Ընդունված է 1997թ. ապրիլի 29-ին

Հոդված 1. Սահմանել Լեռնային Ղարաբաղի Հանրապետության 1997թ. պետական բյուջեն եկամուտների գծով՝ 2200000.0 հազ. դրամ, ծախսերի գծով՝ 9232686.0 հազ. դրամ, բյուջեի դեֆիցիտը՝ 7032686.0 հազ. դրամ:

Հոդված 2. Հաստատել Լեռնային Ղարաբաղի Հանրապետության 1997թ. հանրապետական բյուջեիեկամուտները՝ 1082258.0 հազ. դրամ, ծախսերը՝ 8114944.0 հազ. դրամ, դեֆիցիտի առավելագույն չափը՝ 7032686.0 հազ. դրամ, որից 6064146.0 հազ. դրամ կլրացվի Հայաստանի Հանրապետությունից ստացվող միջպետական վարկի հաշվին:

Հոդված 3. Հաստատել Լեռնային Ղարաբաղի Հանրապետության 1997թ. հանրապետական բյուջեիեկամուտները՝ ըստ առանձին հարկերի, տուրքերի և ոչ հարկային եկամուտների՝ հետևյալ չափերով.

Հոդված 4. Սահմանել, որ Լեռնային Ղարաբաղի Հանրապետության օրենսդրությամբ սահմանված հարկերը, տուրքերը և ոչ հարկային եկամուտները 1997 թվականին ամբողջությամբ վճարվում են հանրապետական բյուջե, բացառությամբ սույն օրենքի 5 հոդվածով տեղական բյուջեներին ամրագրված հարկերի, տուրքերի և վճարների, ինչպես նաև տեղական մարմինների կողմից օրենսդրությամբ նախատեսված կարգով սահմանվող և գանձվող տուրքերի և վճարների:

«Արաքս-94» սահմանափակ պատասխանատվությամբ ընկերության Արցախի տարածաշրջանային մաքսային ծառայության միջոցով մուտք եղած մաքսային տուրքը և ակցիզային հարկը լրիվությամբ փոխանցվում է Լեռնային Ղարաբաղի Հանրապետության պաշտպանության նախարարությանը:

Հոդված 5. Հաստատել 1997թ. բյուջետային տարում տեղական բյուջեներին, որպես սեփական եկամուտներ 100%-ով ամրագրվող հարկերը, տուրքերն ու վճարները՝ հետևյալ ցանկով, բացի Ստեփանակերտի քաղաքային բյուջեից, որտեղ ավելացված արժեքի հարկը, պետականձեռնարկություններից գանձվող շահութահարկը, ճանապարհային հարկը, բնական ռեսուրսների օգտագործման դիմաց վճարը և անտառային եկամուտը չեն ամրագրվում.

1. ավելացված արժեքի հարկ

2. ակցիզային հարկ

3. շահութահարկ

4. պետական հարկեր բնակչությունից

5. ճանապարհային հարկ

6. պետական տուրք

7. մաքսային տուրք

8. գույքահարկ

9. հողի հարկ

10. բնական ռեսուրսների օգտագործման դիմաց վճար և անտառային եկամուտ

11. գանձույթներ և այլ ոչ հարկային եկամուտներ

12. մուտքեր ձեռնարկությունների և բնակֆոնդի սեփականաշնորհումից:

Հոդված 6. Հաստատել Լեռնային Ղարաբաղի Հանրապետության 1997թ. հանրապետական բյուջեիծախսերը ըստ կառավարման մարմինների գործառնական (ֆունկցիոնալ) դասակարգման՝ հետևյալ չափերով.

Հոդված 7. Հաստատել հանրապետական բյուջեից տեղական բյուջեներին վճարումների կարգով սուբսիդիաների ընդհանուր գումարը՝ 531325,0 հազ. դրամ: Այն ըստ շրջանների բաշխել հետևյալ չափերով.

Հոդված 8. Սահմանել, որ սույն օրենքի 6-րդ հոդվածով նախատեսված սուբսիդիաների հատկացումները տեղական բյուջեներին կատարվում են էկոնոմիկայի և ֆինանսների նախարարության կողմից ընթացիկ ժամանակաշրջանի համար սահմանված չափաքանակների սահմաններում տեղական ֆինանսական բաժինների միջոցով, ընդ որում՝ կանխավճարային հատկացումները առանձին եռամսյակներում կատարվում են պլանային նախատեսումների 50 տոկոսից ոչ ավելի:

Հոդված 9. Սահմանել, որ տեղական բյուջեներին հանրապետական բյուջեից տրվող սուբսիդիաների ծավալներն ըստ առանձին տեղական բյուջեների Լեռնային Ղարաբաղի Հանրապետության էկոնոմիկայի և ֆինանսների նախարարությունը նախատեսում և կատարում է համապատասխան շրջանի վարչակազմի ղեկավարի ներկայացմամբ՝ հաշվի առնելով ամրացված եկամուտների փաստացի կատարումը:

Հոդված 10. Սահմանել, որ տեղական բյուջեները նախատեսվում և հաստատվում են միայն սեփական եկամուտների և հանրապետական բյուջեից հատկացվող միջոցների սահմաններում և այդ բյուջեների ծախսերի ֆինանսավորման համար չեն կարող ներգրավվել փոխառու միջոցներ: Ընդ որում՝ այդ բյուջեների վրա տարածվում են բյուջեների կազմման, եկամուտների ու ծախսերի դասակարգման, հաշվառման ու հաշվետվության, բյուջեների դրամարկղային կատարման և բյուջետային տարվա ընդհանրության և միասնականության սկզբունքները:

Հոդված 11. Հաստատել սույն օրենքի 6-րդ հոդվածով հանրապետական բյուջեից ըստ գործառնական նշանակության պետական կառավարման մարմինների գծով նախատեսված ընդհանուր բյուջետային հատկացումների հաշվին ըստ տնտեսագիտական դասակարգման ծախսերի և միջոցառումների ֆինանսավորման հետևյալ չափերը.

Հոդված 12. Սահմանել, որ 1997թ. հանրապետական բյուջեից ֆինանսավորումը կատարվում է ստացված փաստացի եկամուտների սահմաններում, պահպանելով սույն օրենքի 6-րդ և 11-րդ հոդվածներում նախատեսված համամասնությունները:

Հոդված 13. Սահմանել, որ սույն օրենքի 3-րդ հոդվածում նախատեսված հանրապետական բյուջեի1997թ. եկամուտների գումարներից ավելի ստացված լրացուցիչ եկամուտները, բացառությամբ նպատակային գումարների, ուղղվում են 6-րդ հոդվածում նախատեսված ծախսերի ֆինանսավորմանը՝ այդ հոդվածի համամասնություններով:

Հոդված 14. Լեռնային Ղարաբաղի Հանրապետության կառավարությունը՝

ա) սահմանում է սույն օրենքի 6-րդ և 11-րդ հոդվածներում նախատեսվող բյուջետային հատկացումների կազմին ու կառուցվածքին համապատասխան Լեռնային Ղարաբաղի Հանրապետության նախարարությունների ու գերատեսչությունների 1997թ. ծախսերի նախահաշիվը,

բ) հանրապետական բյուջեով նախատեսված ծախսերի ֆինանսավորումն իրականացնում է փաստացի ստացված եկամուտների սահմաններում: Ընդ որում, 1997թ. բյուջեի կատարման ընթացքում պաշտպանվածության են ենթակա և հանրապետական բյուջեից ամբողջ ծավալով են ֆինանսավորվում հետևյալ ծախսերը.

- աշխատավարձ (դրամական բավարարում), հաշվի առած կենսաթոշակային և զբաղվածության հիմնադրամին կատարվող մասհանումները,

- բնակչությանը պետական նպաստներ, սոցիալական և փոխհատուցման վճարներ,

- սնունդ ( պարենային բավարարում),

- դեղորայքի և վիրակապային նյութերի ձեռքբերում,

- թոշակներ և կրթաթոշակներ,

գ) սահմանում և հաստատում է սույն օրենքի 5-րդ հոդվածով նախատեսված տուրքերի վճարների հաշվարկման և տեղական բյուջեներ հաշվանցման և 7-րդ հոդվածով այդ բյուջեներին հանրապետականբյուջեից նախատեսված սուբսիդիաների հատկացման ընթացակարգերը,

դ) Լեռնային Ղարաբաղի Հանրապետության հարկերի և տուրքերի, հարկաբյուջետային բնագավառի վերաբերյալ, ինչպես նաև կախված բյուջեի եկամտային և ծախսային մասի կատարման անհրաժեշտությունից, համապատասխան փոփոխություններ է մտցնում Լեռնային Ղարաբաղի Հանրապետության 1997թ. պետականբյուջեում:

Հոդված 15. Հաստատել Լեռնային Ղարաբաղի Հանրապետության 1995 թվականի պետական բյուջեիկատարումը եկամտային մասով՝ 4181430.0 հազ. դրամ, ընդ որում՝ սեփական եկամուտները՝ 1744430.0 հազ. դրամ, ծախսային մասով՝ 4222001.0 հազ. դրամ, հաստատել Լեռնային Ղարաբաղի Հանրապետության 1996 թվականի պետական բյուջեի կատարումը եկամտային մասով՝ 6313304.0 հազ. դրամ, ծախսային մասով՝ 6179059.0 հազ. դրամ:

Հոդված 16. Սույն օրենքը կիրարկման մեջ է դրվում 1997 թվականի հունվարի 1-ից: