ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ 2010-2012 ԹՎԱԿԱՆՆԵՐԻ ԾՐԱԳՐԻ

ԿԱՏԱՐՄԱՆ 2011 ԹՎԱԿԱՆԻ ՏԱՐԵԿԱՆ ՀԱՇՎԵՏՎՈՒԹՅՈՒՆԸ

1.  ԸՆԴՀԱՆՈՒՐ ԴՐՈՒՅԹՆԵՐ

Պետական գույքի մասնավորեցման ծրագրի կատարման մասին սույն հաշվետվությունը (այսուհետ` Հաշվետվություն) ներկայացվում է համաձայն «Պետական գույքի մասնավորեցման (սեփականաշնորհման) մասին» Լեռնային Ղարաբաղի Հանրապետության 1998 թվականի ապրիլի 22-ի ՀՕ-16 օրենքի 9-րդ հոդվածի:

Հաշվետվությունն ընդգրկում է 2011 թվականի օրացուցային տարին (այսուհետ` հաշվետու ժամանակաշրջան):

Հաշվետու ժամանակաշրջանում գործողության մեջ է եղել «Պետական գույքի մասնավորեցման 2010-2012 թվականների ծրագրի մասին» Լեռնային Ղարաբաղի Հանրապետության 2010 թվականի մարտի 25-ի ՀՕ-17-Ն օրենքը:

«Պետական գույքի մասնավորեցման (սեփականաշնորհման) մասին» Լեռնային Ղարաբաղի Հանրապետության օրենքի (այսուհետ` օրենք) 4-րդ հոդվածի 2-րդ մասի համաձայն` նախորդ ծրագրերի ցանկերում ընդգրկված, սակայն չմասնավորեցված ընկերությունները (ձեռնարկությունները), անավարտ շինարարության և «փոքր» օբյեկտները նոր ծրագրի մասն են` վերջինիս ուժի մեջ մտնելու պահից: Հետևաբար, մինչև «Պետական գույքի մասնավորեցման 2010-2012 թվականների ծրագրի մասին» Լեռնային Ղարաբաղի Հանրապետության օրենքի (այսուհետ` Ծրագիր) ընդունումը նախորդ ծրագրերում ընդգրկված, սակայն չմասնավորեցված օբյեկտները համարվում են Ծրագրի մաս:

Հաշվետու ժամանակաշրջանում Ծրագրում լրացումներ և փոփոխություններ չեն կատարվել:

Հաշվետու ժամանակաշրջանում Լեռնային Ղարաբաղի Հանրապետության կառավարության իրականացրած միջոցառումները ուղղված են եղել Ծրագրով սահմանված նպատակների իրագործմանը: Մասնավորապես, շարունակվել է մասնավորեցման այն քաղաքականությունը, որը հնարավորություն է տալիս ընկերությունները ռազմավարական ներդրողներին մասնավորեցմամբ ապահովել առավելագույն ներդրումների իրականացում և խթանել արտադրողականության ու շահութաբերության բարձրացումը:

Պետական գույքի մասնավորեցման և օտարման գործընթացը կանոնակարգելու, գնահատված արժեքները շուկայական արժեքներին համադրելի դարձնելու և պայմանագրային պարտավորությունների չկատարման համար նախատեսված պատժամիջոցները հստակեցնելու նպատակով Լեռնային Ղարաբաղի Հանրապետության կառավարության կողմից 2011 թվականին ընդունվել են  հետևյալ որոշումները`

1) Լեռնային Ղարաբաղի Հանրապետության կառավարության 2011 թվականի  ապրիլի 26-ի «Լեռնային Ղարաբաղի  Հանրապետության  կառավարության  2008  թվականի  փետրվարի 26-ի N 76 որոշման մեջ փոփոխություն կատարելու մասին» N 233-Ն որոշումը.

2) Լեռնային Ղարաբաղի Հանրապետության կառավարության 2011 թվականի  սեպտեմբերի 26-ի «Մասնավորեցման սուբյեկտների համար պետական (համայնքային) գույքի մասնավորեցման պայմանագրային պարտավորությունների գծով արտոնություններ սահմանելու և Լեռնային Ղարաբաղի Հանրապետության կառավարության 2006 թվականի դեկտեմբերի 26-ի  N 625 որոշման մեջ փոփոխություններ կատարելու մասին» N 694-Ն որոշումը.

3) Լեռնային Ղարաբաղի Հանրապետության կառավարության 2011 թվականի  հոկտեմբերի 10-ի «Մասնավորեցվող պետական (համայնքային) և օտարվող պետական սեփականություն հանդիսացող գույքի շուկայական մեթոդով գնահատման մասին» N 786-Ն որոշումը:

Հաշվետու ժամանակաշրջանում պետական և համայնքային գույքի մասնավորեցումից Լեռնային Ղարաբաղի Հանրապետության պետական բյուջե է մուտքագրվել 54479.9 հազ. դրամ, որից պետական գույքի դիմաց` 36203.7 հազ. դրամ:

Համաձայն «Պետական գույքի մասնավորեցման (սեփականաշնորհման) մասին» Լեռնային Ղարաբաղի Հանրապետության օրենքի` 2011 թվականի ընթացքում մասնավորեցումից ստացված միջոցներից համայնքների բյուջեներ է փոխանցվել 18276.2 հազ. դրամ:

Հաշվետու ժամանակաշրջանում պետական գույքի օտարումից Լեռնային Ղարաբաղի Հանրապետության պետական բյուջե է մուտքագրվել 173465.6 հազ. դրամ:

Հաշվետու ժամանակաշրջանում պետական գույքի մասնավորեցման գործընթացի իրականացման խոչընդոտներ են հանդիսացել մասնավորեցման ներկայացվող ընկերությունների ցածր գրավչությունը ներդրողների համար, ընկերությունների կուտակած պարտքերը և գույքի տեխնիկական անբավարար վիճակը:         

2. ԾՐԱԳՐԻ ԻՐԱԳՈՐԾՈՒՄԸ

2.1. ԸՆԿԵՐՈՒԹՅՈՒՆՆԵՐԻ ԼՈՒԾԱՐՈՒՄԸ

Հաշվետու ժամանակաշրջանում Ծրագրում ընդգրկված 27  ընկերություններից 10-ը գտնվում էր լուծարման գործընթացում, որից երեք ընկերությունների` «Մետաքս»,  Մարտունու «Բեռնաուղևորատար ավտոտրանսպորտային» և «Արցախնավթամթերք» փակ բաժնետիրական ընկերություններում  լուծարման  գործընթացն ավարտվել է: Հաշվետու ժամանակաշրջանի դեկտեմբերի 30-ի դրությամբ լուծարման ընթացքում էին գտնվում յոթ ընկերություններ, որոնց լուծարումը նախատեսվում է ավարտել 2012 թվականին:

Լուծարման գործընթացին խոչընդոտում են լուծարվող ընկերությունների կուտակած խոշոր պարտքերը, ինչպես նաև գույքի օտարման հետ կապված դժվարությունները` պայմանավորված գույքի տեխնիկական անբավարար  վիճակով:

Հաշվետու ժամանակաշրջանում ընկերությունների լուծարման գործընթացի վերաբերյալ տեղեկությունները ներկայացված են N 1 աղյուսակում:

2.2.  ԸՆԿԵՐՈՒԹՅՈՒՆՆԵՐԻ ԵՎ ԸՆԿԵՐՈՒԹՅՈՒՆՆԵՐԻ ԳՈՒՅՔԻ

ԿԱԶՄԻՑ ԱՌԱՆՁՆԱՑՎԱԾ ԿԱՌՈՒՑՎԱԾՔԱՅԻՆ ՄԻԱՎՈՐՆԵՐԻ

ՄԱՍՆԱՎՈՐԵՑՈՒՄԸ

2.2.1. ԸՆԿԵՐՈՒԹՅՈՒՆՆԵՐԻ ԵՎ ԸՆԿԵՐՈՒԹՅՈՒՆՆԵՐԻ ԳՈՒՅՔԻ ԿԱԶՄԻՑ

 ԱՌԱՆՁՆԱՑՎԱԾ ԿԱՌՈՒՑՎԱԾՔԱՅԻՆ ՄԻԱՎՈՐՆԵՐԻ ՈՒՂՂԱԿԻ ՎԱՃԱՌՔԻ ՁԵՎՈՎ ՄԱՍՆԱՎՈՐԵՑՈՒՄԸ

Հաշվետու ժամանակաշրջանում Ծրագրում ընդգրկված 18 ընկերություններից ուղղակի վաճառքի ձևով մասնավորեցում չի իրականացվել:

Հաշվետու ժամանակաշրջանում Ծրագրում ընդգրկված ընկերությունների գույքի կազմից առանձնացվել և ուղղակի վաճառքի ձևով մասնավորեցվել են 5 կառուցվածքային միավորներ, որոնց գնահատված արժեքը կազմել է 31844.5 հազ. դրամ, իսկ վաճառքի գինը` 10663.2 հազ. դրամ կամ 33.5 տոկոս:

Առանձնացված կառուցվածքային միավորներն ուղղակի վաճառքի ձևով մասնավորեցվել են նախօրոք հայտնի գնորդներին` համաձայն ներկայացված հայտերի: Հաշվետու ժամանակաշրջանում նրանց կողմից մասնավորեցված գույքի դիմաց վճարվել է 11029.2 հազ. դրամ: Կառուցվածքային միավորների վաճառքի գնի և վճարված գումարների միջև եղած տարբերությունը պայմանավորված է վճարման ժամկետների խախտման համար կիրառված տույժերով:

Ուղղակի վաճառքի ձևով մասնավորեցված 3 կառուցվածքային միավորների գնորդները ստանձնել են կատարել 62000.0 հազ. դրամի չափով ներդրում և ստեղծել 31 նոր աշխատատեղ, այդ թվում` 2011 թվականին` 20000.0 հազ. դրամի չափով ներդրում:

 Նախարարության կողմից իրականացված ստուգումների արդյունքում արձանագրվել է, որ գնորդները մասնավորեցված օբյեկտներում հաշվետու ժամանակաշրջանում կատարել են  22839.9 հազար դրամի չափով ներդրում: Նշված ցուցանիշի գծով 2011 թվականի առաջադրանքը կատարվել է 114.2 տոկոսով:

Հաշվետու ժամանակաշրջանում ընկերությունների գույքի կազմից առանձնացված մասնավորեցված կառուցվածքային միավորների ուղղակի վաճառքի ձևով մասնավորեցման վերաբերյալ տեղեկությունները ներկայացված են N  2 աղյուսակում:

2.2.2. ԸՆԿԵՐՈՒԹՅՈՒՆՆԵՐԻ ՈՒՂՂԱԿԻ ԱՆՀԱՏՈՒՅՑ

ՏՐՄԱԴՐՄԱՆ ՁԵՎՈՎ ՄԱՍՆԱՎՈՐԵՑՈՒՄԸ

Հաշվետու ժամանակաշրջանում Ծրագրում ընդգրկված 18 ընկերություններից ուղղակի անհատույց տրամադրման ձևով մասնավորեցվել են միայն 7119 ծածկագրով  Մարտակերտի «Կաթի կոմբինատ» ձեռնարկության կիսավեր շենքերը, որոնց գնահատված արժեքը կազմել է 3860.7 հազար դրամ: Օբյեկտի գնորդ «ԼԻԱ» արտադրական կոոպերատիվը ստանձնել է  մինչև 2011 թվականի վերջը կատարել 12200.0 հազար դրամի չափով ներդրում և ստեղծել 8 աշխատատեղ: Գնորդի կողմից կատարված ներդրումները  կազմել են 12936.2 հազար  դրամ: Ստեղծված է 8 աշխատատեղ:

Նշված ցուցանիշների գծով 2011 թվականի առաջադրանքը կատարվել է համապատասխանաբար 106.0 և 100.0 տոկոսով:

Հաշվետու ժամանակաշրջանում ուղղակի անհատույց տրամադրման ձևով մասնավորեցված ընկերությունների վերաբերյալ տեղեկությունները ներկայացված են N 3 աղյուսակում:

   2.3. «ՓՈՔՐ», ԿԻՍԱՎԵՐ ԵՎ ԱՅԼ ՕԲՅԵԿՏՆԵՐԻ ՄԱՍՆԱՎՈՐԵՑՈՒՄԸ

Հաշվետու ժամանակաշրջանում ուղղակի վաճառքի ձևով մասնավորեցվել են 16 «փոքր», կիսավեր և այլ օբյեկտներ:

Ուղղակի վաճառքի ձևով մասնավորեցված 16 օբյեկտների գնահատված արժեքը կազմել է 57559.4 հազար դրամ, իսկ վաճառքի գինը` 18177.7 հազար  դրամ կամ 31.6 տոկոս:

 Ներդրումային պարտավորություններ ստանձնած գնորդներին ուղղակի վաճառքի ձևով մասնավորեցված 4 օբյեկտների գնահատված արժեքը կազմել է 21973.7 հազար դրամ, իսկ վաճառքի գինը` 3905.3 հազար դրամ կամ 17.8 տոկոս: Մասնավորեցված օբյեկտների գնորդները ստանձնել են կատարել 56000.0 հազար դրամի չափով ներդրում և ստեղծել 9 աշխատատեղ, այդ թվում` հաշվետու ժամանակաշրջանում`13000.0 հազար դրամի չափով ներդրում:

Հաշվետու ժամանակաշրջանում, համաձայն գնորդների ներկայացրած տվյալների, կատարվել է 13100.0 հազար դրամի չափով ներդրում: Նշված ցուցանիշի գծով պարտավորությունները կատարվել են 100.8 տոկոսով:

Հաշվետու ժամանակաշրջանում ուղղակի վաճառքի ձևով մասնավորեցված «փոքր», կիսավեր և այլ օբյեկտների մասին  տեղեկությունները ներկայացված են N 4 աղյուսակում:

2.3.1. «ՓՈՔՐ», ԿԻՍԱՎԵՐ ԵՎ ԱՅԼ ՕԲՅԵԿՏՆԵՐԻ ԱՃՈՒՐԴՈՎ

ՄԱՍՆԱՎՈՐԵՑՈՒՄԸ

Հաշվետու ժամանակաշրջանում աճուրդային վաճառքի է ներկայացվել մեկ կիսավեր օբյեկտ և ընկերությունների գույքի կազմից առանձնացված կառուցվածքային մեկ միավոր: Հայտարարված թվով երկու աճուրդները չեն կայացել` հայտերի բացակայության պատճառով:

Հաշվետու ժամանակաշրջանում աճուրդային վաճառքի են ներկայացվել նաև համայնքային սեփականություն հանդիսացող երկու օբյեկտներ, որոնք նույնպես չեն վաճառվել:

2.4. ՊԱՅՄԱՆԱԳՐԱՅԻՆ ՊԱՐՏԱՎՈՐՈՒԹՅՈՒՆՆԵՐԻ

ԿԱՏԱՐՈՂԱԿԱՆԸ

Պետական գույքի մասնավորեցման գործընթացի արդյունավետությունը պայմանավորվում է նաև մասնավորեցման սուբյեկտների ստանձնած պարտավորությունների կատարմամբ, որոնք վերահսկվում են Լեռնային Ղարաբաղի Հանրապետության տնտեսական զարգացման նախարարության կողմից (այսուհետ` Նախարարություն):

Հաշվետու ժամանակաշրջանում մասնավորեցման պայմանագրերով Նախարարության վերահսկողության ներքո է գտնվել 26 գնորդների կողմից ստանձնած պայմանագրային պարտավորությունների կատարումը, որոնց կողմից ստանձնած ներդրումային պարտավորությունները 2011 թվականին կազմել են 1206300.0 հազար դրամ, իսկ սոցիալական երաշխիքների մասով նախատեսված է եղել ստեղծել  68 աշխատատեղ:

Նախարարության կողմից հաշվետու ժամանակաշրջանում կատարած ուսումնասիրությունների արդյունքով` մասնավորեցման պայմանագրերով ամրագրված ներդրումային պարտավորությունները լրիվությամբ կատարել են թվով 25 գնորդներ: Մեկ գնորդի կողմից մասնավորեցման պայմանագրերով ամրագրված 260000,0 հազար դրամի չափով ներդրումային պարտավորությունները կատարվել են թերի, որի չկատարած ներդրումները կազմել են 199600.0 հազ. դրամ: Նշված 26 գնորդների կողմից 2011 թվականի ընթացքում կատարված ներդրումները կազմել են 1330800.0 հազար դրամ, իսկ սոցիալական երաշխիքների մասով նշված գնորդների կողմից ստեղծվել է 103 աշխատատեղ: Նշված ցուցանիշների գծով 2011 թվականի պարտավորությունները կատարվել են համապատասխանաբար 110.3  և 151.4 տոկոսով:

Հաշվետու ժամանակաշրջանում կատարված ներդրումների ծավալը 2010 թվականի նկատմամբ աճել է 715700.0 հազար դրամով  կամ ավելի քան երկու անգամ, իսկ ստեղծված աշխատատեղերի քանակը՝ 69-ով  կամ ավելի քան  երեք անգամ գերազանցել է 2010 թվականի համապատասխան ցուցանիշը:

Հաշվետու ժամանակաշրջանում «Հիսունհինգ» սահմանափակ պատասխանատվությամբ ընկերության կողմից պայմանագրային պարտավորությունները չկատարելու համար  Նախարարությունը դիմել է  դատարան՝ մասնավորեցված գույքի նկատմամբ բռնագանձում տարածելու հայցով: Շուշիի նախկին երաժշտական գործիքների գործարանի կիսավեր շենքերի գնորդ «Մհեր» սահմանափակ պատասխանատվությամբ ընկերության կողմից պայմանագրային պարտավորությունները չկատարելու պատճառով մասնավորեցման պայմանագիրը լուծարվել է և օբյեկտը  վերադարձվել է պետությանը:

