11 հոկտեմբերի 2016
Արցախի Հանրապետության Ազգային ժողովի նախագահ Աշոտ Ղուլյանը հոկտեմբերի 11-ին շնորհավորական նամակ է ուղարկել Վյաչեսլավ Վոլոդինին՝ Ռուսաստանի Դաշնության Դաշնային ժողովի Պետական դումայի նախագահի պաշտոնում ընտրվելու առթիվ:
«Վստահ եմ, որ Ձեր մասնագիտական բարձր պատրաստվածությունն ու փորձառությունը կնսպաստեն Ռուսաստանի Դաշնության քաղաքական համակարգում Պետական դումայի դերակատարության ամրապնդմանը:
Լեռնային Ղարաբաղի Հանրապետությունում բարձր են գնահատում Ռուսաստանի հետ բարեկամության ավանդույթները, որոնք պատմական, մշակութային եւ հոգեւոր խոր արմատներ ունեն: Մենք գնահատում ենք նաեւ Ռուսաստանի Դաշնության՝ որպես ԵԱՀԿ ՄԽ համանախագահ երկրի, հետեւողական ջանքերը Հարավային Կովկասում կայունության հաստատման ու պահպանման գործում: Համոզված ենք, որ փոխշահավետ համագործակցության զարգացումը, այդ թվում եւ խորհրդարանական դիվանագիտության միջոցով, թույլ կտա տարածաշրջանը դարձնել առավել անվտանգ եւ բարեկեցիկ», - ընդգծված է խորհրդարանի նախագահի շնորհավորական նամակում:
