանության մարտական գործողություններին:

1992թ. նոյեմբեր ծանր վիրավորվել է:

1992-1993թթ.՝ ՀՀ ՊՆ 9-րդ վարչության ավագ սպա

1993-1995թթ.՝ ՀՀ ՊՆ հատուկ նշանակության ջոկատի հրամանատարի տեղակալ, շտաբի պետ

1995թ. ապրիլ- մայիս՝ 6-րդ պաշտպանական շրջանի հրամանատար

1995-1999թթ.՝ գործուղվել է  ԼՂՀ ՊՆ:

2000թ. ընդունվել է ՌԴ ԶՈՒ Գլխավոր շտաբի ռազմական ակադեմիան:

2000-2002թթ.՝ ՀՀ ԶՈՒ հետախուզման պետի տեղակալ

2002-2009թթ.՝ ԶՈՒ կազմակերպազորահավաքային վարչության պետ, գլխավոր շտաբի պետի տեղակալ

2009թ.՝ ՀՀ զինվորական կոմիսար

2005թ.-ից ՝ Ռուսաստանի բնական գիտությունների ակադեմիայի հայկական մասնաճյուղի պրոֆեսոր

2003թ.-ից  ունի գեներալ-մայորի կոչում:

2012թ.-ից ՝ Բնական գիտությունների եվրոպական ակադեմիայի իսկական անդամ

Ամուսնացած է, ունի երկու զավակ:

Պարգևատրվել է «Մարտական Խաչ» 1-ին աստիճանի շքանշանով (ԼՂՀ նախագահի թիվ  300 հրամանագիր 08.05.2002թ.),  ՀՀ «Մարտական խաչ» 1-ին և 2-րդ աստիճանի շքանշաններով, «Վարդան Մամիկոնյան» շքանշանով, «Հայրենիքին մատուցած ծառայությունների համար» 2-րդ աստիճանի մեդալով, ԽՍՀՄ «Խիզախության համար» մեդալով, ԽՍՀՄ «Մարտական ծառայության համար» մեդալով, «Անբասիր ծառայության համար» I, II, III ատիճանի , «Անդրանիկ Օզանյան» ,«Մարշալ Բաղրամյան» մեդալներով: