ԼՂՀ ԱԺ նախագահ Աշոտ Ղուլյանի 2014թ. սեպտեմբերի 5-ի կարգադրության հիման վրա ԱԺ-ին կից ստեղծվում է Երիտասարդական խորհրդարան, որը խորհրդակցական-հասարակական մարմին է:

       Երիտասարդական խորհրդարանում ընդգրկվելու համար կարող են դիմել ԼՂՀ 18-30 տարեկան քաղաքացիները, ովքեր՝

•        ԼՂՀ Ազգային ժողովում ներկայացված կուսակցությունների,
•        ԼՂՀ ԱԺ-ում չներկայացված կուսակցությունների,
•        ԼՂՀ-ում գործող երիտասարդական հասարակական կազմակերպությունների,
•        պետական բարձրագույն ուսումնական հաստատությունների ներկայացուցիչներ են,
•        անհատ քաղաքացիներ՝ ինքնաառաջադրման կարգով:

       Յուրաքանչյուր անձ իր թեկնածությունն Երիտասարդական խորհրդարանում առաջադրելու համար ներկայացնում է հետևյալ փաստաթղթերը.

•        դիմում/բեռնել /,
•        2 լուսանկար/3x4/,
•        անձնագրի և կրթությունը հավաստող փաստաթղթի պատճենները,
•        տեղեկանք՝ տվյալ ուսումնական հաստատությունում ուսումնառելու վերաբերյալ, կամ տեղեկանք          աշխատավայրից՝ աշխատողների համար,
•        հիմնավորում՝ ինչու՞ է ուզում ընդգրկվել Երիտասարդական խորհրդարանի կազմում:

       Ազգային ժողովում ներկայացված կուսակցությունների, չներկայացված կուսակցությունների, երիտասարդական հասարակական կազմակերպությունների, բարձրագույն ուսումնական հաստատությունների ներկայացուցիչները վերոնշյալ փաստաթղթերը ներկայացնում են համապատասխան կազմակերպությունների կողմից իրենց թեկնածությունները ներկայացնելուց հետո:

       Դիմումներն ընդունվում են ս.թ. սեպտեմբերի 10-30-ը ներառյալ, youth@nankr.am էլ-փոստով կամ Ստեփանակերտ, Փետրվարի 20, 2 հասցեով/ԱԺ ընդունարան/՝ նշելով «Երիտասարդական խորհրդարանի համար»:

       Երիտասարդական խորհրդարանի աշխատանքների վերաբերյալ մանրամասն տեղեկությունների համար դիմել ԼՂՀ ԱԺ՝ 94-36-81 հեռախոսահամարով: