Ընդունված է 2005թ. դեկտեմբերի 28-ին
Հոդված 1. «Լեռնային Ղարաբաղի Հանրապետությունում ստուգումների կազմակերպ-ման և անցկացման մասին» Լեռնային Ղարաբաղի Հանրապետության օրենքի (այսուհետ` օրենք) 1-ին հոդվածում`
ա) 6-րդ մասից հանել «, ապահովագրական գործունեություն իրականացնողների գոր-ծունեության նկատմամբ իրականացվող ստուգումների» բառերը.
բ) 6-րդ մասը լրացնել հետևյալ բովանդակությամբ նոր պարբերությամբ՝
«Ապահովագրական գործունեություն իրականացնողների գործունեության նկատմամբ իրականացվող ստուգումների առանձնահատկությունները սահմանվում են սույն օրենքի 121-րդ հոդվածով:»:
Հոդված 2. Օրենքի 3-րդ հոդվածի 3-րդ մասի 1-ին նախադասությունում`
ա) «(այդ թվում` վարձու աշխատողների աշխատանքի ընդունման, նույն գործատուի մոտ այլ աշխատանքի փոխադրման ու աշխատանքից ազատման վերաբերյալ հրամանագրքի վարման)» բառերը փոխարինել «(այդ թվում` վարձու աշխատողների աշխատանքային պայմանագրերի գրանցամատյանի վարման, իսկ պետական մարմիններում և տեղական ինքնակառավարման մարմիններում` աշխատանքի ընդունման և աշխատանքից ազատման հրամանագրքերի վարման)» բառերով.
բ) «ըստ անհրաժեշտության իրականացվող ստուգումների» բառերից հետո լրացնել «ապահովագրական գործունեություն իրականացնողների գործունեության նկատմամբ իրականացվող ստուգումների» բառերը:
Հոդված 3. Օրենքը լրացնել հետևյալ բովանդակությամբ 12 1 -րդ հոդվածով`
«Հոդված 121. Ապահովագրական գործունեություն իրականացնողների գործունեության նկատմամբ իրականացվող ստուգումների առանձնահատկությունները
Ապահովագրական գործունեություն իրականացնողների գործունեության նկատմամբ իրականացվող ստուգումների իմաստով ուսումնասիրությունը՝ լիազորված պետական կառա-վարման մարմնի ապահովագրական գործունեություն իրականացնողների ներկայացրած հաշ-վետվությունների, այլ փաստաթղթերի մեկնաբանման, ապահովադիրներից կամ այլ անձանցից ստացված ապահովագրական գործունեություն իրականացնողների կողմից իրենց պարտականությունները կատարելու վերաբերյալ հիմնավորված տեղեկությունների պարզաբանման, ինչպես նաև առանձին վերլուծություններ իրականացնելու նպատակով իրականացվող գործընթաց է:»:
Հոդված 4. Սույն օրենքն ուժի մեջ է մտնում 2006 թվականի հունվարի 1-ից:
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` Ա. ՂՈՒԿԱՍՅԱՆ
30 դեկտեմբերի 2005 թ.
ք.Ստեփանակերտ
ՀՕ - 248
