ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ՝

Բ.ՍԱՀԱԿՅԱՆ

2016թ. հուլիսի 7

Ստեփանակերտ

ՀՕ-22-Ն

ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ 2010-2012 ԹՎԱԿԱՆՆԵՐԻ ԾՐԱԳՐԻ ԿԱՏԱՐՄԱՆ

2015 ԹՎԱԿԱՆԻ ՏԱՐԵԿԱՆ ՀԱՇՎԵՏՎՈՒԹՅՈՒՆԸ

1. ԸՆԴՀԱՆՈՒՐ ԴՐՈՒՅԹՆԵՐ

Պետական գույքի մասնավորեցման ծրագրի կատարման մասին սույն հաշվետվությունը (այսուհետ` Հաշվետվություն) ներկայացվում է «Պետական գույքի մասնավորեցման (սեփականաշնորհման) մասին» Լեռնային Ղարաբաղի Հանրապետության օրենքի (այսուհետ` Օրենք) 9-րդ հոդվածի համաձայն:

Հաշվետվությունն ընդգրկում է 2015 թվականի օրացուցային տարին (այսուհետ` հաշվետու ժամանակաշրջան):

Հաշվետու ժամանակաշրջանում գործողության մեջ է եղել «Պետական գույքի մասնավորեցման 2010-2012 թվականների ծրագրի մասին» Լեռնային Ղարաբաղի Հանրապետության օրենքը (այսուհետ` Ծրագիր):

Օրենքի 4-րդ հոդվածի համաձայն՝ «Եթե Ծրագրի գործողության ժամկետը լրանալուց հետո նոր Ծրագիր չի ընդունվում, ապա շարունակում է գործել նախորդ Ծրագիրը»:

Ծրագրի 5-րդ հոդվածի 2-րդ մասի համաձայն՝ «Մասնավորեցման նախորդ ծրագրերի ցանկերում չընդգրկված, ինչպես նաև ընդգրկված, սակայն չմասնավորեցված՝ «փոքր», անավարտ շինարարության և կիսավեր օբյեկտները համարվում են սույն ծրագրի մաս և ենթակա են մասնավորեցման Օրենքով սահմանված ձևերով»:

Հաշվետու ժամանակաշրջանում մասնավորեցման նոր ծրագիր չի ընդունվել, Ծրագրում լրացումներ և փոփոխություններ չեն կատարվել:

Պետական գույքի սեփականաշնորհման ընթացքում օգտագործվել և կիրառվել են մասնավորեցման այն ձևերը, որոնք թույլ են տվել հնարավորինս արդյունավետ ու փոխշահավետ կազմակերպել սեփականության իրավունքի փոխանցումը մասնավորեցման սուբյեկտներին՝ հիմք ընդունելով Լեռնային Ղարաբաղի Հանրապետության կառավարության 2007 թվականի նոյեմբերի 26-ի N 511 որոշմամբ հաստատված «Պետական գույքի կառավարման հայեցակարգի» հիմնարար դրույթները՝ դրանով իսկ ապահովելով պետական գույքի կառավարման ոլորտում գործող սկզբունքներն ու գերակայությունները:

«Լեռնային Ղարաբաղի Հանրապետության 2015 թվականի պետական բյուջեի մասին» Լեռնային Ղարաբաղի Հանրապետության օրենքով ոչ ֆինանսական ակտիվների օտարումից (մասնավորեցումից) հաշվետու ժամանակաշրջանի համար մուտքերը սահմանվել են 35 000 000 ՀՀ դրամ: Օրենքի դրույթն ապահովելու նպատակով Լեռնային Ղարաբաղի Հանրապետության կառավարության աշխատակազմը (այսուհետ՝ Աշխատակազմ) իրեն վերապահված գործառույթների շրջանակում ծավալած գործունեության ընթացքում արձանագրել է հետևյալ կատարողականը.

1) պետական անշարժ գույքի և հողամասի մասնավորեցման գործարքներից, ինչպես նաև նախորդող ժամանակահատվածներում կնքած մասնավորեցման պայմանագրերով սահմանված և վճարման ժամանակացույցներով ստացած վճարումներից Լեռնային Ղարաբաղի Հանրապետության պետական բյուջե մուտքագրվել է 12 918 465 ՀՀ դրամ.

2) միևնույն ժամանակ, պետական անշարժ և շարժական գույքի և հողամասի օտարման գործարքներից, ինչպես նաև նախորդող ժամանակահատվածներում կնքված առուվաճառքի պայմանագրերով սահմանված և վճարման ժամանակացույցներով ստացած վճարումներից Լեռնային Ղարաբաղի Հանրապետության պետականբյուջե մուտքագրվել է նաև 52 335 850 ՀՀ դրամ։

Նշված գումարների մեջ ներառված են պայմանագրային պարտավորությունները ոչ պատշաճ կատարած սուբյեկտների մասով հաշվարկված և վերջիններիս կողմից վճարված 255 365 ՀՀ դրամ տուգանքները։

Այսպիսով, հաշվետու ժամանակաշրջանում ոչ ֆինանսական ակտիվների օտարումից` մասնավորեցման և օտարման գործարքներից Լեռնային Ղարաբաղի Հանրապետության պետական բյուջե ընդհանուր առմամբ մուտքագրվել է 65 254 315 ՀՀ դրամ, կամ սահմանված պլանի 186,4 տոկոսը:

Փակ բաժնետիրական ընկերությունների սեփականությունը հանդիսացող գույքի օտարման գործարքներից առաջացած 4 119 955 ՀՀ դրամ գումարը, համաձայն գործող օրենսդրության պահանջների, ամբողջությամբ փոխանցվել է սեփականատերերին:

2. ԾՐԱԳՐԻ ԻՐԱԳՈՐԾՈՒՄԸ

2.1. ՑԱՆԿՈՒՄ ԸՆԴԳՐԿՎԱԾ ԸՆԿԵՐՈՒԹՅՈՒՆՆԵՐԻ ՄԱՍՆԱՎՈՐԵՑՄԱՆ ԳՈՐԾԸՆԹԱՑԸ

Հաշվետու ժամանակաշրջանում Ծրագրում մնացած 15 ընկերություններից մեկը` Մարտակերտի «Գիտակ» փակ բաժնետիրական ընկերությունը, գտնվում էր դատական կարգով լուծարման ընթացքում:

Մասնավորեցման ներկայացված մնացած 14 ընկերությունների մասով հայտեր չեն ներկայացվել: Նշվածներից երեքը պատկանում են էներգետիկայի, յոթը՝ կոմունալ տնտեսության, մեկը՝ ճանապարհաշինության, մեկը՝ շինանյութերի արտադրության, մեկը՝ նյութատեխնիկական մատակարարման և մեկը՝ այլ ոլորտի:

2.2. «ՓՈՔՐ» ԵՎ ԿԻՍԱՎԵՐ ՕԲՅԵԿՏՆԵՐԻ ՄԱՍՆԱՎՈՐԵՑՈՒՄԸ

Հաշվետու ժամանակաշրջանում մասնավորեցվել են երեք «փոքր» և կիսավեր օբյեկտներ, որոնց ընդհանուր գնահատված արժեքը կազմել է 14 670 000 ՀՀ դրամ, իսկ վաճառքի գինը՝ 3 106 500 ՀՀ դրամ կամ գնահատված արժեքի 21,2 տոկոսը, որն ամբողջությամբ մուտքագրվել է պետական բյուջե նույն ժամանակահատվածում:

Նշված օբյեկտներից՝

1) ուղղակի վաճառքի ձևով մասնավորեցվել են երկուսը, որոնց գնահատված արժեքը կազմել է 14 540 000 ՀՀ դրամ, իսկ վաճառքի գինը՝ 3 000 000 ՀՀ դրամ կամ գնահատված արժեքի 20,6 տոկոսը.

2) աճուրդային վաճառքի ձևով մասնավորեցվել է մեկը, որի գնահատված արժեքը կազմել է 130 000 ՀՀ դրամ, իսկ վաճառքի գինը՝ 106 550 ՀՀ դրամ:

Վերոհիշյալ երեք մասնավորեցման սուբյեկտներից երկուսը կնքված պայմանագրերով ընդհանուր առմամբ ստանձնել են տարաժամկետ կատարման հետևյալ պարտավորությունները`

1) 30 000 000 ՀՀ դրամի չափով ներդրում, կամ մասնավորեցվող գույքի գնահատված արժեքի 204,5 տոկոսը, այդ թվում` 2 000 000 ՀՀ դրամ ներդրում` հաշվետու ժամանակաշրջանում.

