Ծնվել է 1948 թ. ապրիլի 6-ին Շուշիի շրջանի Քարին տակ գյուղում:

1966 թ.  միջնակարգն ավարտելուց հետո մի քանի ամիս աշխատել է կոլտնտեսությունում:

1966-1968թթ.  ծառայել է խորհրդային բանակում:  Ծառայությունից հետո վերադարձել է գյուղ և աշխատել որպես վարորդ:

1985 թ.  եղել է խորհտնտեսության պահեստապետ:

1988 թ. փետրվարից  Արցախյան ազատագրական շարժման ջատագովներից էր: Ստեղծել է ինքնապաշտպանական ջոկատ և ղեկավարել այն: Մեծ աշխատանք է կատարել ձերբակալված համագյուղացիներին ազատ արձակելու ուղղությամբ:

1989թ.-ից ՀՅԴ անդամ էր:

1991 թ.դեկտեմբերի 28-ին Քարին տակի թիվ 74 ընտրատարածքից ընտրվել էր ԼՂՀ առաջին գումարման Գերագույն խորհրդի պատգամավոր:

1992 թ. հունվարի 26-ին զոհվել է Քարին տակ գյուղի պաշտպանության մարտում:

Ամուսնացած էր, ունի  չորս զավակ:

Հետմահու պարգևատրվել է «Մարտական Խաչ» 2-րդ աստիճանի (ԼՂՀ նախագահի թիվ 14 հրամանագիր 25.01.1995թ.) և «Մարտական Խաչ» 1-ին աստիճանի շքանշաններով (ԼՂՀ նախագահի թիվ 142 հրամանագիր 24.01.2000թ.):