Ծնվել է 1936թ. հունիսի 22-ին Մարտակերտի շրջանի Վարդաձոր (Գյուլաթաղ) գյուղում:

1943-1950թթ. սովորել է տեղի դպրոցում:

1956թ. գերազանցությամբ ավարտել է Ստեփանակերտի գյուղատնտեսական տեխնիկումի ագրոբաժինը:

1956-1961թթ. սովորել է Երևանի գյուղատնտեսական ինստիտուտի ագրոնոմիայի ֆակուլտետում: 

Վերադառնալով Մարտակերտ՝ աշխատել է որպես դպրոցի ուսմասվար:

Ընտրվել է դպրոցի կոմերիտկազմակերպության քարտուղար:

1962թ. ընտրվել է կոմերիտկազմակերպության երկրորդ քարտուղար:

1968թ. նշանակվել է մարզկոմի գյուղատնտեսական բաժնի հրահանգիչ:

1970-1972թթ. Մոսկվայում գերազանցությամբ ավարտել է ԽՄԿԿ ԿԿ հասարակական գիտությունների ակադեմիան:

Ավարտելուց հետո աշխատել է մարզկոմի գյուղբաժնում, այնուհետև եղել է բաժնի վարիչ:

1973թ. մարզկոմի որոշմամբ նշանակվել է Մարտունու շրջանային կոմիտեի առաջին քարտուղար:

1982թ. մարզկոմի որոշմամբ նշանակվել է Մարտակերտի շրջկոմի առաջին քարտուղար:

1985թ. նշանակվել է  գյուղմթերքների պահեստավորման ու որակի գծով գլխավոր տեսուչ:

1988թ. ակտիվորեն մասնակցել է Արցախյան շարժմանը: Պատերազմից ավերված մի շարք գյուղերի վերականգնման աշխատանքներին:

1988թ. երկրորդ անգամ ընտրվել է Մարտակերտի շրջկոմի առաջին քարտուղար:

Եղել է ԽՍՀՄ ժողպատգամավոր:

1991թ. դեկտեմբերի 28-ին Ջանյաթաղի թիվ 51 ընտրատարածքից ընտրվել է ԼՂՀ առաջին գումարման Գերագույն խորհրդի պատգամավոր:

1991թ. ընտրվել է Մարտակերտի շրջգործկոմի նախագահ, ապա՝ Ազգային խորհրդի համանախագահ:

Կյանքից հեռացել է 1993թ. Ռիգայում:

Պարգևատրվել է ԼԿԵՄ հոբելյանական նշանով, «Գերազանց սահմանապահ» կրծքանշանով, «Աշխատանքային արիության համար» մեդալով (12.12.1973թ.),  «Աշխատանքային կարմիր դրոշ» շքանշանով (17.01.1977թ.):