Ծնվել է 1962թ. օգոստոսի 22-ին  Մարտունու շրջանի Գիշի գյուղում:

1969-1979թթ. սովորել է Գիշու միջնակարգ դպրոցում:

1983թ. գերազանցությամբ ավարտել է Ստեփանակերտի մանկավարժական ինստիտուտի պատմության ֆակուլտետը:

1983-1985թթ.՝ Գիշու միջնակարգ դպրոցի պատմության ուսուցիչ

1985-1988թթ. սովորել է Խաչատուր Աբովյանի անվան մանկավարժական ինստիտուտի ասպիրանտուրայում:

1989թ. տեղափոխվել է Արցախ և որպես պատմության դասախոս աշխատանքի անցել Կիրովականի մանկավարժական ինստիտուտի Ստեփանակերտի բաժանմունքում:

1992-2009թթ.՝ ԱրՊՀ պատմության ամբիոնի վարիչ

1996-2013թթ. ղեկավարել է իր իսկ հիմնադրած ԱրՊՀ  Հայագիտական կենտրոնի աշխատանքները: ԱրՊՀ «Հայագիտական հանդեսի» գլխավոր խմբագիրն է:

2008-2013թթ.՝ ԱրՊՀ գիտական աշխատանքների գծով պրոռեկտոր

2000թ. ընտրվել է ԼՂՀ 3-րդ գումարման ԱԺ պատգամավոր և նշանակվել ՀՅԴ իմբակցության ղեկավար:

2010թ. ընտրվել է ԼՂՀ 5-րդ ԱԺ գումարման պատգամավոր:

2014թ. հուլիս - 2015թ. մայիս՝ ԼՂՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի նախագահի տեղակալ

2015թ. մայիսի 3-ի խորհրդարանական ընտրություններում ընտրվել է ԼՂՀ վեցերորդ գումարման Ազգային ժողովի պատգամավոր` մեծամասնական ընտրակարգով, թիվ 4 ընտրատարածքից` ՀՅԴ կողմից:

2015թ. մայիսի 21-ի ԼՂՀ վեցերորդ գումարման Ազգային ժողովի առաջին նիստում ընտրվել է Ազգային ժողովի նախագահի տեղակալ:

Ազգային ժողովի «Դաշնակցություն» խմբակցության անդամ է:

1991թ.-ից՝  ՀՅԴ կուսակցության անդամ:

Պատմական գիտությունների դոկտոր է, պրոֆեսոր:

116 գիտական աշխատանքների հեղինակ է:

Ամուսնացած է, ունի երկու զավակ:

«Արցախի պատմությունը հնադարից մինչև մեր օրերը» գրքի համար 2003թ. արժանացել է Եղիշեի անվան պետական մրցանակի:

«Արցախ. Պատմության քառուղիներում» գիտահանրամատչելի փաստավավերագրական եռալեզու (հայերեն, ռուսերեն, անգլերեն) ֆիլմի համար նորից արժանացել է Եղիշեի անվան պետական մրցանակի:

ԼՂՀ ատլասի պատրաստման և հրատարակման գործում ունեցած ավանդի համար արժանացել է «Երախտագիտություն» մեդալի (ԼՂՀ նախագահի 78-Ա հրամանագիր, 01.10.2009թ.):

Պարգևատրվել է «Մեսրոպ Մաշտոց»  շքանշանով (ԱՀ նախագահի թիվ 13-Ա հրամանագիր 16.02.2018թ.):