2) 6 աշխատատեղերի ստեղծում:

«Փոքր» և կիսավեր օբյեկտների մասին տեղեկությունները՝ ըստ օբյեկտների և մասնավորեցման ձևերի ներկայացված են N 1 աղյուսակում:

2.3. «ՓՈՔՐ» ԵՎ ԿԻՍԱՎԵՐ ՕԲՅԵԿՏՆԵՐԻ ԱՃՈՒՐԴՈՎ ՄԱՍՆԱՎՈՐԵՑՈՒՄԸ

Հաշվետու ժամանակաշրջանում աճուրդով մասնավորեցման են ներկայացվել չորս «փոքր» և կիսավեր օբյեկտներ, որոնց ընդհանուր մեկնարկային գինը կազմել է 3 012 260 ՀՀ դրամ: Նշված օբյեկտներից մասնավորեցվել է մեկը (Լեռնային Ղարաբաղի Հանրապետության Մարտակերտի շրջանի Չլդրան համայնքում գտնվող փայտյա շինությամբ անասնաբուժական կայան)՝ 106 550 ՀՀ դրամ վաճառքի գնով, իսկ մնացած երեքի մասով աճուրդը համարվել է չկայացած՝ հայտերի բացակայության պատճառով:

2.4. ԸՆԿԵՐՈՒԹՅՈՒՆՆԵՐԻ ԼՈՒԾԱՐՄԱՆ ԳՈՐԾԸՆԹԱՑԸ

Օրենքով սահմանված կարգով ընկերությունները չմասնավորեցվելու դեպքում Լեռնային Ղարաբաղի Հանրապետության կառավարությունը որոշում է կայացնում այդ ընկերությունների լուծարման մասին:

Լուծարված ընկերությունների գույքը կարող է մասնավորեցվել Օրենքով սահմանված կարգով՝ որպես գույքիառանձին տարրեր, այդ գույքի կամ դրա մի մասի հիման վրա նոր ընկերություն ստեղծելու միջոցով, ինչպես նաև տրամադրվել կարճաժամկետ կամ երկարաժամկետ վարձակալության:

Հաշվետու ժամանակաշրջանում Ծրագրում մնացած 15 ընկերություններից մեկը՝ Մարտակերտի «Գիտակ» փակ բաժնետիրական ընկերությունը, ինչպես նաև նախորդ Ծրագրում ընդգրկված երեքը` Ասկերանի, Մարտունու և Հադրութի բեռնաուղևորատար ավտոտրանսպորտային ընկերությունները, գտնվում էին դատական կարգով լուծարման ընթացքում:

2.5. ՊԱՅՄԱՆԱԳՐԱՅԻՆ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՈՂԱԿԱՆԸ

Պետական գույքի մասնավորեցման գործընթացի արդյունավետությունը պայմանավորված է նաևմասնավորեցման (օտարման) սուբյեկտների ստանձնած պարտավորությունների պատշաճ կատարմամբ, ինչը հետևողականորեն և անընդհատ վերահսկվում է Աշխատակազմի կողմից:

Հաշվետու ժամանակաշրջանում շարունակվել է Աշխատակազմի վերահսկողության ներքո գտնվել 26մասնավորեցման (օտարման) գործերի ընթացքը, որոնցով ստանձնած ընդհանուր պարտավորությունը ներդրումների մասով կազմել է 3 333 000 000 ՀՀ դրամ, իսկ սոցիալական երաշխիքների ապահովման մասով՝ 287 աշխատատեղ:

Միևնույն ժամանակ Աշխատակազմի կողմից սահմանված ընթացակարգով, ինչպես նաև պայմանագրային պարտավորությունների ոչ լրիվ կատարման հիմքով՝ դատական կարգով պայմանագրային պարտավորություններից ազատվել և վերահսկողությունից հանվել են հաշվետու ժամանակաշրջանին նախորդող ժամանակահատվածներում պարտավորություններ ստանձնած և ամբողջությամբ կամ մասնակի կատարած ութմասնավորեցման (օտարման) սուբյեկտներ, որոնց հայտարարված ընդհանուր ներդրումները կազմել են 1 046 500 000 ՀՀ դրամ, իսկ սոցիալական երաշխիքների ապահովման մասով՝ 166 աշխատատեղ: Նշված սուբյեկտների կատարողականը արձանագրվել է հետևյալ կերպ.

1) ներդրումներ՝ 1 016 900 000 ՀՀ դրամ, կամ հայտարարվածի 97,2 տոկոսը.

2) սոցիալական երաշխիքներ՝ 103 աշխատատեղ, կամ հայտարարվածի 62,0 տոկոսը:

Ընդհանուր հայտարարված պայմանագրային պարտավորությունների թերակատարումը հիմնականում պայմանավորված է մասնավորեցման սուբյեկտ «Հիսունհինգ» սահմանափակ պատասխանատվությամբ ընկերության՝ պետության հանդեպ ստանձնած պարտավորությունների ոչ պատշաճ կատարմամբ: Աշխատակազմը օրենքով սահմանված կարգով ձեռնարկել է բոլոր անհրաժեշտ միջոցները իրավահաջորդ նոր սեփականատերից գույքի վաճառքի գինը և պայմանագրային պարտավորությունների չկատարման համար հաշվարկված տուգանքները ամբողջ ծավալով գանձելու ուղղությամբ, ինչի արդյունքում Լեռնային Ղարաբաղի Հանրապետության կառավարության կողմից կնքված գործարքներում հօգուտ պետության հաշվանցվել է ընդհանուր առմամբ 97 071 250 ՀՀ դրամ գումար:

Աշխատակազմի կողմից հաշվետու ժամանակաշրջանում ստուգվել է պայմանագրային պարտավորություններ ունեցող թվով 15 մասնավորեցման (օտարման) սուբյեկտների պարտավորությունների կատարման ընթացքը: Նշված սուբյեկտների հայտարարված ընդհանուր պայմանագրային պարտավորությունները կազմել են՝

1) ներդրումներ՝ 476 850 000 ՀՀ դրամ.

2) սոցիալական երաշխիքներ՝ հինգ աշխատատեղ:

Փաստացի կատարողականը հետևյալն է՝

1) ներդրումներ՝ 763 251 040 ՀՀ դրամ կամ հայտարարվածի 160,1 տոկոսը.

2) սոցիալական երաշխիքներ՝ 2 աշխատատեղ կամ հայտարարվածի 40,0 տոկոսը:

Հաշվետու ժամանակաշրջանում պայմանագրային պարտավորություններ ունեցող մասնավորեցման(օտարման) սուբյեկտների կատարած աշխատանքների մասին տեղեկությունները՝ ըստ օբյեկտների ևմասնավորեցման ձևերի, ներկայացված են N 2 աղյուսակում:

Պայմանագրային պարտավորությունների լրիվ կատարման ժամկետը հաշվետու ժամանակաշրջանում լրացած երեք մասնավորեցման սուբյեկտների ստանձնած ընդհանուր ներդրումների չափը կազմել է 370 500 000 ՀՀ դրամ, իսկ սոցիալական երաշխիքների ապահովման մասով` 38 նոր աշխատատեղ: Աշխատակազմի կողմից արձանագրվել է հետևյալ կատարողականը`

1) ներդրումներ՝ 397 346 819 ՀՀ դրամ, կամ հայտարարվածի 107,2 տոկոսը.

2) սոցիալական երաշխիքներ՝ 50 աշխատատեղ, կամ հայտարարվածի 131,6 տոկոսը:

Մասնավորեցման (օտարման) պայմանագրերով հաշվետու ժամանակաշրջանում պարտավորությունները վաղաժամկետ լրիվ կամ մասնակի կատարած երեք սուբյեկտների հայտարարված ընդհանուր ներդրումների չափը կազմել է 445 000 000 ՀՀ դրամ, իսկ սոցիալական երաշխիքների ապահովման մասով՝ երեք աշխատատեղ: Աշխատակազմի կողմից արձանագրվել է հետևյալ փաստացի կատարողականը՝

1) ներդրումներ՝ 627 114 887 ՀՀ դրամ կամ հայտարարվածի 140,9 տոկոսը.

2) երեք աշխատատեղերի ստեղծման սոցիալական երաշխիքների ապահովումը նախատեսված է իրականացնել 2019 թվականին (ֆիզիկական անձ Վագիֆ Հարությունյան):

Նշված սուբյեկտների հայտարարված ընդհանուր պայմանագրային պարտավորությունները կազմել են՝

1) ներդրումներ՝ 815 500 000 ՀՀ դրամ.

2) սոցիալական երաշխիքներ՝ 41 աշխատատեղ:

Փաստացի կատարողականը հետևյալն է՝

1) ներդրումներ՝ 1 024 461 700 ՀՀ դրամ կամ հայտարարվածի 125,6 տոկոսը.

2) սոցիալական երաշխիքներ՝ 50 աշխատատեղ կամ հայտարարվածի 122,0 տոկոսը:

Պայմանագրային պարտավորությունների լրիվ կատարման ժամկետը հաշվետու ժամանակաշրջանում լրացած և պարտավորությունները վաղաժամկետ կատարած (մասնակի կատարած) մասնավորեցման (օտարման) սուբյեկտների կատարողականի մասին տեղեկությունները ներկայացված են N 3 աղյուսակում:

Մասնավորեցման (օտարման) պայմանագրերով հաշվետու ժամանակաշրջանի համար սահմանված պարտավորությունները չեն կատարել` 

Հաշվետու տարվա վերջի դրությամբ Աշխատակազմի վերահսկողության ներքո մնացել է 20 մասնավորեցման(օտարման) սուբյեկտների գործերի ընթացքը, որոնց ստանձնած ընդհանուր պարտավորությունները կազմել են՝

1) ներդրումներ՝ 2 332 700 000 ՀՀ դրամ.

2) սոցիալական երաշխիքներ՝ 114 աշխատատեղ:

2.6. ԴԱՏԱԿԱՆ ԿԱՐԳՈՎ ՄԱՍՆԱՎՈՐԵՑՄԱՆ (ՕՏԱՐՄԱՆ) ՊԱՅՄԱՆԱԳՐԵՐԻ ԼՈՒԾՈՒՄԸ

Պայմանագրային պարտավորությունները չկատարած (ոչ պատշաճ կատարած) մեկ սուբյեկտի` «Մալու» սահմանափակ պատասխանատվությամբ ընկերության նկատմամբ Աշխատակազմի կողմից երկու հայցադիմում է ներկայացվել Լեռնային Ղարաբաղի Հանրապետության ընդհանուր իրավասության առաջին ատյանի դատարան, որոնց վերաբերյալ կայացված վճիռների համաձայն՝ նշված սուբյեկտից համապատասխանաբար՝ հարկադիր կատարմամբ հօգուտ պետական բյուջեի կգանձվի 114 475 ՀՀ դրամ գումար և սուբյեկտի հետ կնքված պայմանագիրը լուծվել ու 16 160 000 ՀՀ դրամ գնահատված արժեք ունեցող օբյեկտը վերադարձվել է Լեռնային Ղարաբաղի Հանրապետությանը:

ՏԵՂԵԿՈՒԹՅՈՒՆՆԵՐ

ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ՄԱՍՆԱՎՈՐԵՑՎԱԾ «ՓՈՔՐ» ԵՎ ԿԻՍԱՎԵՐ ՕԲՅԵԿՏՆԵՐԻ ՄԱՍԻՆ՝ ԸՍՏ ՄԱՍՆԱՎՈՐԵՑՄԱՆ ՁԵՎԵՐԻ

ՏԵՂԵԿՈՒԹՅՈՒՆՆԵՐ

ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ՊԱՅՄԱՆԱԳՐԱՅԻՆ ՊԱՐՏԱՎՈՐՈՒԹՅՈՒՆՆԵՐ ՈՒՆԵՑՈՂՄԱՍՆԱՎՈՐԵՑՄԱՆ (ՕՏԱՐՄԱՆ)  ՍՈՒԲՅԵԿՏՆԵՐԻ ԿԱՏԱՐԱԾ ԱՇԽԱՏԱՆՔՆԵՐԻ ՄԱՍԻՆ՝

ԸՍՏ ՕԲՅԵԿՏՆԵՐԻ ԵՎ ՄԱՍՆԱՎՈՐԵՑՄԱՆ ՁԵՎԵՐԻ

ՏԵՂԵԿՈՒԹՅՈՒՆՆԵՐ

ՊԱՅՄԱՆԱԳՐԱՅԻՆ ՊԱՐՏԱՎՈՐՈՒԹՅՈՒՆՆԵՐԻ ԼՐԻՎ ԿԱՏԱՐՄԱՆ ԺԱՄԿԵՏԸ ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ԼՐԱՑԱԾ ԵՎ ՊԱՐՏԱՎՈՐՈՒԹՅՈՒՆՆԵՐԸ ՎԱՂԱԺԱՄԿԵՏ ԿԱՏԱՐԱԾ (ՄԱՍՆԱԿԻ ԿԱՏԱՐԱԾ) ՄԱՍՆԱՎՈՐԵՑՄԱՆ (ՕՏԱՐՄԱՆ) ՍՈՒԲՅԵԿՏՆԵՐԻ ԿԱՏԱՐՈՂԱԿԱՆԻ ՄԱՍԻՆ