Հաշվետու ժամանակաշրջանի դեկտեմբերի 30-ի դրությամբ պայմանագրային պարտավորությունների կատարման ժամկետը լրացած ընկերությունների, ընկերությունների գույքի կազմից առանձնացված կառուցվածքային միավորների, «փոքր» և կիսավեր օբյեկտների գնորդների կողմից պայմանագրային պարտավորությունների կատարման մասին տեղեկությունները` ըստ առանձին ընկերությունների և օբյեկտների, ներկայացված են N 5 աղյուսակում:                        

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      ԱղյուսակN1  

ՏԵՂԵԿՈՒԹՅՈՒՆՆԵՐ

ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ԸՆԿԵՐՈՒԹՅՈՒՆՆԵՐԻ ԼՈՒԾԱՐՄԱՆ ԳՈՐԾԸՆԹԱՑԻ ՎԵՐԱԲԵՐՅԱԼ

                Ծանոթություն. լուծարման ընթացքում գտնվող թվով 7 ընկերությունների պարտքերը 2012 թվականի հունվարի 1-ի դրությամբ կազմում են 43660.2 հազար դրամ, որից պետական բյուջեի հանդեպ՝ 41326.2 հազար դրամ£

Աղյուսակ N 2

ՏԵՂԵԿՈՒԹՅՈՒՆՆԵՐ

ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ՈՒՂՂԱԿԻ ՎԱՃԱՌՔԻ ՁԵՎՈՎ ՄԱՍՆԱՎՈՐԵՑՎԱԾ ԸՆԿԵՐՈՒԹՅՈՒՆՆԵՐԻ

ԳՈՒՔԻ ԿԱԶՄԻՑ ԱՌԱՆՁՆԱՑՎԱԾ ԿԱՌՈՒՑՎԱԾՔԱՅԻՆ ՄԻԱՎՈՐՆԵՐԻ ՎԵՐԱԲԵՐՅԱԼ

 (հազար  դրամ)

Աղյուսակ N 3

ՏԵՂԵԿՈՒԹՅՈՒՆՆԵՐ

ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ՈՒՂՂԱԿԻ ԱՆՀԱՏՈՒՅՑ ՏՐԱՄԱԴՐՄԱՆ  ՁԵՎՈՎ ՄԱՍՆԱՎՈՐԵՑՎԱԾ

ԸՆԿԵՐՈՒԹՅՈՒՆՆԵՐԻ ՎԵՐԱԲԵՐՅԱԼ

 (հազար դրամ)

Աղյուսակ N 4

ՏԵՂԵԿՈՒԹՅՈՒՆՆԵՐ

ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ՈՒՂՂԱԿԻ ՎԱՃԱՌՔԻ ՁԵՎՈՎ ՄԱՍՆԱՎՈՐԵՑՎԱԾ «ՓՈՔՐ»,

ԿԻՍԱՎԵՐ ԵՎ ԱՅԼ ՕԲՅԵԿՏՆԵՐԻ ՄԱՍԻՆ

                                                                                                                                                               (հազար դրամ)

Աղյուսակ N 5

ՏԵՂԵԿՈՒԹՅՈՒՆՆԵՐ

ՀԱՇՎԵՏՈՒ ԺԱՄԱՆԱԿԱՇՐՋԱՆԻ ՎԵՐՋԻ ԴՐՈՒԹՅԱՄԲ ՊԱՅՄԱՆԱԳՐԱՅԻՆ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ

ԺԱՄԿԵՏԸ ԼՐԱՑԱԾ ԸՆԿԵՐՈՒԹՅՈՒՆՆԵՐԻ, ԸՆԿԵՐՈՒԹՅՈՒՆՆԵՐԻ ԳՈՒՅՔԻ ԿԱԶՄԻՑ ԱՌԱՆՁՆԱՑՎԱԾ

 ԿԱՌՈՒՑՎԱԾՔԱՅԻՆ ՄԻԱՎՈՐՆԵՐԻ, «ՓՈՔՐ» ԵՎ ԿԻՍԱՎԵՐ ՕԲՅԵԿՏՆԵՐԻ ԳՆՈՐԴՆԵՐԻ ԿՈՂՄԻՑ

ՊԱՅՄԱՆԱԳՐԱՅԻՆ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ ՄԱՍԻՆ

                                                                                                                                                                                        (մլն դրամ)