ԼՂՀ Ազգային ժողովի նախագահ Աշոտ Ղուլյանը նոյեմբերի 24-ին հրավիրել է աշխատանքային խորհրդակցություն՝ խորհրդարանի մշտական հանձնաժողովների նախագահների, տեղակալների  և աշխատակազմի պատասխանատուների մասնակցությամբ:

Խորհրդակցության ընթացքում քննարկվել են Ազգային ժողովի 10-րդ նստաշրջանի հերթական լիագումար նիստի օրակարգի հետ կապված հարցերը: Մշտական հանձնաժողովների նախագահները շրջանառության մեջ գտնվող օրենքների նախագծերի վերաբերյալ  հանդես եկան  համապատասխան հաղորդումներով:

Ամփոփելով արդյունքները՝ Ազգային ժողովի նախագահ Աշոտ Ղուլյանը հայտարարել է, որ հերթական լիագումար նիստը տեղի կունենա նոյեմբերի 26-ին, ժամը՝ 11:00-ին: