ԼՈՒՐԵՐ
Մահախոսական
02 հոկտեմբերի 2017

Կյանքից հեռացել է ԼՂՀ 3-րդ գումարման Ազգային ժողովի պատգամավոր Մուշեղ Գրիգորիի Օհանջանյանը

 

Ծնվել է 1924թ. մայիսի 12-ին Ասկերանի շրջանի Նորագյուղ գյուղում:

1942թ.՝ ավարտել է Խանապատի միջնակարգ դպրոցը, այնուհետև՝ որպես հաշվետար աշխատել հայրենի գյուղի «Նոր կյանք» կոլտնտեսությունում:

1948թ. գերազանցությամբ ավարտել է Կիրովաբադի գյուղատնտեսական ինստիտուտը, այնուհետև, որպես գյուղատնտես, աշխատանքի նշանակվել մարզգյուղվարչությունում:

1948-1955թթ.՝ Հադրութի շրջանում աշխատել է որպես գյուղատնտես, այնուհետև՝ գյուղբաժնի վարիչ, մեքենատրակտորային կայանի տնօրեն:

1955թ.՝ նշանակվել է ԼՂ մարզգործկոմի գյուղատնտեսության վարչության պետ:

1958թ.՝ ընտրվել է Կոմունիստական կուսակցության Ստեփանակերտի շրջկոմի առաջին քարտուղար:

1963-1974թթ.՝ աշխատավորների պատգամավորների ԼՂ մարզխորհրդի գործադիր կոմիտեի նախագահ:

1974-1989թթ.՝  Ագրոգյուղքիմիա հանրապետական միավորումների նախագահի տեղակալ, այնուհետև՝ նախագահի առաջին տեղակալ:

Բազմիցս ընտրվել է միութենական, հանրապետական և մարզային խորհուրդների պատգամավոր:

2000թ. հունիսի 18-ին Ասկերանի թիվ 15 ընտրատարածքից ընտրվել է ԼՂՀ 3-րդ գումարման Ազգային ժողովի պատգամավոր: Ընտրվել է Ազգային ժողովի փոխնախագահ, ԱԺ նախագահության անդամ:

2005-2015թթ.՝ աշխատել է որպես ԱԺ նախագահի խորհրդական:

Պարգևատրվել է՝ «Աշխատանքային կարմիր դրոշի» երեք, «Պատվո նշան» երկու շքանշանով  և Արցախի Հանրապետության  «Մխիթար Գոշ» մեդալով ու «Մեսրոպ Մաշտոց» շքանշանով:

Արցախի Հանրապետության Ազգային ժողովը վշտակցություն ու զորակցություն է հայտնում Օհանջանյանների ընտանիքին՝ համբերություն և արիություն մաղթելով հանգուցյալի բոլոր հարազատներին ու մերձավորներին:  

ԼՈՒՐԵՐ