Ընդունված է 2003թ. հունվարի 16-ին

Հոդված 1. Հաստատել Լեռնային Ղարաբաղի Հանրապետությունում փոքր եւ միջին ձեռնարկատիրության զարգացման 2003 թվականի պետական ծրագիրը (հավելվածը կցվում է):

 

Հոդված 2. Սույն օրենքն  ուժի մեջ է մտնում հրապարակման պահից:

 

 

 

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ՝                            Ա.ՂՈՒԿԱՍՅԱՆ

 

 

 

 

 

 

 

 

 

6 փետրվարի 2003 թ.

ք.Ստեփանակերտ

ՀՕ -27

 

Հ ա վ ե լ վ ա ծ

  «Լեռնային Ղարաբաղի Հանրապետությունում

 փոքր եւ միջին ձեռնարկատիրության զարգացման

                                                                                                                       2003 թվականի պետական ծրագիրը հաստատելու

                                                                                                                մասին» Լեռնային Ղարաբաղի Հանրապետության օրենքի

                                                                                            

 

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆՈՒՄ

 ՓՈՔՐ ԵՎ ՄԻՋԻՆ ՁԵՌՆԱՐԿԱՏԻՐՈՒԹՅԱՆ

ԶԱՐԳԱՑՄԱՆ 2003 ԹՎԱԿԱՆԻ

 

Պ Ե Տ Ա Կ Ա Ն  Ծ Ր Ա Գ Ի Ր

 

 

I  Ծրագրի մշակման հիմքերը

 

            Լեռնային Ղարաբաղի Հանրապետությունում փոքր և միջին ձեռնարկատիրության (այսուհետ՝ ՓՄՁ) զարգացման 2003 թվականի պետական ծրագրի (այսուհետ՝ ծրագիր) մշակման և իրականացման հիմքը «Փոքր և միջին ձեռնարկատիրության պետական աջակցության մասին» Լեռնային Ղարաբաղի Հանրապետության օրենքն է:

            Ծրագրի մշակման համար հիմք են հանդիսացել նաև Լեռնային Ղարաբաղի Հանրապետությունում փոքր և միջին ձեռնարկատիրության զարգացման քաղաքականության և ռազմավարության հիմնադրույթներն ու Լեռնային Ղարաբաղի Հանրապետության կառավարության 2003 թվականի բյուջետային ուղերձը:

 

II  Ծրագրի խնդիրները

 

            Ծրագրի խնդիրներն են՝

            ա) ՓՄՁ-ի սուբյեկտների արդյունավետ գործունեության համար անհրաժեշտ ենթակառուցվածքների ստեղծումը և զարգացումը.

            բ) ՓՄՁ-ի սուբյեկտների արտաքին տնտեսական գործունեության ընդլայնումը և արտահանման խթանումը.

            գ) իրավական դաշտի հետագա բարելավումը.

            դ) ՓՄՁ-ի սուբյեկտների ֆինանսական և ներդրումային աջակցության հնարավորությունների ընդլայնումը.

            ե) ՓՄՁ-ի սուբյեկտների վիճակագրության վարումը.

            զ) ՓՄՁ-ի սուբյեկտներին անհրաժեշտ տեղեկատվական և խորհրդատվական ծառայություններից, ուսուցողական ու կադրերի վերապատրաստման համակարգի ծառայություններից օգտվելու մատչելիության ապահովումը:

 

III  Ծրագրային միջոցառումների համակարգը

 

            2003 թվականի համար նախատեսված ծրագրային միջոցառումների համակարգն ընդգրկում է ՓՄՁ-ի ոլորտի զարգացման և պետական աջակցության հետևյալ հիմնական ուղղությունները.

 

 

1. «Փոքր և միջին ձեռնարկատիրության զարգացում» հիմնադրամի ստեղծում

 

            Լեռնային Ղարաբաղի Հանրապետությունում ՓՄՁ-ի պետական քաղաքականության և ոլորտի զարգացմանն ուղղված ծրագրերի իրականացման համար կստեղծվի «Փոքր և միջին ձեռնարկատիրության զարգացում» հիմնադրամ (այսուհետ՝ հիմնադրամ):

            Հիմնադրամը  կմասնակցի պետության կողմից իրականացվող ՓՄՁ-ի ոլորտի համակարգման ու կարգավորման գործընթացներին՝ համապատասխան առաջարկություններ ներկայացնելով Լեռնային Ղարաբաղի Հանրապետության կառավարություն:

            Բանակցություններ կվարվեն Հայաստանի Հանրապետության «Հայկական զարգացման գործակալության», ՓՄՁ-ի զարգացման ազգային կենտրոնի, ինչպես նաև դոնոր կազմա-կերպությունների հետ՝ 2003 թվականին և հետագայում համատեղ ծրագրեր իրականացնելու նպատակով, որոնք Լեռնային Ղարաբաղի Հանրապետությունում ՓՄՁ-ի զարգացման պետա-կան քաղաքականության և տարեկան ծրագրերի մասը կկազմեն:

Հիմնադրամը կիրականացնի «Փոքր և միջին ձեռնարկատիրության պետական աջակցության մասին» Լեռնային Ղարաբաղի Հանրապետության օրենքով նախատեսված ՓՄՁ-ի սուբ-յեկտների ֆինանսական և  ներդրումային աջակցությունը:

           

2. ՓՄՁ-ի տեղեկատվական և խորհրդատվական ապահովումը

 

            Պետական կառավարման մարմինները, բիզնես-աջակցող կառույցները և ՓՄՁ-ի սուբյեկտները պետք է ապահովվեն համապատասխան տեղեկատվությամբ և խորհրդատվությամբ:

            Հիմնադրամի օժանդակությամբ նախատեսվում է ՓՄՁ-ի սուբյեկտներին խորհրդատվական ծառայությունների մատուցում հետևյալ ուղղություններով՝

            իրավական.

            ընկերությունների կառավարման.

            ֆինանսական (վարկային և ներդրումային).

            շուկաների (ներքին և արտաքին) ուսումնասիրման.

            գործարար ծրագրերի կազմման.

            որակի կառավարման.

            այլ խորհրդատվական ծառայություններ:

            Ձեռնարկատերերի արդյունավետ գործունեության ապահովման համար անհրաժեշտ է օպերատիվ տեղեկատվություն Լեռնային Ղարաբաղի Հանրապետությունում գործող ծրագրերի վերաբերյալ, որոնք աջակցում են ՓՄՁ-ի սուբյեկտներին իրենց գործունեության տարբեր բնագավառներում:

            Սույն ծրագրով հիմնադրամի կողմից՝

            - կիրականացվեն աշխատանքներ գործող տեղեկատվական համակարգերում, Լեռնային Ղարաբաղի Հանրապետության ՓՄՁ-ի սուբյեկտներին ներկայացնելու և այդ համակարգերի  տեղեկատվությունը նրանց տրամադրելու ուղղությամբ,

            - կհրատարակվեն տեղեկություններ ՓՄՁ-ին աջակցող և ծառայություններ մատուցող կազմակերպությունների ու ծրագրերի մասին:

 

3. ՓՄՁ-ների վիճակագրություն

 

ՓՄՁ-ի սուբյեկտները յուրաքանչյուր երկրի տնտեսական և սոցիալական կայունության հիմնական երաշխիքն են: Սակայն դրանց ազդեցությունը Լեռնային Ղարաբաղի Հանրապետության տնտեսության զարգացման վրա դժվար է գնահատել առանց այդ ոլորտի առանձնացված վիճակագրական հաշվառման: Նման վիճակագրական տեղեկատվության առկայությունը հնարավորություն կընձեռի ոչ միայն գնահատել ոլորտի դերը երկրի տնտեսական և սոցիալական զարգացման գործընթացում, այլ նաև հաշվի առնել այդ տվյալները ոլորտի զարգացման և աջակցման պետական ծրագրեր մշակելիս:

Նախատեսվում է Լեռնային Ղարաբաղի Հանրապետության ազգային վիճակագրական ծառայության կողմից ՓՄՁ-ի սուբյեկտների վիճակագրության վարման նախապատրաստում: Աշխատանքներ կիրականացվեն վիճակագրության վարման գործընթացը և դրա շարունակականությունն ապահովելու համար:

 

IV  Ծրագրի իրականացման սկզբունքները

 

 

Լեռնային Ղարաբաղի Հանրապետությունում ՓՄՁ-ի զարգացման 2003 թվականի պետական ծրագիրն իրականացվում է սույն ծրագրով նախատեսված ՓՄՁ-ին աջակցող կառույցների միջոցով՝

1. Նպատակային ենթածրագրերը մշակվում են Լեռնային Ղարաբաղի Հանրապետության արտադրական ենթակառուցվածքների զարգացման և քաղաքաշինության նախարարության կողմից՝ համապատասխան այլ պետական մարմինների մասնակցությամբ: Ենթածրագրերի մշակման աշխատանքներում կներգրավվեն նաև շահագրգիռ հասարակական կազմակերպությունները:

2. Համաձայն «Փոքր և միջին ձեռնարկատիրության պետական աջակցության մասին» Լեռնային Ղարաբաղի Հանրապետության օրենքի՝ ՓՄՁ-ի զարգացման տարեկան ծրագրի ֆինանսավորման նպատակով նախատեսվում է «Լեռնային Ղարաբաղի Հանրապետության 2003 թվականի պետական բյուջեի մասին» Լեռնային Ղարաբաղի Հանրապետության օրենքի համաձայն հատուկ հաշվին հավաքագրվող գումարից հատկացնել 200.0 մլն դրամ:

3. Լեռնային Ղարաբաղի Հանրապետությունում ՓՄՁ-ի զարգացման 2003 թվականի պետական ծրագրի իրականացման միջոցառումները (ցանկը կցվում է) մշակում և համակարգում է Լեռնային Ղարաբաղի Հանրապետության արտադրական ենթակառուցվածքների զարգացման և քաղաքաշինության նախարարությունը, որպես ՓՄՁ-ի զարգացման պետական քա-ղաքականության մշակման համար պատասխանատու մարմին:

4. 2003 թվականի ընթացքում դոնոր կազմակերպությունների հետ ձեռք բերվելիք համաձայնությունների շրջանակներում կարող են իրականացվել ՓՄՁ-ի աջակցման համատեղ ծրագրեր՝ Լեռնային Ղարաբաղի Հանրապետության օրենսդրությամբ սահմանված կարգով:

 

 

 

 

 

Ց Ա Ն Կ 

 

         Լեռնային Ղարաբաղի Հանրապետությունում ՓՄՁ-ի զարգացման 2003 թվականի պետական ծրագրի իրականացման միջոցառումների

 

Հ/հ	Միջոցառման անվանումը	Կատարողը	Ֆինանսա-վորման գումարը *        /մլն. դրամ/	Կատարման ժամկետը
1.	«Փոքր և միջին ձեռնարկատիրության զարգացում» հիմնադրամի ստեղծում և  2003 թ. աշխատանքների կազմակերպում	ԼՂՀ արտադրական ենթակառուցվածքների զարգացման և քաղաքաշինության նախարարություն	-	2003 թ. հունվար
2.	ՓՄՁ-ի զարգացմանը նպաստող  իրավական ակտերի ընդունում	ԼՂՀ շահագրգիռ նախարարություններ և գերատեսչություններ	-	2003 թ.
3.	ՓՄՁ-ի սուբյեկտների վիճակագրու- թյան վարման նախապատրաստում	ԼՂՀ ազգային վիճակագրական ծառայություն	-	2003 թ.                     I եռամսյակ
4.	ՓՄՁ-ին  աջակցող  և ծառայություն- ներ մատուցող կազմակերպություննե- րի ու ծրագրերի  հրապարակում	«Փոքր և միջին  ձեռնարկատիրության  զարգացում»  հիմնադրամ	1.0	2003 թ.                    II եռամսյակ
5.	ՓՄՁ-ի սուբյեկտներին խորհրդատվա- կան, տեղեկատվական և մարքեթին- գային ծառայությունների տրա- մադրում, ներքին  և արտաքին շուկա- ներում ապրանքների ու ծառայություն- ների իրացմանն աջակցություն	«Փոքր և միջին ձեռնարկատիրության զարգացում» հիմնադրամ	2.0	2003 թ.
6.	Տեղեկատվական համակարգերին     ՓՄՁ-ի ոլորտի ինտեգրացման աշխատանքների իրականացում	«Փոքր և միջին ձեռնարկատիրության զարգացում» հիմնադրամ	-	2003 թ.
7.	ՓՄՁ-ի զարգացման ծրագրերի մշակում միջազգային դոնորներին ներկայացնելու համար	ԼՂՀ շահագրգիռ նախարարություններ և գերատեսչություններ, «Փոքր և միջին ձեռնարկատիրության զարգացում» հիմնադրամ	1.0	2003 թ.
8.	Դոնոր կազմակերպությունների հետ ՓՄՁ-ի զարգացման համատեղ ծրագրերի մշակում և իրականացում	ԼՂՀ արտադրական ենթակառուցվածքների զարգացման և քաղաքաշինության նախարարություն	-	2003 թ.
9.	ՓՄՁ-ի  սուբյեկտների վարկավորում   այդ թվում՝	«Փոքր և միջին ձեռնարկատիրության զարգացում» հիմնադրամ	196.0	2003 թ.
	- խաղողագործություն և պտղաբուծություն		40.0
	- անասնապահություն և ձկնաբուծություն		30.0
	- գյուղմթերքների վերամշակում և սննդամթերքների  արտադրություն		36.0
	- ինֆորմացիոն տեխնոլոգիաների արդյունաբերություն		11.0
	- ոչ պարենային արդյունաբերական ապրանքների արտադրություն		29.0
	- կոմունալ ծառայությունների մատուցում (ջեռուցում, աղբահանում, ջրամատակարարում և այլն)		50.0

 

 

 

* ֆինանսավորման գումարները որևէ միջոցառման գծով չծախսվելու դեպքում կուղղվեն այլ միջոցառումների ֆինանսավորմանը: